இன்று மகரஜோதி: சபரிமலையில் அலைமோதும் பக்தர்கள் கூட்டம்

**Muthumohamed** · **Muthumohamed** Mon Jan 14, 2013 2:18 pm

மகரஜோதியைக் காண்பதற்காக ஆயிரக்கணக்கான பக்தர்கள் சபரிமலையில் குவிந்துள்ளனர்.

இன்று மாலை பொன்னம்பல மேட்டில் மூன்று முறை ஜோதி காட்சியளிக்கும். அப்போது பக்தர்கள் ஜோதியை தரிசித்தவாறு எழுப்பும் சரண கோஷம் விண்ணை முட்டும்.

சபரிமலை ஐயப்பன் கோயிலில் 14-ம் தேதி மகரவிளக்கு பூஜை நடைபெறும். அதை முன்னிட்டு கோவில் சன்னிதானம் முழுவதும் மலர்களால் அலங்கரிக்கப்பட்டுள்ளது.

ஜோதியைக் காண்பதற்காக தமிழகம், ஆந்திரம், கர்நாடகம் என பல்வேறு மாநிலங்களிலிருந்து பக்தர்கள் இரு தினங்களுக்கு முன்பிருந்தே சபரிமலையில் குவிந்துள்ளனர். பக்தர்கள் கூட்ட நெரிசலையடுத்து பாதுகாப்புப் பணியில் ஏராளமான போலீஸôர் ஈடுபடுத்தப்பட்டுள்ளனர். போக்குவரத்து நெரிசலைத் தவிர்க்க பம்பைக்கு 10 கிலோ மீட்டர் தொலைவிலேயே தனியார் வாகனங்கள் தடுத்து நிறுத்தப்பட்டன.

கேரள அரசு போக்குவரத்து கழகங்கள் மட்டும் உள்ளே செல்ல அனுமதி அளிக்கப்பட்டன. மகரஜோதியை முன்னிட்டு 18-ம் படி வழியாக பக்தர்களைத் தரிசனத்துக்கு அனுப்புவது சிறிது நேரம் நிறுத்தப்படும்.

பக்தர்கள் ஜோதியைத் தரிசிக்க வசதியாக புல்மேடு பகுதியிலும் தகுந்த பாதுகாப்பு ஏற்பாடுகள் செய்யப்பட்டுள்ளன. ஆம்புலன்ஸ் வண்டிகள், மருத்துவ முதல் உதவி போன்ற வசதிகளும் செய்யப்பட்டுள்ளன.

ஐயப்பனுக்கு அணிவிக்கும் திருவாபரணம் திங்கள்கிழமை மாலை 6.25 மணிக்கு சுவாமி சன்னதியை வந்தடையும். அதைத்தொடர்ந்து ஐயப்பனுக்கு திருவாபரணம் அணிவிக்கப்படும்.
தீபாராதனைக்குப் பின்னர் பொன்னம்பல மேட்டில் 3 முறை ஜோதிகாட்சி தரும்.
சபரிமலை வருமானம் ரூ.160 கோடி: காணிக்கை மற்றும் பிரசாத விற்பனை மூலம் சபரிமலை ஐயப்பன் வருமானம் மண்டலபூஜை மற்றும் மகரவிளக்கு காலத்தில் ஜனவரி 11ம் தேதி வரை ரூ.160 கோடியை எட்டியுள்ளது என தேவஸ்தான அதிகாரி தெரிவித்தார்.

ஐயப்ப சேவா சங்கம் சார்பில் அன்னதானம்: மகர ஜோதியை முன்னிட்டு ஐயப்ப சேவா சங்கம் கூடுதல் அன்னதான வசதி செய்துள்ளது. ஐயப்ப சேவா சங்கம் சபரிமலைக்கு வரும் பக்தர்களுக்கு அன்னதானம் வழங்கி வருகிறது. இதற்காக கூடுதல் சமையல் ஆட்கள் பணியமர்த்தப்பட்டுள்ளனர். அதுமட்டுமின்றி மருத்துவ முதல் உதவி, குடிநீர் போன்ற உதவிகளை செய்து வருகிறது என சங்கத்தின் துணைப் பொதுச் செயலாளர் ஸ்ரீதர் கூறினார்.

தினமணி

balakarthik · balakarthik Mon Jan 14, 2013 2:38 pm

positivekarthick · positivekarthick Mon Jan 14, 2013 2:58 pm

மகர ஜோதி என்பது இயற்கையா ?செயற்கையா ?

balakarthik · balakarthik Mon Jan 14, 2013 3:02 pm

positivekarthick wrote:மகர ஜோதி என்பது இயற்கையா ?செயற்கையா ?

செயற்கை ஜோதி என்று என்றோ நிருபித்துவிட்டார்கள் அண்ணா திருவண்ணாமலையில் எற்றுவதைபோல் சபரிமலையிலும் ஏற்றுவார்களாம் என்று கேள்விபட்டுள்ளேன் மேலும் தகவல்களை தேடி தருகிறேன்

**சிவா** · **சிவா** Mon Jan 14, 2013 3:30 pm

positivekarthick wrote:மகர ஜோதி என்பது இயற்கையா ?செயற்கையா ?

மகரஜோதி செயற்கையாக உருவாக்கப்படுவது! இவற்றை இன்னுமா பக்தர்கள் நம்புகிறார்கள்?

**ராஜா** · **ராஜா** Mon Jan 14, 2013 3:37 pm

balakarthik wrote:
positivekarthick wrote:மகர ஜோதி என்பது இயற்கையா ?செயற்கையா ?
செயற்கை ஜோதி என்று என்றோ நிருபித்துவிட்டார்கள் அண்ணா திருவண்ணாமலையில் எற்றுவதைபோல் சபரிமலையிலும் ஏற்றுவார்களாம் என்று கேள்விபட்டுள்ளேன் மேலும் தகவல்களை தேடி தருகிறேன்

திருவண்ணாமலையில் சொல்லிவிட்டு செய்வார்கள் , கேரளாவில் பிராடு மலையாளிகள் பக்தர்களை (குறிப்பாக தமிழக) ஏமாற்றுவதற்காக இதை செய்கிறார்கள்

பாலாஜி · பாலாஜி Mon Jan 14, 2013 3:46 pm

ராஜா wrote:
balakarthik wrote:
positivekarthick wrote:மகர ஜோதி என்பது இயற்கையா ?செயற்கையா ?
செயற்கை ஜோதி என்று என்றோ நிருபித்துவிட்டார்கள் அண்ணா திருவண்ணாமலையில் எற்றுவதைபோல் சபரிமலையிலும் ஏற்றுவார்களாம் என்று கேள்விபட்டுள்ளேன் மேலும் தகவல்களை தேடி தருகிறேன்
திருவண்ணாமலையில் சொல்லிவிட்டு செய்வார்கள் , கேரளாவில் பிராடு மலையாளிகள் பக்தர்களை (குறிப்பாக தமிழக) ஏமாற்றுவதற்காக இதை செய்கிறார்கள்

சென்ற முறை மலையாளிகள் தமிழக பக்தர்களை எல்லையில் நுழைய விடாமல் தடுத்தார்கள் .

ஏன் தமிழக தமிழ்நாட்டிலேயே உள்ள ஐய்யப்பன் கோவிலில் விரத்தை முடிக்க கூடாது ?