அவிநாசி : "100 நாட்களில் செய்து முடிப்பதாக சொன்ன வாக்குறுதி என்னாச்சு?' என்று கவுன்சிலருக்கு கேள்வி கேட்டு, பொதுமக்கள் தரப்பில் "தட்டி' வைக்கப்பட்டுள்ளது. அவிநாசி பேரூராட்சி 14வது வார்டு கவுன்சிலராக சண்முகசுந்தரம் (தி.மு.க.,) உள்ளார். உள்ளாட்சி தேர்தலின் போது, அவர் வினியோகித்த நோட்டீசில், "100 நாட்களில் செய்யும் வேலைகள்; ஈ.வே.ரா., வீதியில் வ.உ.சி., பூங்காவில் காம்பவுண்ட் சுவர் அமைத்துக் கொடுப்பேன். அதே வீதியில், தார் சாலை அமைத்துக் கொடுப்பேன்; வ.உ.சி., பூங்கா அருகிலுள்ள பழைய கழிப்பிடத்தை அகற்றி, நவீன கழிப்பிடமாக கட்டிக் கொடுப்பேன்,' என்று அச்சடித்துள் ளார். தேர்தலில் சண்முகசுந்தரம் வெற்றி பெற்று, 100 நாட்களாகிறது. அவர் கொடுத்த வாக்குறுதியை மறக்காத 14வது வார்டு பொதுமக்கள், அங்குள்ள நான்கு வீதிகளிலும் "பிளக்ஸ் போர்டு' வைத்துள்ளனர்.
பொதுமக்கள் கேள்வி எழுப்பி வைத்துள்ள "தட்டி' குறித்து கவுன்சிலர் சண்முகசுந்தரத்திடம் கேட்டதற்கு, அவர் கூறியதாவது: பேரூராட்சியில் இருந்த உதவி பொறியாளர் மாறுதலாகிச் சென்று 40 நாட்களாகி விட்டது. கடந்த வாரம், புதிதாக பொறியாளர் பொறுப்பேற்றார். நான் சொன்னதுபோல், பூங்கா அருகிலுள்ள கழிப்பிடம் ரூ.10 லட்சத்தில் புதிதாக கட்டப்பட உள்ளது.
பூங்காவுக்கு சுற்றுச்சுவர் கட்டுவதற்கு, ஏ.எஸ்., அனுப்பப்பட்டுள்ளது. ரூ.3 லட்சத்தில் ஈ.வே.ரா., வீதியில் ரோடு போட டெண்டர் விரைவில் விடப்பட்டுள்ளது. 100 நாட்களில் செய்து முடிப்பேன் என்று சொன்னது உண்மை. அதிகாரிகள் இல்லாவிட்டால், அதற்கு நான் என்ன செய்ய முடியும்? அனைத்து பணிகளையும் முடித்து, தன்னிறைவு பெற்ற வார்டாக மாற்றிக் காட்டுவேன், என்றார்.

தினமலர்

பாவம் அவருக்கு என்ன பிரச்சினையோ?

ஏதோ தோ்தல் நேரத்தில் வாக்கு களை சேகாிக்க கொஞ்சம் அதிகப்படியான வாக்குறுதிகளை அள்ளி வீசிவிட்டு இப்போது அதை நிறைவேற்ற முடியாமல் தவிக்கிறாரோ?