லஞ்ச லாவண்யத்திற்கு 42% இளைஞர்கள் ஆதரவு

**சிவா** · **சிவா** Tue Feb 07, 2012 4:10 pm

புதுடில்லி:இந்தியாவில் உள்ள இளைஞர்களில், 42 சதவீதம் பேர், தங்களின் வேலைகளை முடிப்பதற்காக, லஞ்சம் கொடுக்கின்றனர் என, ஆய்வு ஒன்றில் தெரிவிக்கப்பட்டுள்ளது.

உலகில் உள்ள நாடுகளில் மிகவும் இளமையான நாடு, இந்தியா எனக் கூறலாம். அந்த அளவுக்கு, இந்தியாவின் மொத்த மக்கள் தொகையில், 50 சதவீதம் பேர், 25 வயதுக்கு குறைவான இளைஞர்களாக உள்ளனர். இங்குள்ள 15 நகரங்களில், 18 முதல் 25 வயதிற்கு உட்பட்ட 7 ஆயிரம் இளைஞர்களிடம், ஆய்வு ஒன்று நடத்தப்பட்டது. அதில், ஊழல் குறித்து, அவர்களின் கருத்துக் கேட்கப்பட்டது. இவர்களில் 42 சதவீதம் பேர், தங்களின் வேலைகளை முடிக்க, லஞ்சம் கொடுப்பதாகவும், லஞ்சம் கொடுக்கத் தயங்குவதில்லை என்றும் கூறியுள்ளனர்.

"லஞ்சம் கொடுக்காமல், லைசென்ஸ், பாஸ்போர்ட், ரேஷன் கார்டு எதையும் எளிதில் பெற முடியாது' என்றும் அவர்கள் தெரிவித்துள்ளனர்.அதேநேரத்தில், 45.3 சதவீதம் பேர், தாங்கள் ஒரு போதும் லஞ்சம் கொடுத்ததில்லை எனக் கூறியுள்ளனர். 12.7 சதவீதம் பேர், இதுபற்றி கருத்துத் தெரிவிக்க விரும்பவில்லை. கருத்துத் தெரிவித்தவர்களில் பலர், கம்ப்யூட்டர் சாப்ட்வேர் துறையில் வேலை பார்ப்பவர்கள்.

தினமலர்

சார்லஸ் mc · சார்லஸ் mc Tue Feb 07, 2012 4:58 pm

சாமான்ய பட்ட மக்களுக்கு தங்கள் பிரச்சினைகள் சுலபமாக தீா்த்துக் கொள்ள வேறுவழி தொிவதில்லை. லஞ்சம் தராமல் இந்தியாவில் காாியம் சாதிக்க இயலாது என்பது கசப்பான உண்மை.

லஞ்சம் ஒழிப்பது என்பது இனி வெறும் மாய்மாலமான வாா்த்தைதான் நமது நாட்டில்.

**பிளேடு பக்கிரி** · 01/03/2010

என்ன பண்றது கொடுத்து தானே ஆகவேண்டி இருக்கு என்ன கொடுமை சார் இது

**பிஜிராமன்** · **பிஜிராமன்** Tue Feb 07, 2012 5:02 pm

சரியாகவும், விடாப்பிடியாக இருந்தோம் என்றால், லஞ்சம் தராமல் காரியம் சாதிக்கலாம். அப்படி சாதித்த காரியத்தில் இருக்கும் மன நிறைவே வேறு. ஆனால், கொஞ்சம் பொறுமையும் அவமானத்தை தாங்கிக் கொள்வதும் மிக அவசியம்

மிக்க நன்றிகள் அண்ணா...... மகிழ்ச்சி