பெண் சிசு கொலை;

வித்யாசாகர் · வித்யாசாகர் Mon Oct 12, 2009 1:29 am

First topic message reminder :

Chocy wrote:உடனடி உதவி தேவை
பெண் சிசுக் கொலை பற்றிய கட்டுரை யாரவது தாருங்களேன் !

பெண்சிசு கொலை;

என் பத்துமாத சுமப்பில்
என் பிரபஞ்சமாய் பூத்தவளே;
என் பெண்மைக்கு - நெற்றி பொட்டிட்டு
எனை அம்மாவாய் பெற்றவளே;

ஊர் தூற்றிய மலடிக்கு - உன்
ஒற்றை பிறப்பில் உயிர் வார்த்தவளே;
உயிர் பிரிந்து செல்கையில் - என்
கால்மாட்டை நனைத்து காலனை சபிப்பவளே;

என் இரவுபகல் வலி தின்று - என்
ரத்தத்தில் சமைந்தவளே;
வாந்தியெடுத்த வேதனைக்கெல்லாம் - அம்மா
அம்மாவென அழைப்பவளே;

கோவில்குளம் சுற்றிவர - என்
சாமியாட்டம் பிறந்தவளே;
நான் கண் திறந்துப் பார்க்கும் முன்னே
நீ கண்ணடஞ்சிப் போனதென்ன;

அருகம்புல் அறுப்பது போல்
உன் உயிரிங்கே அருந்ததென்ன;
நான் பெற்றபிள்ளை ஒற்றை பிள்ளை
பெண்ணென்பதால் கொன்றதென்ன;

உனக்கு ரத்தம் பாய்ச்சிய உடம்பெல்லாம்
வெடித்து உயிரற்று சிதறாதா;
உனக்கு பால் தராத மார்பிரண்டும்
அறுபட்டுத் துடிக்காதா;

பத்துமாதம் சுமந்த கணம்
நெஞ்சிலிருந்தே நீங்கலையே;
உன் உயிர் தின்று யொழிந்த - கொலை
என்னையும் சேர்த்து கொல்லலையே;

என் பத்துமாத சுமப்பில்
பிரபஞ்சமாய் பூத்தவளே;
என் பெண்மைக்கு நெற்றி பொட்டிட்டு
எனை அம்மாவாய் பெற்றவளே;

எனைப் பெற்ற தாயிற்கு
நான் மட்டுமென்ன ஆண்பிள்ளையா????
உன்னை கொன்ற பாவிக்கு
பிறந்த வழி ஆணுறுப்பா????

பெண் மட்டுமில்லாம
ஆண்பிள்ளை பிறப்பானா?????
ஆணுக்கு பெண்ணின்றி
துணையேது புரியாதா????

ஏய்............. மனிதம் கொல்லும் மானுடமே
இன்னும் எத்தனை பெண்களை -
கொல்வாய்???
எத்தனை தலைமுறைக்குக் கொல்வாய்??????

ஒன்று புரி -
நீ பெண்சிசு கொல்கையில் -
இறப்பது பெண் மட்டுமல்ல;
நீயும் தான்!!
-----------------------------------------------------------
வித்யாசாகர்

வித்யாசாகர் · வித்யாசாகர் Mon Oct 12, 2009 6:44 pm

நன்றி பாலாஜி. என் அன்பு சகோதரனின் பெயர் பாலாஜி தான். என் மனைவியின் அடுத்த சகோதரனின் பெயரும் அதாவது என் மற்றொரு தம்பியின் பெயரும் பாலாஜி தான். இங்கிருந்த நெருங்கிய நண்பரும் பாலாஜி தான். இங்குமொரு அருமை சகோதரன் பாலாஜி தான். பாலாக்கள் இல்லாமல் நான் இருந்ததே இல்லை.

உணர்வுகளை எழுத பழகிவிட்டால் அது கவிதை பாலாஜ்.
உணர்வினை எழுதிக் கொண்டே இருக்கவேண்டும் அல்லது படித்துக் கொண்டே இருக்கவேண்டும். இடையே வந்து விழுந்தவைகள் எல்லாம் கவிதைகளாக இருந்திருக்கும்.

மனதில் கூட, விதைத்தால் விளையும் பாலாஜி.

விரைவில் எழுதுவீர்கள் பாருங்கள். நினைத்து விட்டால் எழுதலாம். ஆனால் நன்றாக எழுத ஒன்று தானே அமைய வேண்டும் அல்லது நிறைய படித்து எழுத பழகிக் கொள்ளவேண்டும்.

மனிதன் நினைத்தால் முடியாததென,என்று முயற்சித்து தானே நானே எழுதிக் கொண்டிருக்கிறேன்!

வாழ்த்துக்கள்; விரைவில் எழுதுவதற்கு, துணிந்து எழுதுங்கள் பாலாஜ் வரும், பத்து காகிதம் கிழிந்தொழிய எழுதுங்கள், கிழிந்ததில் ஒன்றோ; ஒன்றுக்கு மேலோ கவிதையாக இருந்திருக்கும்!