தமிழ் திரை உலகில் முதல் சூப்பர் ஸ்டார் " திரு. எம்.கே . தியாகராஜா பாகவதர் " இவர் ஒரு கர்நாடகா சங்கீத மேதை மற்றும் நடிகரும் கூட.
இவருடைய திரைப்படங்கள் எல்லாம் ஆன்மீகம் சார்ந்தவையே.
திருச்சி, பாலக்கரை, எடத்தெரு, கான்மியான் மேட்டுத்தெருவில் வசித்த
கிருஷ்ணமூர்த்தி ஆச்சாரியார் - மாணிக்கத்தம்மாள் தம்பதிக்கு, 1910 மார்ச்
1ம் தேதி எம்.கே. தியாகராஜ பாகவதர் பிறந்தார். அப்பகுதியில் உள்ள ஜெபமாலை
மாதா துவக்கப்பள்ளியில், 5ம் வகுப்பு வரை படித்த அவர், நாடகங்களில்
நடிக்கத் துவங்கினார். பின்னர், 1934ம் ஆண்டு பவளக்கொடி என்னும் திரைப்படம்
மூலம் தமிழ் திரையுலகில் காலடி எடுத்து வைத்தார். நவீன சாரங்கதாரா,
அம்பிகாபதி, திருநீலகண்டர், சிவகவி, ஹரிதாஸ், அசோக்குமார், ராஜமுக்தி
உள்பட, 14 படங்களில் நடித்து பிரபலமானார்.
தியாகராஜ பாகவதர் நடித்த, ஹரிதாஸ் என்ற படம் 4 தீபாவளிகளையும் தாண்டி
தியேட்டர்களில் வெற்றிகரமாக ஓடி சாதனை படைத்தது. இதன் மூலம் புகழின்
உச்சிக்கே சென்ற தியாகராஜ பாகவதர், உடல் நலக்குறைவால், 1959ம் ஆண்டு
நவம்பர் 1ம் தேதி இறந்தார். திருச்சியின் மற்றொரு மைந்தனாக திரையுலகில்
வலம் வந்த எம்.ஆர். ராதா ஏற்பாட்டில், தியாகராஜ பாகவதர் உடல் திருச்சிக்கு
கொண்டு வரப்பட்டு, மக்களின் அஞ்சலிக்கு வைக்கப்பட்டது. அதன்பின்,
ஆயிரக்கணக்கானோர் பங்கேற்ற ஊர்வலத்துடன் அவரது உடல் எடுத்துச்செல்லப்பட்டு
திருச்சி சங்கிலியாண்டபுரம் மணல்வாரித்துறை ரோடு அருகேயுள்ள சுடுகாட்டில்
அடக்கம் செய்யப்பட்டது.
இவருடைய பாடல்கள் இன்றும் நம்முடைய காதுகளில் தேன் பாய்வண . அவருடைய பாடல்கள் கேட்க

http://tamilsongs4ever.blogspot.com/2011/11/tamil-movie-first-super-star.html
http://tamilsongs4ever.blogspot.com/2011/11/mkthyagaraja-bhagavathar-songs-for-old.html
நன்றி....

நானும் இவரது பாடல்கள் கேட்டிருக்கிறேன்..
தமிழ் சூப்பர் ஸ்டார் உண்மையில் இவர் தான்.. பகிர்வுக்கு நன்றி

ஆம் உண்மையாகவே தமிழ் மக்களின் முதல் சூப்பர் ஸ்டார் இவர்தான்

இவரின் படம் ஒன்றில் தான் மக்கள் திலகம் MGR அறிமுகமானார்

இந்துக்கள், முகமதியர், கிருத்துவர்கள் என்று மத வேறுபாடு இல்லாமல் எல்லோரும் இவரின் பாடல்களை விரும்பிக் கேட்டனர் என்றால் அது மிகையாகாது. எங்கள் ஊரில் இருந்த ஒரே ஒரு முகமதிய பிரமுகரின் மகன், என்னுடன் பயின்றவன், ''கிருஷ்ணா, முகுந்தா, முராரே'' என்று பாடி எங்கள் பள்ளியில் பரிசு வாங்கியதை என்னால் மறக்க முடியாது. இது நடந்தது 1967 ம் வருடம். இன்னும் பசுமரத்து ஆணிபோல் என் மனதில் இது பதிந்துள்ளது. உண்மையில் மிகப் பெரும் மனிதர்

ஒ ,இவற பத்தி கேள்விபட்டுருக்கேன் ..ஆனா பாட்டு எல்லாம் கேட்டது இல்லங்க