மதிய உணவு தயாரிக்கும் சமையலறைகள் ஆன்லைன் மூலம் கண்காணிப்பு

புதுடெல்லி: மதிய உணவு சாப்பிட்ட மாணவ, மாணவிகளுக்கு வயிற்று வலி, வாந்தி ஏற்படுவதாக பரவலாக புகார் எழுந்து வருகிறது.வடக்கு, கிழக்கு, தெற்கு ஆகிய 3 மாநகராட்சியின் நிர்வாகத்திற்கு உட்பட்ட பள்ளிகளில் வயிற்று வலி ஏற்பட்டதாக கடந்த வாரம் புகார் கூறப்பட்டது.இந்நிலையில் தெற்கு மாநகராட்சி நிர்வாகத்தின் கீழ் உள்ள பள்ளிகளில் மாணவ, மாணவிகளுக்கு வழங்குவதற்காக மதிய உணவு தயாரிக்கும் பணியை ஆன்லைனில் கண்காணிக்கும் திட்டம் நேற்று துவக்கப்பட்டது.

நிகழ்ச்சியில் மாநில கல்வித்துறையின் கூடுதல் கமிஷனர் கிரன் தப்ரல், இயக்குனர் சுஷில் சிங், தெற்கு மாநகராட்சி நிலைக்குழுத் தலைவர் சதீஷ் உபத்யாயா, துணை தலைவர் சத்யேந்தர் பிரகாஷ் மற்றும் அதிகாரிகள் கலந்து கொண்டனர்.நிகழ்ச்சியில் நிலைக்குழுத் தலைவர் சதீஷ் உபத்யாயா பேசியதாவது:மதிய உணவு தயாரிக்கும் அனைத்து சமையலறைகளிலும் கண்காணிப்பு கேமராக்கள் பொருத்தப்பட்டுள்ளன.

இதன் மூலம் சமையலறையில் நடக்கும் அனைத்து வேலைகளும் கண்காணிக்கப்படும்.சத்துணவின் தரத்தையும், அதில் பரிந்துரைக்கப்பட்டுள்ள கலோரி, புரோட்டீன் இருக்கிறதா என்பதை ஆய்வு செய்ய ஊட்டச்சத்து நிபுணரை நியமிக்கும்படி மதிய உணவு தயாரிக்கும் பணியை மேற்கொண்டுள்ள தன்னார்வ தொண்டு நிறுவனங்களுக்கு மாநகராட்சி உத்தரவிட்டுள்ளது. மதிய உணவு பிரச்னைகள், புகார்களை தெரிவிக்க புதிய ஹெல்ப்லைன் ஏற்படுத்தப்பட்டுள்ளது.இவ்வாறு அவர் தெரிவித்தார்.

கல்வி இயக்குனர் சுஷில் சிங் பேசுகையில், மதிய உணவு தயாரிக்கும் பணியில் ஈடுபட்டுள்ள பணியாளர்கள் அனைவருக்கும் மருத்துவ பரிசோதனை செய்யப்பட்டுள்ளது. மாணவ, மாணவிகளுக்கு விநியோகிக்கும் பணியில் உள்ளவர்களுக்கும் மருத்துவ பரிசோதனை செய்துள்ளோம். சீல் வைத்த பின்னரே சமையலறையிலிருந்து உணவு பொருட் களை வெளியே கொண்டு செல்லும்படி தன்னார்வ தொண்டு நிறுவனங்களுக்கு உத்தரவு பிறப்பிக்கப்பட்டுள்ளது என்றார்.

நன்றி: தினகரன்

 ISKON எத்தனை லக்ஷம் குழந்தைகளுக்கு எத்தனை வருடங்களாக உணவளித்து வருகிறது...ஒரு நாள் தவறு நிகழ்ந்து இருக்குமா? அப்படி நடந்திருந்தால் இந்த மத்திய மாநில அரசுகள் என்ன ஆட்டம் போட்டிருப்பாங்க? இப்போ தப்பு அவங்க பேரில் என்றதும் இப்போ தான் மெல்ல .......முழித்துக்கொண்டு பரிசோதனை அது இது என்கிறார்கள்....

தகவலுக்கு நன்றி அம்மா