தேவனும் தேவகுமரனும் ஒன்றா? வேறா?

**சாமி** · **சாமி** Mon Mar 25, 2013 11:24 pm

> தேவாதி தேவனையும் தேவகுமரனையும் பேதம் காணக்கூடாது. தேவாதி தேவனான சிவபெருமானையும் அவரின் திருக்குமரன் ஆன முருகப் பெருமானையும் பிரித்துப் பார்க்கக் கூடாது. அப்படிக் காண்பவர்கள் நரகத்தினை அடைவர். இப்படிச் சொன்னவர் பாம்பன் சுவாமிகள். “சிவம் சத்திக்கு அன்னியமாய் சேயை எண்ணுவோர் பவம் பற்றி பாசறை கொள்வர்”

> சிவபெருமானே முருகன். தனக்குத்தானே சேய் போல வந்தான். இது ஒரு விளையாடல் என கந்தபுராணம் சொல்கிறது. “ஈசனே அவன் ஆடலால் மதலை ஆயினன் காண்”

> நெருப்பு என்பது ஒரு பொருள். நெருப்பு என்று ஒன்று இருக்குமானால் அது சூட்டினைக் கக்குவதாக இருக்க வேண்டும்.அந்த அனல் ஒளியை வெளிப்படுத்துவதாக இருக்க வேண்டும். அந்த ஒளி செம்மை நிறம் உடையதாக இருக்க வேண்டும்.

நெருப்புதான் சிவபெருமானென்று வைத்துக் கொண்டால் பராசக்தி நெருப்பிலுள்ள சூடு ஆகும். நெருப்பு வெளியிடும் ஒளி முருகப்பெருமான் ஆகும். நெருப்பின் நிறமான செம்மை கணபதி ஆகும்.

நெருப்பிலிருந்து சூட்டையும் ஒளியையும், நிறத்தையும் பிரிக்க முடியாது. அது போல நெருப்பு போன்ற சிவபெருமானிடமிருந்து சூடாகிய பராசக்தியையும் ஒளியாகிய முருகனையும், நிறமாகிய கணபதியையும் பிரிக்க முடியாது. எனவே இந்த நான்கு மூர்த்தங்களில் ஒன்றிற்கொன்றின் இடையே பேதம் கற்பித்தல் தவறு.

இதைச் சொல்லும் பழம்பாடல்:
சுடரோ சிவபெருமான் சூடுபரா சத்தி
திடமார் கணநாதன் செம்மை – படரொளியோ
கந்தவே ளாகும் கருதுங்கால் சற்றேனும்
வந்ததோ பேத வழக்கு.

தேவனும் தேவகுமரனும் ஒன்றா? வேறா?

தேவனும் தேவகுமரனும் ஒன்றா? வேறா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக