அடிலைட்: அடிலெய்ட் டெஸ்ட் போட்டியிலும் இந்தியாவின் பேட்டிங் மகா மோசமாக இருக்கிறது. தனது முதல் இன்னிங்ஸை வெறும் 272 ரன்களுக்கு இழந்தது இந்தியா. விராத் கோஹ்லி சதம் அடித்தது மட்டுமே இந்தியாவின் சிறப்பம்சம். ஆஸ்திரேலியா தனது 2வது இன்னிங்ஸில் 3 விக்கெட்களை இழந்து 50 ரன்கள் எடுத்துள்ளது.

ஏற்கனவே 3 டெஸ்ட் போட்டிகளையும், தொடரையும் இழந்து விட்ட இந்திய அடிலெய்ட் டெஸ்ட்டிலாவது ஆறுதல் வெற்றி பெறுமா என்று ரசிகர்கள் எதிர்பார்த்தனர். ஆனால் அதுவும் தற்போது நடக்காது என்பது போலத் தெரிகிறது.

ஆஸ்திரேலய அணி முதல் இன்னிங்ஸில் மிகச் சிறப்பாக ஆடி 604 ரன்களைக் குவித்து டிக்ளேர் செய்தது. இதையடுத்துக் களம் இறங்கிய இந்தியா வழக்கம் போல பேட்டிங்கில் பெரும் குழப்பத்தை வெளிப்படுத்தியது. விளையாடவே தெரியாதவர்கள் போல இந்திய வீரர்கள் குறிப்பாக மூத்த வீரர்கள் விளையாடியதை ரசிகர்கள் வேதனையுடன் பார்த்தனர்.

கம்பீர், ஷேவாக், டிராவிட், சச்சின், வி.வி.எஸ்.லட்சுமன் என ஒருவருமே உருப்படியாக விளையாடவில்லை. ஆஸ்திரேலியப் பந்து வீச்சாளர்களின் பந்துகளுக்கு படு சுலபமாக இரையாகிப் போனார்கள்.

கடுமையாகப் போராடி விளையாடிய கம்பீர் 34, சச்சின் 25,ஷேவாக் 18, லட்சுமன் 18 என சொற்ப ரன்களில் வீழ்ந்தனர்.

இருப்பினும் விராத் கோஹ்லி மட்டும் சற்றே பொறுப்புடனும், பொறுமையுடனும் ஆடி சதமடித்தார். இந்தத் தொடரில் இந்திய வீரர் ஒருவர் சதமடிப்பது இதுவே முதல் முறை என்பது குறிப்பிடத்தக்கது. சதமடிப்பார் என்று எதிர்பார்க்கப்பட்ட சச்சின் பொய்த்துப் போன நிலையில் பார்மில் இல்லாத வீரராக திகழ்ந்து வரும் கோஹ்லி கடைசி டெஸ்ட் போட்டியில் சதமடித்திருப்பது குறிப்பிடத்தக்கது.

நேற்று 2 விக்கெட்களை மட்டும் இழந்திருந்த இந்தியா இன்று மதிய உணவு இடைவேளைக்குள் அனைத்து விக்கெட்களையும் இழந்து விட்டது. கோஹ்லி மட்டும் சற்றே பொறுப்புடன் ஆடி ரன் சேர்த்தார். இருப்பினும் இந்தியாவால் 300 ரன்களைக் கூட தாண்ட முடியாமல் போனது. இறுதியில் இந்தியாவின் இன்னிங்ஸ் 272 ரன்களில் முடிந்து போனது.

இதையடுத்து ஆஸ்திரேலியா மிகப் பெரிய லீடிங்குடன் தனது 2வது இன்னிங்ஸை தொடங்கியது. சுழற்பந்து வீச்சாளர் அஸ்வினின் சிறப்பான பந்து வீச்சைத் தாக்குப் பிடிக்க முடியாமல் கோவன் மற்றும் வார்னர் ஆகியோர் வீழ்ந்தனர். மார்ஷை ஜாகிர் கான் வீழ்த்தினார். இன்றைய ஆட்ட நேர முடிவில் ஆஸ்திரேலியா 382 ரன் முன்னிலை பெற்றிருந்தது.


தட்ஸ் தமிழ்

ஆஸ்ட்ரேலியா நம்மள கதம் கதம் ன்னு வதம் பண்றாங்க.

நாம என்னடான்னா சச்சின் ஒரு சதம் போடலியேன்னு இருக்கோம்.

அவரு போடட்டும்ன்னு மத்த வீரர்கள் எல்லாம் விட்டுக் குடுத்தாங்க இதுவரை.

இனி போடப் போறதில்லேன்னு தெரிஞ்ச ஒடன விராத் அட்லீஸ்ட் ஒன்னு நாம போட்டுடலாம்ன்னு போட்டுட்டார் போல.

கொலவெறி wrote:ஆஸ்ட்ரேலியா நம்மள கதம் கதம் ன்னு வதம் பண்றாங்க.

நாம என்னடான்னா சச்சின் ஒரு சதம் போடலியேன்னு இருக்கோம்.

அவரு போடட்டும்ன்னு மத்த வீரர்கள் எல்லாம் விட்டுக் குடுத்தாங்க இதுவரை.

இனி போடப் போறதில்லேன்னு தெரிஞ்ச ஒடன விராத் அட்லீஸ்ட் ஒன்னு நாம போட்டுடலாம்ன்னு போட்டுட்டார் போல.

இனி நாங்கள் தான் நல்ல கிரிக்கெட் விளையாட்டு வீரர்கள் என்று சொல்ல முடியாதே