ஆற்றுவாரில்லாத தமிழின காயத்திலிருந்து வரும் கதறல்கள்

ஆற்றுவாரில்லாத தமிழின காயத்திலிருந்து வரும் கதறல்கள்

ஓ! நீதி தலைவனே..!
நீ உன் நீதியை நிறைவேற்றும்வரை பொருத்திருப்பேன் நான்!
என் தாயும் என் தங்கையும் என் முன்னால் உதிரம் ஊற்றெடுத்தது பாய்ந்து கொண்டிருக்கும்போது,
உயிர் பிரியத்துடிக்கும் மரணவாசற்படியில் உலக இயல்புக்கு ஒவ்வாத நிலையில்,
துப்பாக்கித் தூக்கிய சிங்களர்களின் பற்களில்
சிக்கிக்கொண்டு
சின்னபின்னமாகப்பட்டு
சீரழிக்கப்பட்ட விதத்தை நான் காணதிருந்தால்!

எப்படிப் பொருக்க முடியும் என்னால்?
ஓ! நீதி தலைவனே..!
நீ உன் நீதியை நிறைவேற்றும்வரை பொருத்திருபேன் நான்!
என் பிஞ்சுக் குழந்தைகளின்
குண்டூசி அளவுகூட
இனக்கபடற்ற இளநெஞ்சு
வெடி சத்தம் கேட்டு கதறி கைகள் விரித்து
கண்களில் கண்ணீர் தெறிக்க கல்லும் கரையும் கோலத்துடன் தூக்குவார் யாருமின்றி,
தத்தி தத்தி ஓடி வந்த என் குழந்தையின் மார்பில்,
கூரான குண்டுகளை கொண்டு குத்திக் கிழித்த
குரூர அரக்கர்களை நான் காணதிருந்தால்!
எப்படிப்பொருக்க முடியும் என்னால்?!
என் மக்கள் தமிழனாக பிறந்தது யார் செய்த குற்றம்?
மிருகங்களை வளர்பதற்கு பிடித்தாலே
மிருகவதை சட்டம் சிறையில் அடைக்கும் மிருக சுதந்திரம் போற்றப்படும் இவ்வுலகில்,
மனிதனை கொல்வதற்கு பிடித்துக் கொண்டு போவதை கண்டும்கூட மனித சுதந்திரம் மறக்கப்பட்டது ஏனோ?
இவ்வுலக நீதிமன்றம் நீதியை தெரிந்திருந்தும்,
தன்முன் நடக்கும் அநீதியை தடுக்க போதிய பலம் இருந்தும்
கணக்கிலடங்கா உயிர்கள் பலி செலுத்தப்பட்டுக் கொண்டிருப்பதை தடுக்காதிருப்பதிற்க்கு,
அது இருப்பதற்கு, இல்லாமல் போகலாம்.
இது எல்லாவற்றிற்கும் மேல் கொடுமை தன் பிள்ளைகளை காப்பாற்ற வேண்டிய பொறுப்பிலிருக்கும் தந்தையே,
தன் குடும்பத்தை சீரழிப்பதற்கு முற்றும் முதலாய் துணை போனது...
துணை போய்க்கொண்டிருப்பது ..
வேலி பயிரை மேய்வதே "துரோகம் "
அதைவிட துரோகம் அந்த வேலியே பயிரை மேய "ஆள்வைத்தது"
துரோகத்தில் எல்லாம் மேலான துரோகம்
" துரோகம்"
துரோகத்திலும் இழிவான துரோகம்..
இது ஒரு வரலாற்றின் இருண்டபக்கம்
இது ஒரு வரலாற்றின் வஞ்சகம்
இது ஒரு வரலாற்றின் சஞ்சலம்
இது ஒரு வரலாற்றின் "வெளியரங்கமான துரோகம்"
என் அவயங்கள் செயலற்றிருந்தாலும்,
என் மனம் விழித்திருக்கையில்என் இனம் படும் பாட்டை நினைக்கையில்
என் இதயம் கனக்காதோ,
உருகாதோ ?
கொதிக்காதோ?!
எப்படிப்பொருக்க முடியும் என்னால்?!
பொருக்க முடியவில்லை, ஆனாலும் பொருத்திருக்கிறேன்..

ஓ! உண்மையான நீதித்தலைவனே உன்னை நோக்கி!!

வரவேற்கிறோம் சிவா@123

பயனர் பெயர் பதிவு செய்து இங்கு வந்து செய்திகளை பகிரலாமே!!!