ஆண்டிராய்டு ஒன் - கூகுளின் மலிவு விலை ஸ்மார்ட் ஃபோன்கள்

**சிவா** · **சிவா** Sun Jun 29, 2014 2:30 am

இந்தியா போன்ற வளரும் நாடுகளின் சந்தையைக் குறி வைத்து, ஆண்டிராய்டு ஒன் என்ற பெயரில் மலிவு விலை ஸ்மார்ட் ஃபோன்களைக் கூகுள் தயாரிக்கிறது.

இதுகுறித்து கூகுள் நிறுவனத்தின் மூத்த துணைத் தலைவர் சுந்தர் பிச்சை கூறும்போது, ஆண்டிராய்டு இயங்கு தளம் கொண்ட இந்த ஃபோன்கள் இந்தாண்டு இறுதியில் இந்தியாவில் முதலில் அறிமுகப்படுத்தப்பட உள்ளது. இந்த ஃபோன்களின் திரை அளவு 4.5 அங்குலம் இருக்கும். இதில் இரண்டு சிம் கார்டுகளைப் பயன்படுத்த இயலும். குறு நினைவகங்கள் (microSD card) வசதியுடன் பண்பலை வானொலிகளைக் கேட்கும் வசதியும் இருக்கும். கூகுளின் ஸ்மார்ட் ஃபோன் விலை சுமார் 6 ஆயிரம் ரூபாய் இருக்கும் என்று கூறினார்.

ஆண்டிராய்டு ஒன் திறன்பேசிகளை (ஸ்மார்ட் ஃபோன்கள்) உருவாக்குவது தொடர்பாக, மைக்ரோமேக்ஸ், ஸ்பைஸ், கார்போன் ஆகிய மூன்று நிறுவனங்களுடன் கூகுள் இணைந்து செயலாற்றி வருகிறது.

மைக்ரோசாப்ட் நிறுவனத்தின் விண்டோஸ் திறன்பேசிகள், சந்தையில் முக்கிய இடத்தைப் பெறத் தவறிவிட்டன. எனவே, அந்த நிறுவனம், குறைந்த விலையில் திறன்பேசிகளைத் தயாரிக்கத் திட்டமிட்டுள்ளது. சர்வதேச டேட்டா கார்ப்பரேஷன் தகவலின்படி, இந்தியாவில் விற்பனையாகும் ஸ்மார்ட் போன்களில் 78 சதவீதம், 12 ஆயிரம் ரூபாய்க்கும் குறைந்த விலையுள்ளவை.

இந்தப் பின்னணியிலேயே கூகுள் மலிவு விலை ஸ்மார்ட் ஃபோன்களைத் தயாரித்து வருகிறது.

**முத்துராஜ்** · 24/12/2011

மிகவும் நல்ல செய்திதான் , கூகுள் மலிவு விலை ஸ்மார்ட் ஃபோன்களை வெளியிடுவதன் மூலம் அந்த ஸ்மார்ட் போன்களின் அப்டேட் எளிதில் கிடைக்க வாய்ப்பு உள்ளது , பகிர்ந்தமைக்கு மிக்க நன்றி சிவா .

ஆண்டிராய்டு ஒன் - கூகுளின் மலிவு விலை ஸ்மார்ட் ஃபோன்கள்

ஆண்டிராய்டு ஒன் - கூகுளின் மலிவு விலை ஸ்மார்ட் ஃபோன்கள்

Re: ஆண்டிராய்டு ஒன் - கூகுளின் மலிவு விலை ஸ்மார்ட் ஃபோன்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக