எங்கு செல்கிறது என் நாடு ... ?

சிட்டென்று சிறகை விரித்துப் பறந்திட
சில்லறை ரீங்காரம் பாடி விரைந்திட
சின்னஞ்சிறு வீட்டு மதிலில் வாழ்ந்திட
சிற்றுணவு கொத்துமழகில் மனம் வீழ்ந்திட
சிறுதுளி தண்ணீரை பருகி மகிழ்ந்திட
சிக்கலையே கூடாய் நெய்து பழகிட
சிட்டுக்குருவி இனங்கள் இன்று இல்லை
காரணம் அலைபேசி அலைகளின் தொல்லை ...


இயற்கை எழில் கொஞ்சும் காடுகள்
இனிமை வளம் காணும் விலங்குகள்
சீற்றம் கொண்டு கர்ஜிக்கும் சிங்கங்கள்
சீறிப் பாய்ந்தோடும் சிறுத்தை இனங்கள்
இருந்தாலும் இறந்தாலும் பொன்னின யானைகள்
இந்திய தேசிய விலங்கான புலிவகைகள்
தேடித்தேடி களைத்துக் காணும் நிலை
காரணம் மனிதம் பேசும் விலை ...


சோறு போட தாய் இருந்தும்
சோர்வு காட்டா தந்தை இணைந்தும்
செல்வம் கொழிக்க வழி இருந்தும்
வாழ்வு செழிக்க வகை இருந்தும்
பயிறு வளர்க்க நிலம் இல்லை
பாடுபடும் விவசாயிக்கு பசியே எல்லை
தானிய காய்கறிகள் இனியில்லை உண்மை
காரணம் நாம் மட்டுமென்பதே திண்மை ...


வெட்கித் தலை குனியும் பெண்மை
தீண்ட ஏங்கி அலைந்த தென்றல்
ஏகபத்தினி விரதம் பூண்ட ஆண்மை
எழிலும் வசியம் செய்திடும் இயற்கை
நாணமே நாணி சிறம் தாழ்த்த
நவ நாகரீக கலிகாலம் இதில்
ஆண் பெண் மாற்றம் கண்டு
தென்றலும் புயலாய் மாறி அலைகழிக்க
தடுமாற்றம் நம் நிலை மாற்றம்
காரணம் தவறாய் கையாளும் தொழில்நுட்பம் ...


எங்கு செல்கிறது என் நாடு
எதை நோக்கி பயணிக்கிறது பண்பாடு
நிலையில்லா வாழ்வுதனை
நிழலாய் மாற்றும் வினை
சிற்றின்பத்தில் தினம் இழக்கும் நிஜத்தினை
பழமையை ஒழித்து புதுமை புகுத்த
காலாச்சார பாரம்பரியம் அழிவதை வளர்த்த
பணம் கொழிக்கும் வாழ்வுதனை ஏற்று
மனம் அழிக்கும் மேலானவைகள் விற்று
செல்வ செழிப்போடு வாழ நினைத்து
சுற்றிலும் உள்ளதை உள்ளத்தை அழித்து
நலம் காணும் வளங்கள் நிழலாகி
நிழல் போர்க் காலங்கள் நிஜமாகி
எள்ளி நகையாடும் பார் உலகம்
எம்பாரதம் தானாய் அழிந்துடும் கலகம்

காரணம் இல்லை வெகு தொலைவில் ! ~

செல்வ செழிப்போடு வாழ நினைத்து
சுற்றிலும் உள்ளதை உள்ளத்தை அழித்து
நலம் காணும் வளங்கள் நிழலாகி
நிழல் போர்க் காலங்கள் நிஜமாகி
எள்ளி நகையாடும் பார் உலகம்
எம்பாரதம் தானாய் அழிந்துடும் கலகம்

உண்மை நிலை அருமை கவிதை நண்பரே .....

இயற்கை எழில் கொஞ்சும் காடுகள்
இனிமை வளம் காணும் விலங்குகள்
சீற்றம் கொண்டு கர்ஜிக்கும் சிங்கங்கள்
சீறிப் பாய்ந்தோடும் சிறுத்தை இனங்கள்
இருந்தாலும் இறந்தாலும் பொன்னின யானைகள்
இந்திய தேசிய விலங்கான புலிவகைகள்
தேடித்தேடி களைத்துக் காணும் நிலை
காரணம் மனிதம் பேசும் விலை ...

மனிதன் அனைத்திற்கும் விலை வைத்து விட்டான்