ரிலையன்ஸ் ஜியோவின் வெல்கம் ஆஃபர் சேவைகள்

-

ரிலையன்ஸ் ஜியோவின் வெல்கம் ஆஃபர் சேவைகள்
மார்ச் 31, 2017 வரை நீட்டிக்கப்படும் என நிறுவன தலைவர் முகேஷ் அம்பானி இன்று நடைபெற்ற நிகழ்ச்சி ஒன்றில் அறிவித்துள்ளார். இத்துடன் ரிலையன்ஸ் ஜியோ சார்ந்த மேலும் சில அறிவிப்புகளையும் அவர் வெளியிட்டுள்ளார்.

ரிலையன்ஸ் ஜியோ இலவச சேவை மார்ச் 31 வரை நீட்டிப்பு
மும்பை:

டிசம்பர் 4, 2016 துவங்கி அனைத்து ரிலையன்ஸ்
ஜியோ புதிய பயனாளிகளும் டேட்டா, வாய்ஸ்
மற்றும் அனைத்து ஜியோ ஆப்ஸ்களுக்கான
சேவையினை மார்ச் 31, 2017 வரை இலவசமாக
பயன்படுத்திக் கொள்ள முடியும் என முகேஷ் அம்பானி
தெரிவித்துள்ளார்.

இது ஜியோவின் புத்தாண்டு சலுகை ஆகும்.
தற்போது இருக்கும் 52 மில்லியன் பயனர்கள் அனைத்து
சேவைகளையும் டிசம்பர் 31, 2016 வரை பயன்படுத்திக்
கொள்ள முடியும். அதன் பின் இவர்களுக்கு ஜியோவின்
புத்தாண்டு சலுகை தானாக செயல்படுத்தப்படும்.
இதனால் பயனர்கள் புதிய சிம் கார்டு வாங்க வேண்டிய
அவசியம் கிடையாது.

ரிலையன்ஸ் ஜியோவின் நீட்டிக்கப்பட்ட சேவைகளில்
பயனர்கள் நாள் ஒன்றிற்கு 1 ஜிபி டேட்டா வழங்கப்படுகிறது.
இதன் பின் பயன்படுத்தும் போது இண்டர்நெட் வேகம்
குறையும். ஜியோ பயனர்களில் சுமார் 80 சதவிகிதம்
பேர் நாள் ஒன்றிற்கு 1 ஜிபி டேட்டா பயன்படுத்தியுள்ளனர்.
மீதம் இருக்கும் 20 சதவிகிதம் பேர் அதிகளவு டேட்டா
பயன்படுத்தியுள்ளனர்.

செப்டம்பர் மாதம் ஜியோ சேவைகள் அறிமுகம்
செய்யப்பட்டதில் இருந்து புதிய சிம் கார்டு வாங்க நீண்ட
வரிசையில் நிற்பது, குறைவான இண்டர்நெட் வேகம்,
கால் டிராப் என பல்வேறு குற்றச்சாட்டுகள் எழுந்தன.

ஜியோ சார்ந்து எழுந்த குற்றச்சாட்டுகளுக்கு பதில்
அளித்த முகேஷ் அம்பானி, 'இலவச வெல்கம் ஆஃபர்
சலுகையினை 52 மில்லியன் பயனர்கள் நன்கு பயன்ப
டுத்திக் கொண்டதால் வேகம் குறைய துவங்கியது,

இதுவும் எங்களின் 8 சதவிகித டவர்களில் மட்டுமே ஏற்பட்டது.
மீதம் இருக்கும் 92 சதவிகித டவர்களின் மூலம் பயனர்கள்
அதிவேக இண்டர்நெட் பயன்படுத்தியுள்ளனர்,' என
தெரிவித்துள்ளார்.

ரிலையன்ஸ் ஜியோ சார்பில் பயனர்களின் கருத்துக்கள்
கேட்கப்பட்டு அதற்கேற்ப மாற்றங்கள் மேற்கொள்ளப்படுகின்றன.
இதில் புதிய ஆதார் சார்ந்த சேவைகளும் அடங்கும் என முகேஷ்
அம்பானி தெரிவித்துள்ளார்.

இதோடு கடந்த மூன்று மாதங்களாக நாள் ஒன்றிற்கு சுமார்
6 லட்சம் வாடிக்கையாளர்கள் ஜியோ சேவையில்
இணைந்திருப்பதையும் முகேஷ் அம்பானி உறுதி செய்திருக்கிறார்.

சராசரியாக மற்ற பிராட்பேண்ட் நெட்வொர்க் பயனர்களை
விட ஜியோ பயனர்கள் சுமார் 25 மடங்கு அதிக டேட்டா
பயன்படுத்தி வருகின்றனர்.

கடந்த மூன்று மாதங்களாக பல லட்சம் பேர் ஜியோ சேவையில்
இணைந்திருப்பதோடு மேலும் பல லட்சம் பேர் ஜியோ சேவையில்
இணையலாம் என ஜியோ நிறுவன தலைவர் முகேஷ் அம்பானி
நம்பிக்கை தெரிவித்துள்ளார்.
-
மாலை மலர்