'அது'

**ரா.ரா3275** · **ரா.ரா3275** Wed Jan 04, 2012 12:39 pm

யாருக்கேனும் தெரியுமா?
'அது'
எங்கே இருக்கிறதென?

மழை எழுப்பும் மண் வாசனை
நுகர்வதில்

கூரை வீட்டின் துளி சொட்டுதலை
ரசிப்பதில்

மஞ்சள் சூரியனின் இளஞ்சூட்டு இதம்
சுகிப்பதில்

அடிபட்டு விழும்போது
அன்பானவர்களின் ஆரத் தழுவலில்

பெண்கள்-குழந்தைகள்
பிரியப் பார்வையில்

சாதாரண சந்திப்புகள் அடர்த்தியாகி
சகோதரமாய் இறுகுவதில்

திண்ணைத் தூக்கத்தில்
சுருண்டு படுப்பதில்

கறுக்கிருட்டில்
பய தைரியத்தில்
பாடிக்கொண்டே போவதில்

ஊருக்குப் போகும்போதெல்லாம் எழும்
மனசோர அரிப்பில் கரைவதில்

காதலிப்பதாய்
பொய்-நிஜம் சொல்லிக்
குறுகுறுப்பதில்

தூக்கத்தில் மோதிக்கொள்ளும்போது
அடிபட்ட இடத்தின் வலியில்

அடிக்கடி மேலெழும்பும்
பழைய பதிவுகளில்

சுயமரியாதையில் யாரேனும்
ஊசி செருகும்போது
வெடித்துப் பீறிடும் சினத்தில்

இன்னும் இன்னும்
பெயர் தெரியாத பலவற்றில்
இருக்கும்
'அது'
எங்கே இருக்கிறதென
யாருக்கேனும் தெரியுமா?

மானுடத்தின் சாரமே
'அது' தான்
ஆகவேதான் கேட்கிறேன்...
யாருக்கேனும் தெரியுமா?
'அது'
எங்கே இருக்கிறதென?

[list=1][*]

**உமா** · **உமா** Wed Jan 04, 2012 12:43 pm

ரொம்ப ரசித்து படித்தேன் ....
அது எங்கே இருக்கு என்று சொல்ல இயலவில்லை...
ஆனால் அது வாழ்க்கையை சிறப்பிக்க வைக்கும்...சில வேளையிலே மகிழ்ச்சி, துன்பம், எதிர்பார்த்து, ஏக்கம், ரசிப்பு, அழுகை, இப்படி ஒவ்வொரு விஷயத்திலும் "அது" உள்ளது...

உங்கள் கவிதையிலுமே "அது"உள்ளது..
அழகான வார்த்தைகளின் கோர்ப்பு..
படிக்கும் போது மனதில் ஏற்படும் சிலிர்ப்பு...

மகிழ்ச்சி

**ரா.ரா3275** · **ரா.ரா3275** Wed Jan 04, 2012 12:53 pm

வார்த்தைகள் இல்லை நன்றிகள் சொல்ல உமா...

**ஹிஷாலீ** · **ஹிஷாலீ** Wed Jan 04, 2012 12:56 pm

கவிதை அருமை. அது ஆகாயத்தையும் பூமியையும் இணைக்கும் ஆருயிரில் இருக்கிறது. சும்மா சொல்லி பார்த்தேன்.

**ரா.ரா3275** · **ரா.ரா3275** Wed Jan 04, 2012 1:08 pm

ஒவ்வொருவருக்கும் 'அது' எது எது'வாகவோ இருக்கிறது என்பதே உண்மை...நன்றி ஹிஷா...

ரேவதி · ரேவதி Wed Jan 04, 2012 1:09 pm

அடடா..எப்படியெல்லாம் யோசிச்சி எழுதுரிங்க சூப்பர்

**ரா.ரா3275** · **ரா.ரா3275** Wed Jan 04, 2012 1:16 pm

ரேவதி... இதன் பெயர் நக்கலா?...
வெளிப்படையாகச் சொன்னால் சுகம்...

ரேவதி · ரேவதி Wed Jan 04, 2012 1:19 pm

RaRa3275 wrote:ரேவதி... இதன் பெயர் நக்கலா?...
வெளிப்படையாகச் சொன்னால் சுகம்...

அட நக்கல் எல்லாம் இல்லை..உங்கள் சிந்தனையை பார்த்து வியந்துதான் அப்படி போட்டேன்

**ரா.ரா3275** · **ரா.ரா3275** Wed Jan 04, 2012 1:41 pm

உனமையாக இருந்தால் நன்மையே...

kitcha · kitcha Wed Jan 04, 2012 1:51 pm

கவிதை நன்று.ரசிக்கும் படி உள்ளது அருமையிருக்கு

Sponsored content · Sponsored content

'அது'

'அது'

Re: 'அது'

Re: 'அது'

Re: 'அது'

Re: 'அது'

Re: 'அது'

Re: 'அது'

Re: 'அது'

Re: 'அது'

Re: 'அது'

Re: 'அது'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக