அமெரிக்க தேர்தல் செய்திகள்

First topic message reminder :

அமெரிக்காவின் முதல் வாக்குப்பதிவு முடிவு - ஒபாவுக்கு 28; ராம்னிக்கு 14!

டிக்ஸ்வில்லே நாட்ச் (நியூஹாம்ப்ஷையர்): அமெரிக்க அதிபர் தேர்தலுக்கான முதல் வாக்குப் பதிவு இரு கிராமங்களில் தொடங்கியது. வாக்குப்பதிவு முடிந்ததுமே அவை எண்ணப்பட்டன.

இதில் முதல் கிராமத்தில் ஒபாமாவுக்கு 5 வாக்குகளும், ராம்னிக்கு 5 வாக்குகளும் கிடைத்தன.

இன்னொரு கிராமத்தில் ஒபாமாவுக்கு 23 வாக்குகளும், ராம்னிக்கு 9 வாக்குகளும், லிபர்ட்டி கட்சி வேட்பாளருக்கு ஒரு வாக்கும் கிடைத்தன.

முதல் வாக்குப் பதிவு நடந்த கிராமம் டிக்ஸ்பில்லே நாட்ச். வடக்கு நியூ ஹாம்ப்ஷையரில் உள்ளது. கடந்த 50 ஆண்டுகளாக, இங்குதான் முதல் வாக்குப் பதிவு தொடங்குகிறது. வாக்குப் பதிவு முடிந்த சில நிமிடங்களில் வாக்குகள் எண்ணப்பட்டுவிடும். கிட்டத்தட்ட அதிபர் தேர்தல் முடிவின் முன்னோட்டமாகவே இது அமையும்.

முதல் வாக்குப் பதிவு நடந்த இன்னொரு கிராமம் ஹார்ட்ஸ் லொகோஷன். இங்கு மொத்தம் 33 வாக்குகள்தான். 6 நிமிடங்களில் வாக்குப்பதிவு முடிந்துவிட்டது. எண்ணிப் பார்த்தபோது, 23 வாக்குகளை ஒபாமா பெற்றிருந்தார். ராம்னிக்கு 9 வாக்குகள்தான். சுதந்திர கட்சியின் கேரி ஜான்சன் 1 ஓட்டைப் பெற்றிருந்தார்.

1948-ம் ஆண்டிலிருந்து இந்த இரு கிராமங்களில்தான் முதல் வாக்குப் பதிவு நடந்து வருகிறது.

அமெரிக்க அதிபர் தேர்தலில் மிட் ரோம்னியை தோற்கடித்து ஜனநாயக கட்சியின் வேட்பாளர் ஒபாமா இரண்டாவது முறையாக வெற்றி பெற்றார்

அமெரிக்க அதிபர் தேர்தலில் வாக்கு பதிவு நேற்று நடைபெற்றது. தேர்தலில், ஜனநாயக கட்சியின் சார்பில் ஒபாமாவும், அவரை எதிர்த்து குடியரசு கட்சியின் சார்பில் முன்னாள் கவர்னர் மிட் ரோம்னியும் போட்டியிட்டனர். தொடர்ந்து வாக்கு எண்ணிக்கை நடைபெற்றது. இதில் அமெரிக்காவின் தற்போதைய அதிபர் ஒபாமா 303 தேர்வாளர்களின் வாக்குகளை பெற்று மீண்டும் இரண்டாவது முறையாக அதிபராகியுள்ளார். குடியரது கட்சி சார்பில் போட்டியிட்ட மிட் ரோம்னி 203 தேர்வாளர்களின் வாக்குகளை பெற்றுள்ளார். மீண்டும் அதிபராக தேர்வு செய்யப்பட்டதை தொடர்ந்து தனது டுவிட்டர் இணையதளத்தில் ஒபாமா நாம் அனைவரும் ஒன்றாக இணைந்து செயல்பட்டோம்; அதற்கேற்ப வெற்றி கிடைத்துள்ளது என்று கூறி தனது நன்றியினை தெரிவித்துள்ளார். ஒபாமா, மிட் ரோம்னியின் சொந்த மாநிலமான மசாசூசெட்ஸிலும் வெற்றி பெற்றுள்ளார்.

அமெரிக்க அதிபர் தேர்தலில் வெற்றி பெற்றதை தொடர்ந்து இன்றிரவு அவரது குடும்பம் சிகாகோ நகரில் இரவு விருந்துடன் கொண்டாடுகிறது. அதிபரின் மகள்களான மாலியா (வயது 14) மற்றும் சாஷா (வயது 11) ஆகியோர் பள்ளி முடிந்ததும் பாட்டி மேரியான் ராபின்சனுடன் சேர்ந்து சிகாகோ நகருக்கு செல்கின்றனர். அங்கு பாரக் ஒபாமா மற்றும் மிச்செலே உடன் இணைந்து கொள்கின்றனர். இந்த கொண்டாடட்த்தின்போது அதிபராக மீண்டும் தேர்ந்தெடுக்கப்பட்டு உள்ள ஒபாமா மேக்கார்மிக் கன்வென்ஷன் மையத்தில் பேசுவார் என எதிர்பார்க்கப்படுகிறது. மேலும், இந்த விருந்திற்கு மெலானி கிரிப்பித், ஆஸ்லே ஜூட், மேரி ஜே. பிளிஜ், ஸ்டீவி ஒண்டர் ஆகியோர் கலந்து கொள்கின்றனர்.

இந்த வெற்றி குறித்து ஒபாமா கூறும்போது, மக்களுக்கு பணியாற்ற கிடைத்த அரிய வாய்ப்பு. நான் மாகாண உறுப்பினராகவும், அமெரிக்க செனட்டராகவும் பொறுப்பு வகித்ததோடு தற்போது அதிபராகவும் பதவி வகிக்கிறேன். மேலும், மக்களே அதிக சக்தி வாய்ந்தவர்கள் என்பதை நான் ஒவ்வொரு முறையும் நினைவுபடுத்தி கொள்வேன். நான் அவர்களின் பிரதிநிதி. அவர்களின் சேவகன் என தெரிவித்துள்ளார். அதனுடன் தேர்தலில் கடும் போட்டியை உருவாக்கிய தன்னை எதிர்த்து போட்டியிட்ட குடியரசு கட்சியை சேர்ந்த வேட்பாளர் மிட் ரோம்னிக்கும் ட்விட்டர் இணையதளம் வழியாக தனது வாழ்த்துகளை தெரிவித்து கொண்டார்.

மக்களுக்கு நன்றியுள்ளவனாக இருப்பேன்: அதிபர் தேர்தலில் இரண்டாவது முறையாக வெற்றி பெற்றுள்ள அமெரிக்க அதிபர் பாரக் ஒபாமா உரை

அமெரிக்க அதிபர் தேர்தலில் இரண்டாவது முறையாக வெற்றி பெற்றுள்ள அதிபர் ஒபாமா சிகாகோவில் உரையாற்றுகிறார். இதில் அதிபர் ஒபாமா தனக்கு வாக்களித்த மக்களுக்கு தனது நன்றியினை தெரிவித்து கொண்டார். மேலும் அவர் கூறியதாவது:- இந்த முறை போட்டி மிகவும் கடுமையாக இருந்தது. குடியரசு கட்சியின் வேட்பாளர் மிட் ரோம்னியை வெல்வது கடினமாக இருந்தது. பிரசாரத்தில், வலிமையான குழு ஈடுபட்டது. மேலும், எனக்கு ரோம்னியின் ஆதரவு தேவை என்றும் நாட்டை வளர்ச்சி பாதையில் கொண்டு செல்ல ரோம்னியுடன் இணைந்து பணியாற்ற ஆர்வமாக இருக்கிறேன் என்றும் அவர் தெரிவித்துள்ளார். அமெரிக்காவிற்கு மேலும் சிறப்பான மாற்றம் இருக்கிறது. அமெரிக்க குடும்பமான நாம் முன்னேற்றத்திற்காக ஒற்றுமையுடன் பாடுபடுவோம். சாதாரண மக்களும் உயர் பதவிக்கு வரலாம் என்று கூறிய ஒபாமா என்னை தேர்ந்தெடுத்த மக்களுக்கு என்றும் நன்றியுள்ளவனாக இருப்பேன் என்று கூறி தொடர்ந்து உரையாற்றி வருகிறார்.

ஒபாமா வெற்றி : திமுக தலைவர் கருணாநிதி வாழ்த்து

சென்னை; அமெரிக்க அதிபர் தேர்தலில் பராக் ஒபாமா மீண்டும் வெற்றி பெற்றுள்ளதற்கு திமுக தலைவர் கருணாநிதி வாழ்த்துத் தெரிவித்துள்ளார்.

வாழ்த்துச் செய்தியில் 'அமெரிக்க மக்களிடையே ஏற்றத் தாழ்வற்றதும், இன வேற்றுமையுணர்வு அற்றதுமான சமத்துவம் நிலைக்கவும், சமதர்ம உணர்வு துளிர்த்துச் செழிக்கவும், இவற்றோடு இந்தியா போன்ற நாடுகளுடன் உறவு தழைக்கவும் ஒபாமாவின் இந்த வெற்றி பயன்படும் என்று நம்புகிறேன்' கூறியுள்ளார்.

நாமும் உடன் வாழ்த்தலாமே.