நவராத்திரி - அப்பம் !

**krishnaamma** · **krishnaamma** Fri Sep 23, 2011 10:16 am

First topic message reminder :

நவராத்திரி என்றாலே முதலில் நம் நினைவுக்கு வருவது அழகழகான பொம்மைகளும் சுண்டலும் தான் புன்னகை

இல்லையா? சுண்டல் கள் உடல் ஆரோகியத்துக்கு ரொம்ப நல்லது, நிறைய 'புரோட்டீன்' இருக்கு இதில். மேலும் 'சரிவிகித உணவு என்று சொல்லும் அளவுக்கு, கொஞ்சம் எண்ணை, கொஞ்சம் தேங்காய், கொஞ்சம் புரோட்டீன், கொஞ்சம் கார்போ ஹைடிரெடு ' என்று எல்லாம் இருக்கும் இதில். சில சுண்டல் களைல் நாம் கேரட் , வெள்ளரி போன்ற சில காய் களையும் சேர்க்கலாம் . குழந்தைகள் முதல் பெரியவர் வரை எல்லோரும் சாப்பிடலாம்.

சுண்டல் இல் கார சுண்டல் மட்டும் அல்ல இனிப்பு சுண்டலும் இருக்கு. சிலவகை சுண்டல்களை இந்த திரி இல் பார்ப்போம். எப்போதும் போல் நீங்களும் உங்கள் குறிப்புகளையும் இங்கு பகிரலாம் புன்னகை

உங்கள் பின்னூட்டங்களும் சந்தேகங்களும் வறவேர்க்கப் படுகின்றன புன்னகை

**krishnaamma** · **krishnaamma** Sun Sep 25, 2011 12:08 pm

வழக்கமாக இனிப்பு சுண்டல் என்றால் வெல்லம் தான் போடுவோம். சிலர் கடலை பருப்பு சுண்டலில் மட்டும் சக்கரை போடுவது உண்டு புன்னகை

தேவையானவை:

கடலை பருப்பு 1 கப்
சக்கரை 1 கப்
ஏலப்பொடி 1 ஸ்பூன்
தேங்காய் துருவல் 1/2 கப்
நெய் 1 ஸ்பூன்

செய்முறை:

கடலை பருப்பை களைந்து குக்கரில் துளி உப்பு போட்டு வேகவைக்கவும்.
குழைந்தால் கூட பரவாயில்லை .
வாணலி இல் வெந்த கடலை பருப்பை போடவும்.
ஏலப்பொடி, தேங்காய் துருவல்,சக்கரை போடவும்.
நன்கு கிளறவும்.
சக்கரை போட்டதும் கொஞ்சம் தண்ணீர் விட்டுக்கும்.
தண்ணீர் மொத்தம் வத்தினதும் 1 ஸ்பூன் நெய் விட்டு கிளறி இறக்கவும்.
சுவையான இனிப்பு கடலை பருப்பு சுண்டல் நைவேத்யத்துக்கு தயார் புன்னகை

prlakshmi · prlakshmi Sun Sep 25, 2011 12:53 pm

அப்படியே சிவாவுக்கு அனுப்பிவைங்க.அவர்தான் கேட்டுக்கொண்டிருந்தார்.

vasanthe2590 · vasanthe2590 Sun Sep 25, 2011 1:52 pm

krishnaamma wrote:
ரேவதி wrote:அம்மா எனக்கு ஒரு சந்தேகம்
கொலு வேண்டுதலின் பெயரில் யார் வேண்டுமானாலும் வைக்கலாமா இல்லை அது வம்ஸாவலியாக வர வேண்டுமா அம்மா

வேண்டுதல் என்று இல்லை, ஆசையாய் வைக்கலாம். பிறகு விடாமல் வைக்கணும அவ்வளவுதான்

அம்மா எனக்கும் அதே சந்தேகம் தான்.. என் அம்மா இரண்டு வருடமாக கொலு வைக்க வேண்டும் என்று ஆசையாய் பூஜயை ஆரம்பிபார் .. ஆனால் ஏதாவது ஒரு தடங்கல் வந்து கொலு வைக்க முடியாது போகும்.. வீட்டில் யாராவது மூத்தவர்கள் இறப்பது போன்ற தடங்கல்கள் வரும்..

**krishnaamma** · **krishnaamma** Sun Sep 25, 2011 2:01 pm

prlakshmi wrote:அப்படியே சிவாவுக்கு அனுப்பிவைங்க.அவர்தான் கேட்டுக்கொண்டிருந்தார்.

என்ன வேண்டுமாம் சிவா வுக்கு? புன்னகை

சுண்டலா? இல்ல............. கண்ணடி

**krishnaamma** · **krishnaamma** Sun Sep 25, 2011 2:02 pm

vasanthe2590 wrote:
krishnaamma wrote:
ரேவதி wrote:அம்மா எனக்கு ஒரு சந்தேகம்
கொலு வேண்டுதலின் பெயரில் யார் வேண்டுமானாலும் வைக்கலாமா இல்லை அது வம்ஸாவலியாக வர வேண்டுமா அம்மா

வேண்டுதல் என்று இல்லை, ஆசையாய் வைக்கலாம். பிறகு விடாமல் வைக்கணும அவ்வளவுதான்
அம்மா எனக்கும் அதே சந்தேகம் தான்.. என் அம்மா இரண்டு வருடமாக கொலு வைக்க வேண்டும் என்று ஆசையாய் பூஜயை ஆரம்பிபார் .. ஆனால் ஏதாவது ஒரு தடங்கல் வந்து கொலு வைக்க முடியாது போகும்.. வீட்டில் யாராவது மூத்தவர்கள் இறப்பது போன்ற தடங்கல்கள் வரும்..

அடாடா... இந்த முறையாவது உங்க அம்மா ஆசை நிறைவேற வாழ்த்துகள் புன்னகை

prlakshmi · prlakshmi Mon Sep 26, 2011 6:05 am

அதெல்லாம் வேண்டாம்.பாவம் புது மெனு சமைக்க ஆளில்லை என்று நினைக்கிறேன்.

**krishnaamma** · **krishnaamma** Thu Sep 29, 2011 8:29 pm

சில நாட்கள் சுண்டல் போராமல் போய்விடும், அந்த மாதிரி சமயத்துக்கு கை கொடுக்கும் வகை இல் நாம் instant ஆக சிலது வைத்துக்கொள்ளனும். அதில் ஒன்று,
பொட்டுக்கடலை பொடி.

தேவையானவை:

பொட்டுக்கடலை 1 கப்
சக்கரை 1 கப்
ஏலக்கை 2 -3

செய்முறை:

பொட்டுக்கடலை யை வாணலி இல் சிறிது சூடு படுத்தவும்.
மிக்சி இல் சக்கரை, ஏலக்காயுடன் பொடிக்கவும்.
பாட்டில் இல் போட்டு வைக்கவும்.
தேவையான போது கொஞ்சம் எடுத்து பேப்பரில் பொட்டலம் கட்டி தரவும்.

குறிப்பு: இதயே நெய் விட்டு லட்டாகவும் பிடித்து தரலாம்

**krishnaamma** · **krishnaamma** Fri Sep 30, 2011 12:21 pm

இன்று நவராத்திரி வெள்ளி யாதலால், புட்டு செய்வோம் புன்னகை

அதன் செய்முறை இதோ :

தேவையானவை :

புழுங்கலரிசி 1 கப்
வெல்லம் 1 கப்
ஏலக்காய் 2 -3
உப்பு 1 சிட்டிகை
மஞ்சள் பொடி 1 சிட்டிகை
முந்திரி 10 - 12
நெய் 1 ஸ்பூன்
தேங்காய் துருவல் 1/2 கப்

செய்முறை:

வாணலி இல் புழுங்கல் அரிசி யை போட்டு, அடுப்பை சிம் இல் வைத்து நல்லா பொரித்து எடுக்கவும்.
கொஞ்சம் கொஞ்சமாக போட்டு வறுக்கணும், அப்ப அது நல்லா பொரிந்து வரும்.
தட்டில் கொட்டி வைக்கவும்.
ஆரினதும் மிக்சி இல் போட்டு, 'கார கார' ப்பாக மெல்லிசு ரவை போல பொடிக்கவும்.
மாவில் உப்பு மற்றும் மஞ்சள் பொடி போட்டு , கொஞ்சம் தண்ணீர் விட்டு பிசிரவும்.
பாத்திரத்தை குக்கரில் தண்ணீர் விட்டு வைக்கவும்.
இட்லி போல் ஆவி இல் வேகவிடவும்.
ஒரு 10 நிமிஷம் போதும்.
மாவை கை விரல்களில் எடுத்து திரி போல் திரிக்கணும்.
அப்படி செய்ய முடிந்தால் வெந்துவிட்டதாக அர்த்தம் புன்னகை

வெல்லத்தை தூளாக்கி கொஞ்சம் தண்ணீர் விட்டு, உருளி இல் வைக்கவும்.
நன்கு கரைந்ததும், வடிகட்டவும்.
மீண்டும் அடுப்பில் வைத்து, பாகு காய்ச்சவும் .
ஒரு கிண்ணி இல் தண்ணீர் வைத்து கொண்டு, கெட்டியான பாகை அதில் கொஞ்சம் ஊற்றவும்.
கையால் எடுத்து உருட்ட வரணும், வந்தால் அது சரியான பதம்.
ஏலப்பொடி போட்டு இறக்கவும்.
ஒரு பேசினில், வெந்த புட்டு மாவை போட்டு, உதிர்க்கவும் .
பாகை கரண்டி யால் எடுத்து கொஞ்சம் கொஞ்சமாக புட்டின் மேல் ஊற்றவும்.நன்குகிளறவும்.
மீண்டும் அடுத்த கரண்டி ஊற்றவும், கிளறவும்.
பாகு முடியவேண்டும் என்பது இல்லை, புட்டு கொள்ளும் அளவு ஊற்றவேண்டும்.
துளி பாகு மிஞ்சினால் தோஷம் இல்லை, மறுநாள் பாயசத்துக்கு விட்டுக்கலாம் புன்னகை

நன்கு கிளறி, தேங்காய் துருவல் சேக்கவும்.
நெய் இல் முந்திரி வறுத்து போடவும்.
அவ்வளவு தான், 'புட்டு ' தயார்

**krishnaamma** · **krishnaamma** Sat Oct 01, 2011 4:19 pm

நவராத்திரி சனிக்கிழமை எள்ளு பொடி செய்வது வழக்கம் புன்னகை

தேவையானவை:

எள் 1/2 கப்
வெல்லம் 1/2 கப்
ஏலக்காய் 2 - 3

செய்முறை:

எள்ளை பொறுக்கவும்.
விரட்டு வாணலி இல் 'பட பட' வென பொரியும் வரை வறுக்கவும்.
ஆறவிடவும்.
மிக்சி இல் வெல்லம், ஏலக்காயுடன் போட்டு பொடிக்கவும்
வேண்டுமானால் உருட்டலாம்.
அப்படியே கொலுக்கு நைவேத்யம் செய்யவும்.
சுவையாக இருக்கும் புன்னகை

ரேவதி · ரேவதி Sat Oct 01, 2011 4:31 pm

எங்கள் வீட்டிலும் இதை செய்வார்கள்.....
நன்றி அம்மா

Sponsored content · Sponsored content

நவராத்திரி - அப்பம் !

நவராத்திரி - அப்பம் !

கடலை பருப்பு இனிப்பு சுண்டல்

Re: நவராத்திரி - அப்பம் !

Re: நவராத்திரி - அப்பம் !

Re: நவராத்திரி - அப்பம் !

Re: நவராத்திரி - அப்பம் !

Re: நவராத்திரி - அப்பம் !

பொட்டுக்கடலைபொடி

புட்டு

எள்ளு பொடி

Re: நவராத்திரி - அப்பம் !

Re: நவராத்திரி - அப்பம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக