மலேரியா

**சிவா** · **சிவா** Wed 18 Jan 2012 - 7:12

ஆண்டுதோறும் உலகெங்கும் சுமார் 20 லட்சம் பேரின் உயிரைப் பறிக்கிறது, மலேரியா நோய்.

தென் அமெரிக்கா, மத்திய அமெரிக்கா, கிழக்கு ஆசியா, மத்திய ஆப்பிரிக்கா, மத்திய தரைக்கடல் நாடுகள் மற்றும் வெப்பப் பிரதேசங்கள், கடற்கரை அமைந்த ஊர்களில் மலேரியா காணப்படுகிறது.

மலேரியா என்பது இத்தாலியச் சொல். இதன் பொருள், `கெட்ட காற்று' என்பதே. ஆரம்பத்தில், இருள் சூழ்ந்த ஈரப் பகுதியில் உண்டாகும் ஒருவித விஷ வாயுவால் மலேரியா காய்ச்சல் தோன்றுகிறது என்ற கருத்து இருந்தது. ஆனால் விஷவாயுவால் மலேரியா ஏற்படுவதில்லை, கொசுக்களால்தான் வருகிறது என்று 1902-ம் ஆண்டு சர் ரோனால் டராஸ் என்பவர் நிரூபித்தார். அதற்காக அவர் நோபல் பரிசும் பெற்றார்.

மலேரியா, `பிளாஸ்மோடியம்' என்ற ஒட்டுயிர் மூலமாக உண்டாகிறது. இந்த ஒட்டுயிர்கள், `அனாலீஸ்' எனப்படும் பெண் கொசுக்களின் வயிற்றில் பற்றிக் கொள்கின்றன. இக்கொசுவின் வயிற்றுக்கும், அதன் உமிழ்நீருக்கும் தொடர்பு உண்டு.

அனாலீஸ் கொசு, ஆரோக்கியமான ஒரு மனிதனைக் கடிக்கும்போது மலேரியா ஒட்டுயிர் அதன் உமிழ்நீர் வழியாக மனித ரத்தத்தில் கலந்து விடுகிறது. மனித உடலில் புகுந்ததும், ரத்தத்தில் உள்ள சிவப்பு அணுக்களைத் தாக்கி அவற்றை அழிக்க முயல்கிறது. அதனால் நோயாளிக்கு காய்ச்சல் ஏற்படுகிறது. மலேரியா காய்ச்சல், நான்கு மணி நேரத்துக்கு ஒரு தடவையோ அல்லது ஒருநாள் இடைவெளி விட்டோ திரும்பத் திரும்ப வருகிறது. நடுக்கத்துடன் கூடிய காய்ச்சலே மலேரியாவின் வெளிப்படையான அடையாளம்.

குறிப்பிட்ட காலத்துக்குள் உரிய சிகிச்சை அளிக்கப்படாவிட்டால் ரத்தத்தில் உள்ள சிவப்பு அணுக்கள் வெகுவாகப் பாதிக்கப்பட்டு அழிகின்றன. முடிவில் நோயாளி மரணத்தைத் தழுவ நேரிடும். தற்போது மலேரியாவைக் குணப்படுத்தப் பல மருந்துகள் வந்துவிட்டன. உலகத்தில் இருந்து இந்நோய் அடியோடு ஒழிக்கப்படும் நாள் வெகு தொலைவில் இல்லை.

மலேரியா

மலேரியா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக