பிரித்தானிய தமிழர் பேரவையின் ஊடக அறிக்கை

kirupairajah · kirupairajah Wed Aug 12, 2009 8:09 am

இலங்கை அரசானது சர்வதேச சட்டம், ஒழுங்குவிதிகளுக்கு கட்டுப்படாமல் செயற்படும் 'குடியரசுக்குரிய நாடு' என்ற தனது கர்வத்தை மீண்டும் ஒருமுறை உலகுக்குக் காட்டியுள்ளது. ஆனால் இந்தத் தடவை, தமது சட்டவிரோத ஆள்கடத்தல்கள், கொள்ளை, காணாமல் போதல்கள் மற்றும் தன்னிச்சையான மனித உரிமை மீறல்கள் என்பவற்றை உள்நாட்டைக் கடந்து சர்வதேச எல்லைகளுக்கிடையே நடாத்தியுள்ளது. இதுவரைக்கும் இலங்கைக்குள் இருந்த சர்வதேச சட்டம், ஒழுங்குகளை அவமதிக்கும், கருத்திலெடுக்காத தன்மையானது சர்வதேச அளவில் இப்போது அனுமதிக்கப்பட்டுள்ளது என்றே தோன்றுகிறது.

இது போன்ற முன்னேற்றங்கள் காரணமாக, பிரித்தானிய தமிழர்கள் பின்வரும் கோரிக்கைகளை முன்வைக்கிறோம்:

- பத்மநாதனை உடனடியாக நீதிமன்றத்தில் ஆஜர் செய்யவேண்டும் என்றும் அவருக்கெதிரான குற்றங்களைக் கூடிய விரைவில் தாக்கல் செய்யவேண்டும் எனவும் பிரித்தானிய அரசாங்கமானது பிற அரசாங்கங்களுடன் இணைந்து இலங்கையரசைக் கட்டாயப்படுத்தவேண்டும்.

- சர்வதேச செஞ்சிலுவைச் சங்கமானது பத்மநாதனை அணுக உடனும் அனுமதிக்கப்படவேண்டும், பத்மநாதனின் மனித உரிமைகளைக் காக்கவும், அவரது நல்வாழ்வைப் பாதுகாக்கவும் சித்திரவதைக்கு எதிரான சரத்து 3 வழக்கு பின்பற்றப்படவேண்டும்.

- சர்வதேச சட்டங்களுக்கமைய பத்மநாதனும் சட்ட பிரதிநிதித்துவத்தை அணுக அனுமதிக்கப்படவேண்டும்.

- இந்த சட்டவிரோத கடத்தலிலும், வழக்கத்துக்கு மாறான ஒப்படைப்பிலும் ஈடுபட்ட அரசாங்கங்கள், அரச நிறுவனங்கள் அல்லது முகவர்கள் என்பவற்றால் மீறப்பட்ட சர்வதேச சட்ட மீறல்கள் குறித்து புலன் விசாரணை செய்து, சட்டம், ஒழுங்கைக் விருத்திசெய்யும் நடவடிக்கைகள் எடுக்கப்படவேண்டும்.

- பிரித்தானிய அரசானது சர்வதேச சட்டம், ஒழுங்கை உறுதியாக நம்புகின்ற அமெரிக்க அரசு மற்றும் பிற நிர்வாகங்களுடன் இணைந்து அரசால் செய்யப்பட்ட சர்வதேச குற்றச் செயல்கள் குறித்து உலகுக்கு அறிவிக்க வேண்டும்.

- வெளிநாட்டு மற்றும் பொதுநலவாய அலுவலகம் இந்த நாடுகளின் உறுப்புரிமையை இடைநிறுத்துவது பற்றி மதிப்பாய்வு செய்ய வேண்டும்.

- மனித உரிமைகளை மதிக்கின்ற, சட்டம் ஒழுங்குக்கு மரியாதையளிக்கின்ற ஊடகங்கள் ஒரு நாட்டால் செய்யப்படுகின்ற இதுபோன்ற குற்றச் செயல்களுக்கு எதிராக, தமது நடவடிக்கைகளை மேம்படுத்த வேண்டும்.

இவ்வாறு பிரித்தானிய தமிழர் பேரவை தனது ஆங்கில ஊடக அறிக்கையில் தெரிவித்துள்ளது: தமிழாக்கம் அதிர்வு இணையம்

நன்றி.
பிரித்தானிய தமிழர் பேரவை ஊடகக் குழு

பிரித்தானிய தமிழர் பேரவையின் ஊடக அறிக்கை

பிரித்தானிய தமிழர் பேரவையின் ஊடக அறிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக