கவுகாத்தி: அசாம் மாநிலத்தில் இன்று காலையில் பயணிகள் ரயில் தடம் புரண்டதில் 50 பேர் காயமுற்றனர். 5 பேர் இறந்து விட்டதாகவும், பலர் கவலைக்கிடமான நிலையில் இருப்பதாகவும் உள்ளூர் போலீஸ் தரப்பில் கூறப்படுகிறது.

பொங்கைகான்- கவுகாத்தி எக்ஸ்பிரஸ் ரயில் சென்று கொண்டிருந்தபோது தண்டவாளத்தில் இருந்து தடம் புரண்டு பயங்கர சப்தத்துடன் விழுந்தது. இதில் 3 பெட்டிகள் ஒன்றோடு ஒன்று மோதிக்கிடந்தன. பயணிகள் பலர் இடிபாடுகளில் சிக்கியுள்ளனர். இவர்களை மீட்க தீயணைப்பு மற்றும் பாதுகாப்பு படை வீரர்கள், ரயில்வே அதிகாரிகள் விரைந்துள்ளனர். ஆள் இல்லா ரயில்வே கேட்டில் ஒரு ஜே.பி.சி,. இயந்திர வாகனம் மீது ரயில் மோதியதால் இந்த விபத்து ஏற்பட்டதாக முதல்கட்ட தகவல் தெரிவிக்கிறது.

சமீபகாலமாக இந்த மாநிலத்தில் நக்சல் தாக்குதல் சம்பவம் எதுவும் இல்லாமல் இருந்து வந்த நிலையில் இன்று ரயில் விபத்து நடந்திருக்கிறது. நக்சல்கள் சதி இருக்குமோ என்ற கோணத்திலும் விசாரிக்கப்பட்டு வருகிறது. காயமுற்றவர்கள் ஆஸ்பத்திரியில் சேர்க்கப்பட்டுள்ளனர். உயிர்ப்பலி அதிகரிக்கும் என அஞ்சப்படுகிறது.

தினமலர்

அனைவரும் விரவில் குணமடைய பிரார்த்திக்கிறேன்.