டீ குடிப்பது கேன்சரை தடுக்கும்

ChitraGanesan · ChitraGanesan Sat Nov 14, 2015 5:46 pm

டீ குடிப்பது கேன்சரை தடுக்கும்; இந்திய தேயிலை சங்க கருத்தரங்கில் அமெரிக்க ஆராய்ச்சியாளர் தகவல்:

கருப்பு மற்றும் கிரீன் டீயை அருந்துவதால் புற்றுநோய் அபாயத்தை தடுக்கலாம் என அமெரிக்காவின் விஸ்கான்சின் பல்கலைக்கழக ஆராய்ச்சியாளர் ஹசன் முக்தார் தெரிவித்தார்.
இந்திய தேயிலை சங்கம் சார்பில் கொல்கத்தாவில் நடந்த கருத்தரங்கில் கலந்து கொண்ட அவர் இதுகுறித்து வெளியிட்ட பயனுள்ள தகவல்கள் பின்வருமாறு:-
டீ உலகம் முழுவதும் பரவலாக பயன்படுத்தப்பட்டு வரும் ஒரு அற்புதமான உற்சாக பானம். டீயில் பல மருத்துவ பயன்கள் இருக்கின்றன. கேன்சர் வராமல் தடுக்கும் பல எதிர்ப்பு சக்திகள் டீயில் இருக்கிறது. நீரழிவு மற்றும் இதய சம்பந்தப்பட்ட நோய்களையும் வராமல் தடுக்கும் ஆன்டி-ஆக்ஸிடென்டுகள் டீயில் அதிகம் உள்ளன. வழக்கமாக டீ குடிக்கும் பழக்கமுள்ளவர்களிடம் நடத்திய ஆராய்ச்சியில் அவர்களுக்கு மற்றவர்களை விட கேன்சர் வரும் அபாயம் குறைவாக உள்ளது கண்டறியப்பட்டுள்ளது.

கேன்சரை ஊக்குவிக்கும் செல்கள் உற்பத்தியாவதை டீ தடுக்கிறது. இதனால், தோல், கல்லீரல், புராஸ்டேட், நுரையீரல் மற்றும் மார்பகங்களில் கேன்சர் உருவாவது தடுக்கப்படுகிறது. மேற்கத்திய நாடுகளை விட அதிக அளவில் டீ அருந்தும் பழக்கம் ஜப்பான், சீனா நாடுகளில் உண்டு. மருத்துவ பயன்கள் அதிகம் கொண்ட ஒரே உற்சாக பானம் டீ மட்டுமே என்பதை நாம் அங்கீகரிக்க வேண்டும். நிறுவனங்கள் பிரம்மாண்ட அளவில் விளம்பரம் செய்து டீயின் மருத்துவ பயன்கள் குறித்து மக்களிடையே விழிப்புணர்வை ஏற்படுத்த வேண்டும்.

இவ்வாறு அவர் தெரிவித்தார்.

நன்றி:கார்த்திகேயன் இன்பாக்ஸ்

Hari Prasath · Hari Prasath Sat Nov 14, 2015 6:13 pm

டீ குடிப்பது புற்றுநோயை தடுக்கிறது என்று
பேப்பர் கப்பில் டீயை ருசித்தால் புற்றுநோய் வரும்

ChitraGanesan · ChitraGanesan Sat Nov 14, 2015 6:36 pm

கிளாஸ் கழுவாம குடிச்சா எல்லா நோயும் வரும்

**பழ.முத்துராமலிங்கம்** · 27/09/2015

கேன்சர் பல வழிகளில் வருகிறது ஆண்டவன் தான் காப்பாற்ற வேண்டும்.

**ராஜா** · **ராஜா** Sun Nov 15, 2015 11:12 am

Hari Prasath wrote:டீ குடிப்பது புற்றுநோயை தடுக்கிறது என்று
பேப்பர் கப்பில் டீயை ருசித்தால் புற்றுநோய் வரும்

பேப்பர் கப்பில் டீ குடித்தால் கான்செர் வராது ... பிளாஸ்டிக் கோட்டிங் கொண்ட கப்புகளில் குடித்தால் தான் கான்செர் வரும்

Hari Prasath · Hari Prasath Sun Nov 15, 2015 4:22 pm

ராஜா wrote:
Hari Prasath wrote:டீ குடிப்பது புற்றுநோயை தடுக்கிறது என்று
பேப்பர் கப்பில் டீயை ருசித்தால் புற்றுநோய் வரும்
பேப்பர் கப்பில் டீ குடித்தால் கான்செர் வராது ... பிளாஸ்டிக் கோட்டிங் கொண்ட கப்புகளில் குடித்தால் தான் கான்செர் வரும்

மேற்கோள் செய்த பதிவு: 1174873
இப்போது இருக்கும் அனைத்து பேப்பர் கப்புகளிலுமே இந்த வேதிப் பூச்சு இருக்கத் தானே செய்கிறது...
அதனால்தான் அப்படிக் கூறினேன் ஐயா