, ‛வர்தா' புயல் - முன்னெச்சரிக்கை நடவடிக்கை

**ayyasamy ram** · **ayyasamy ram** Sun Dec 11, 2016 6:49 pm

சென்னை:
வங்க கடலில் உருவான, ‛வர்தா' புயல் நாளை மதியம் சென்னை
அருகே கரையை கடக்க உள்ளதால், மக்கள் மேற்கொள்ள வேண்டிய
முன்னெச்சரிக்கை நடவடிக்கைகளை தமிழக அரசு கூறியுள்ளது.

இது குறித்து தமிழக அரசு கூறியதாவது:
-
1.ரேடியா மற்றும் தொலைகாட்சியை தொடர்ந்து கவனித்து
கால நிலை அறிவிப்புகளை அறிந்து கொள்ளவும். இச்செய்தியை
பிறருக்கும் தெரிவிக்கவும்.
-
2.ரேடியோ மற்றும் தொலைகாட்சியில் பெறப்படும் அதிகார
பூர்வமான செய்தியை மட்டுமே பிறருக்கு தெரிவிக்கவும்.
-
3.புயல்காற்று கதவு மற்றும் ஜன்னல்களை சேதப்படுத்த
வாய்ப்புள்ளதால் அவற்றை இறுக்கமாக மூடி வைக்கவும்.
-
4.கடற்கரை மற்றும் நீர்சூழ வாய்ப்புள்ள பகுதிகளில் இருந்தால்,
மேடானபகுதிக்கு விரைவாக வெளியேறவும். நீர் சூழ்வதற்கு
முன்னரே பாதுகாப்பான பகுதிக்குசென்று விடவும்.
-
5.தங்கள் குடியிருப்பு வெள்ளம் மற்றும் புயலால் பாதிக்கபடாது
எனில் வீட்டிலேயே பாதுகாப்பாக இருக்கவும். எனினும்,
அதிகாரபூர்வமாக கேட்டுக் கொள்ளப்பட்டால் உடன் வெளியேறவும்.
-
6.நீர்நிலைகள் மற்றும் ஆற்று கரைகளிலுள்ள குடியிருப்புகளுக்குள்
கனமழை காரணமாக நீர் சூழ வாய்ப்புள்ளதால் கரையோரங்களில்
குடியிருப்போர் கவனமாக இருக்கவும்.
-
7.சமைக்கால் உண்ணக்கூடிய உணவுகள்( பிரட், பிஸ்கட், பழங்கள்)
தேவையான அளவு இருப்பு வைக்கவும். போதுமான குடிநீரை
பாதுகாப்பான பாத்திரங்களில் சேமித்து வைக்கவும்.இவ்வாறு தமிழக
அரசு தெரிவித்துள்ளது.
-
---------------------------------------
தினமலர்

**ayyasamy ram** · **ayyasamy ram** Sun Dec 11, 2016 6:50 pm

சென்னை:

வர்தா புயல் நாளை கரையை கடக்க உள்ள நிலையில்,
மீட்பு பணிக்கு கப்பல், விமானங்கள் தயார் நிலையில்
வைக்கப்பட்டுள்ளதாக கடற்படை மற்றும் மத்திய அரசு
சார்பில் அறிவிக்கப்பட்டுள்ளது.

மேலும், தேவை ஏற்பட்டால் , மக்களை பாதுகாப்பான இடங்களுக்கு
அழைத்து செல்ல முடிவு செய்யப்பட்டுள்ளது. மக்களுக்கு தேவையான
உணவு,மருந்து பொருட்கள் தயார் நிலையில் வைக்கப்பட்டுள்ளது.

தேசிய பேரிடர் மீட்பு குழுவும் தயார் நிலையில் உள்ளது. கடற்படைக்கு
சொந்தமான விமானமும் தயார் நிலையில் வைக்கப்பட்டுள்ளது.
நீச்சல் வீரர்கள் கொண்ட 30 குழுக்கள், படகுகளுடன் தயார் நிலையில்
வைக்கப்பட்டுள்ளது.

ரப்பர் படகுகள், ஹெலிகாப்டர்கள், உதவி பொருட்கள் தயார் நிலையில்
வைக்கப்பட்டுள்ளன. என அறிவிக்கப்பட்டுள்ளது.
-
-----------------------------
தினமலர்

**krishnaamma** · **krishnaamma** Mon Dec 12, 2016 9:56 am

ayyasamy ram wrote:
-
7.சமைக்கால் உண்ணக்கூடிய உணவுகள்( பிரட், பிஸ்கட், பழங்கள்)
தேவையான அளவு இருப்பு வைக்கவும். போதுமான குடிநீரை
பாதுகாப்பான பாத்திரங்களில் சேமித்து வைக்கவும்.இவ்வாறு தமிழக
அரசு தெரிவித்துள்ளது.
-
---------------------------------------
தினமலர்

மேற்கோள் செய்த பதிவு: 1228957

இவைகளுடன், தேவையான மருந்து மாத்திரைகள், பால் பவுடர் போன்றவற்றையும் சேமித்துக்கொள்ளவும்.

+ போன்களை சார்ஜ் போட்டு வைத்துக் கொள்ளவும்.

+ over head tank இல் நீர் நிரப்பி வைத்துக்கொள்ளவும்.

+ UPS களையும் சார்ஜ் செய்து வைத்துக் கொள்ளவும்.

+ அவசர உதவி எண்களை போனில் மட்டும் அல்லது ஒரு சின்ன டைரி ழும் எழுதி வைத்துக் கொள்ளவும்.

+ வீட்டு டாக்குமெண்ட்கள், LIC , படித்த படிப்புக்கான சான்றிதழ்கள் , பேங்க் பாஸ் புக் , ID கார்டுகள் போன்றவற்றையும் பாதுகாப்பாக எடுத்துவைத்துக் கொள்ளவும். தேவைப்பட்டால், அவற்றை மட்டும் எடுத்துக் கொண்டு வெளியேறலாம் புன்னகை