இன்னொருமுறை எரிந்து போயேன் - முத்துக் குமரா

வித்யாசாகர் · வித்யாசாகர் Wed Dec 16, 2009 9:16 pm

இன்னொருமுறை எரிந்து போயேன்
முத்துக் குமரா

சிங்கள ரத்த விழியில்
தமிழ் கனல் தகிக்க வந்தவனே;

எங்களின் மூடிய புத்தியை கிழித்து
இன ரத்தம் காட்ட வெந்தவனே;

வீட்டு -
தொலைகாட்சி சப்தத்தில்
அடைந்த காதுகளில் அறைந்து -
ஈழ - வெடி சப்தம் கேட்க, வைத்தவனே;

உலக எல்லைகோடு வரை
தமிழரை நாணப் பட வைத்து
சற்று ஈழம் காக்க சொன்னவனே;

எங்கோ விழும் பிணத்தை
எடுத்து -
பார்-இது-உன், உறவென காட்டிச் சென்றவனே;

இந்திய துரோகம் மறந்து
தூங்கிய இளைஞர்களை தட்டி எழுப்பி
வீரம் புகட்ட எரிந்தவனே -

இன்னும் கூட
நாங்கள் என்ன செய்தோம்?????

இன்னொரு முறை பிறந்து வந்து
மிச்சமுள்ளவர்களுக்காய் -
சற்று எரிந்துக் காட்டு;
அல்லது எரித்து செல் முத்துக் குமரா!!
-------------------------------------------------
வித்யாசாகர்

Thanjaavooraan · Thanjaavooraan Tue Nov 02, 2010 4:19 pm

இன்னொரு முறை பிறந்து வந்து
மிச்சமுள்ளவர்களுக்காய் -
சற்று எரிந்துக் காட்டு;
அல்லது எரித்து செல் முத்துக் குமரா!!

பாராட்டுக்குரிய, சிந்தனைக்குரிய வரிகள். மகிழ்ச்சி