இலவச விதைகள் வழங்கல்: பயன் பெற்ற ஆதிவாசியினர்

நவீன் · நவீன் Tue Aug 03, 2010 3:10 pm

கோத்தகிரி:கனமழையால், கோத்தகிரி மற்றும் ஊட்டியில் வீடுகள், விவசாயம்
பாதிக்கப்பட்டோருக்கு, இலவசப் பொருட்கள், விதைகள் வழங்கப்பட்டன."ஐலேண்ட்'
அறக்கட்டளை மற்றும் தாளவாடி கிராம கல்வி வளர்ச்சி அறக்கட்டளை சார்பில்,
இலவசப் பொருட்கள் வழங்கும் நிகழ்ச்சி, கோத்தகிரியில் நடத்தப்பட்டது.
ஐலேண்ட் அறக்கட்டளை நிர்வாக செயலர் அல்போன்ஸ் ராஜ் வரவேற்றார். கோத்தகிரி
மற்றும் ஊட்டியில், கனமழையால் வீடுகள் பாதிக்கப்பட்டோருக்கு தகரம்,
சிமென்ட், மணல், செங்கல், ஓடுகள், விவசாயம் பாதிக்கப்பட்டோருக்கு பீன்ஸ்,
முட்டைகோஸ், முள்ளங்கி, மிளகாய், தக்காளி மற்றும் பீட்ரூட் விதைகள்
இலவசமாக வழங்கப்பட்டன; ஆதிவாசியினர் பலர் பயன் பெற்றனர்.இயற்கை உரங்களை
பயன்படுத்தி சாகுபடி மேற்கொள்ள வேண்டும்; வரும் காலங்களில் நாட்டு விதைகள்
வழங்கப்படும் என தெரிவிக்கப்பட்டது. நான்கு குடும்பங்களுக்கு வீடுகள்
சீரமைத்து தர முடிவெடுக்கப்பட்டது.தாளவாடி கிராம கல்வி வளர்ச்சி
அறக்கட்டளை இயக்குனர் அந்தோணிசாமி தலைமை வகித்தார். அறங்காவலர்கள்
அல்போன்சா, சுஜாதா, "இசை' அறக்கட்டளை தலைவர் பாக்கியநாதன், நிர்வாக செயலர்
சாராள் முன்னிலை வகித்தனர். கோத்தகிரி புளூமவுண்டன் நுகர்வோர் பாதுகாப்பு
குழு செயலர் ராஜன், சாலமன், டாக்டர்கள் ஷீலா சந்திரன், பார்வதி நாயர்,
ஊட்டி "அன்பகம்' ஆலோசகர் புவனேஸ்வரி, தோட்டக்கலைத் துறை உதவி இயக்குனர்
மணி உட்பட பலர் பங்கேற்றனர்.நிகழ்ச்சி ஏற்பாடுகளை, ஐலேண்ட் அறக்கட்டளை
பணியாளர்கள் கதிரேசன், சார்லஸ் குணசேகரன், ஷீலா, சஹானா, கார்த்திக், ராஜு,
தர்மன், இந்திரா, குப்புசாமி செய்திருந்தனர். கர்ணன் காமராஜ் நன்றி
கூறினார்.

இலவச விதைகள் வழங்கல்: பயன் பெற்ற ஆதிவாசியினர்

இலவச விதைகள் வழங்கல்: பயன் பெற்ற ஆதிவாசியினர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக