சென்னை, ஜன. 16-

இந்திய கிரிக்கெட் அணி ஆஸ்திரேலியாவுக்கு எதிரான டெஸ்ட் தொடர் முடிந்தபிறகு இரண்டு 20 ஓவர் ஆட்டம் மற்றும் 3 நாடுகள் போட்டியில் விளையாடுகிறது. 3 நாடுகள் போட்டி பிப்ரவரி 5-ந்தேதி முதல் மார்ச் 8-ந்தேதி வரை நடக்கிறது. இலங்கை அணி 3-வது நாடாக கலந்து கொள்கிறது. இதற்கான 17 பேர் கொண்ட இந்திய அணி சென்னையில் நேற்று அறிவிக்கப்பட்டது.

உலக கோப்பைக்கு பிறகு ஒருநாள் போட்டியில் விளையாடாத தெண்டுல்கர், ஜாகீர்கான் அணியில் இடம் பெற்றனர். வெஸ்ட்இண்டீசுக்கு எதிரான கடைசி ஒருநாள் போட்டியில் இடம் பெற்ற இர்பான் பதானுக்கும் வாய்ப்பு வழங்கப்பட்டுள்ளது. பிரவீண்குமார் உடல் தகுதி பெற்றதால் அணியில் இடம் பெற்றார்.

இந்திய அணியின் முன்னணி சுழற்பந்து வீரரான ஹர்பஜன்சிங் அணியில் இருந்து தொடர்ந்து ஒரங்கட்டப்பட்டுள்ளார். ஆஸ்திரேலியாவுக்கு எதிரான டெஸ்ட் தொடரில் இந்திய அணி மோசமான விளையாடி வருவதால் அவருக்கு வாய்ப்பு கிடைக்கும் என்று எதிர்பார்க்கப்பட்டது. ஆனால் தேர்வுகுழுவினர் அவரை கண்டு கொள்ளாமல் தொடர்ந்து புறக்கணித்தனர்.

இங்கிலாந்து சுற்றுப் பயணத்தில் அவரது பந்து வீச்சு மோசமாக இருந்தது. இதன் காரணமாக இந்தியாவில் நடந்த இங்கிலாந்து, வெஸ்ட் இண்டீஸ் தொடரில் நீக்கப்பட்டார். ஆஸ்திரேலியா டெஸ்ட் தொடரிலும் இடம் பெறவில்லை. தற்போது 3 நாடுகள் போட்டியிலும் வாய்ப்பு கிடைக்கவில்லை.

31 வயதான ஹர்பஜன்சிங் ஒருநாள் போட்டியில் 259 விக்கெட்டும் (229), டெஸ்டில் 406 விக்கெட்டும் (98) கைப்பற்றியுள்ளார். 3 நாடுகள் போட்டிக்கான இந்திய அணி வருமாறு:-

டோனி (கேப்டன்), ஷேவாக், காம்பீர், வீராட் கோலி, ரெய்னா, ரோகித் சர்மா, ரவிந்திர ஜடேஜா, மனோஜ் திவாரி, பார்த்தீவ் பட்டேல், ஜாகீர்கான், உமேஷ் யாதவ், இர்பான் பதான், வினய்குமார், பிரவீண்குமார், ராகுல் சர்மா, அஸ்வின்.

மாலைமலர்

போங்கப்பா நான் கிரிக்கெட் பார்ப்பதை விட்டுவிட்டேன். 3-0 அவமானமா போச்சி

அசுரன் wrote:போங்கப்பா நான் கிரிக்கெட் பார்ப்பதை விட்டுவிட்டேன். 3-0 அவமானமா போச்சி

இளமாறன் wrote:

அசுரன் wrote:போங்கப்பா நான் கிரிக்கெட் பார்ப்பதை விட்டுவிட்டேன். 3-0 அவமானமா போச்சி

தொடர் தோல்விகள் ரசிகர்கள் மனதை பாதிக்கிறது அதை சொன்னேன்.