பெண்கள் வேலைக்கு செல்வது எதற்காக?

**Tamilzhan** · **Tamilzhan** Tue 11 Aug 2009 - 20:03

பெண்கள் வேலைக்கு செல்வது எதற்காக?

"உத்யோகம் புருஷ லட்சணம்' என்பது பழமொழி. ஆண்களுக்கு இணையாக பல்வேறு துறைகளில் பெண்களும் சாதிக்கும் காலம் இது. வசதியாக இருக்கும் பெண்கள் கூட, வேலைக்கு செல்வதை பார்க்க நேரிடுகிறது. அவ்வாறு காணும் போது, எதற்காக இவர்கள் வேலைக்கு செல்ல வேண்டும், வேலைக்கு செல்ல வேண்டிய அவசியம் இவர்களுக்கு இல்லையே என்று நினைக்கத் தோன்றும். உண்மையில், பணம் சம்பாதிக்க மட்டும் தான் பெண்கள் வேலைக்கு செல்கின்றனரா என்றால், நிச்சயமாக இல்லை. பின், எதற்காக பெண்கள் வேலைக்கு செல்கின்றனர்?

* சுயத்தை வெளிப்படுத்த: தங்கள் திறமைகளை வெளிக் காட்ட பெண் கள் வேலைக்கு செல்கின்றனர். வீட்டு வேலை, குழந்தைகள் பராமரிப்பு மட்டுமின்றி, தங்களாலும் ஆண்களைப் போல பணி செய்து, அதில் வெற்றி பெற முடியும் என்று, தங்கள் சுயத்தை வெளிப்படுத்த பெண்கள் வேலைக்கு செல்கின்றனர். தங்களின் திறமைகளை வெளிகாட்ட முடிகிறது. இதனால்,கிடைக்கும் அங்கீகாரம் பெண்களுக்கு மகிழ்ச்சியை தருகிறது.

* மன மகிழ்ச்சிக்காக: குடும்ப வருமானத்தை உயர்த்தவும், தங்கள் குடும்ப முன்னேற்றத்திற்கு தனது பங்களிப்பும் இருக்கிறது என்ற மனமகிழ்ச்சிக்காகவும் பல பெண்கள் வேலைக்கு வருகின்றனர். வீட்டிலேயே அடைந்து கிடப்பதால், வெளி உலக அறிவு பெரிதளவில் கிடைப்பதில்லை. வெளியில் வந்து பலருடன் பழகும் போதும், வெளி சூழ்நிலைகளை காணும் போதும் தான் அறிவு கிடைக்கிறது. எனவே, அறிவை பெருக்கிக் கொள்வதற்காக பெணகள் வேலைக்கு வருகின்றனர்.

* பணம் சம்பாதிக்க: சில பெண்கள், தங்கள் குடும்ப செலவுகளுக்காகவும், சிலர், தங்கள் குடும்ப வருமானத்தை சரிகட்டவும் வேலைக்கு வருவதுண்டு. மேலும் சிலர், எதற்கெடுத்தாலும், கணவரை தொந்தரவு செய்ய விரும்பாமல், தங் கள் சிறுசிறு தேவைகளை, நிறைவேற்றி கொள்வதற்காகவும் வேலைக்கு வருவதுண்டு.

*படித்த படிப்பை பயன்படுத்த: வீட்டிலிருந்து வீட்டு வேலைகளை மட்டும் பார்த்துக் கொண்டிருந்தால், கற்ற கல்வி வீணாகப் போய்விடுமே என்றும் சில பெண்கள் வேலைக்கு செல்வதுண்டு.

* பிரச்னைகளிலிருந்து விடுபட: வீட்டுக்குள்ளேயே அடைந்து கிடந்தால், குடும்பத்திலுள்ள பல்வேறு பிரச்னைகளை நினைத்து நினைத்து, நிம்மதியை இழந்து விடக்கூடும். அதுவே, ஒரு இடத்திற்கு சென்று வேலை செய்யும் போது, நாள் முழுக்க, அந்த குடும்ப பிரச்னை மூலம் உண்டாகும் மனஅழுத்தத்திலிருந்து விடுதலை பெறுவதற்காக வேலைக்கு செல்கின்றனர். திருமணமான பெண்கள் சிலர், வீட்டில் இருந்தால், பிரச்னை வரும் என்று கூட வேலைக்கு செல்வதுண்டு.

* பெண்கள் வேலைக்கு செல்வதால் ஏற்படும் பயன்: பொருளாதார பாதுகாப்பு கிடைக்கிறது. வேலைக்கு செல்வதால், மன தைரியமும், தன்னம்பிக்கையும் ஏற்படுகிறது. இந்த போட்டியான உலகத்தில், தங்களாலும் மற்றவர்களுக்கு ஈடுகொடுத்து வாழமுடியும் என்ற நம்பிக்கை வளர்கிறது. பொது அறிவும் வளர்கிறது. வீட்டுக்குள் இருந்து, நாம் பெறும் அறிவை விட, அலுவலகத்தில் வேலை செய்தால், தன்னம்பிக் கையை வளர்த்துக் கொள்ள முடியும்.

Guest · Guest Sun 6 Sep 2009 - 14:33

அன்புடையீர்,

பெண்களை இந்த காலத்தில் வேலைக்கு அனுப்பி வீடு திரும்புவதற்குள் ஆண்கள் வயிற்றில் நெருப்பை சுமந்து கொண்டு இருக்க வேண்டி உள்ளது.

ரொம்ப நன்றி