வங்கதேசம் வெற்றி: அயர்லாந்து போராட்டம் வீண்

மிர்புர்: உலக கோப்பை லீக் போட்டியில் பவுலர்கள் துணிச்சலாக போராட, வங்கதேச அணி, அயர்லாந்தை 27 ரன்கள் வித்தியாசத்தில் வீழ்த்தியது.

இந்திய துணைக் கண்டத்தில், உலக கோப்பை கிரிக்கெட் தொடர் நடக்கிறது. நேற்று மிர்புரில் நடந்த "பி' பிரிவு லீக் போட்டியில்(பகலிரவு) வங்கதேசம், அயர்லாந்து அணிகள் மோதின. வங்கதேச அணியில் மகமதுல்லா நீக்கப்பட்டு, அஷ்ரபுல் வாய்ப்பு பெற்றார். டாஸ் வென்ற வங்கதேசம் "பேட்டிங்' தேர்வு செய்தது.

இக்பால் அதிரடி:

வங்கதேச அணிக்கு தமிம் இக்பால் அதிரடி துவக்கம் தந்தார். ரான்கின் வீசிய முதல் ஓவரில் இரண்டு பவுண்டரி அடித்தார். இம்ருல் கைஸ்(12), சித்திக்(3) ஏமாற்றினர். சிறிது நேரத்தில் தமிம் இக்பாலும்(44) வெளியேற, சிக்கல் ஆரம்பமானது. அயர்லாந்து வீரர்கள் பந்துவீச்சு மட்டுமல்லாமல், பீல்டிங்கிலும் அசத்த, வங்கதேச அணி ரன் சேர்க்க திணறியது. ஆன்ட்ரி போத்தா பந்தில் கேப்டன் சாகிப் அல் ஹசன்(16) வீழ்ந்தார். பின் பொறுப்பாக ஆடிய முஷ்பிகுர் ரஹிம் 36 ரன்கள் எடுத்து கைகொடுத்தார். மிகவும் எதிர்பார்க்கப்பட்ட அஷ்ரபுல்(1) சொதப்பினார். ரகிபுல் ஹசன் 38 ரன்கள் எடுத்தார். கடைசி கட்டத்தில் அதிரடி காட்டிய நயீம் இஸ்லாம் 29 ரன்கள் எடுக்க, வங்கதேச அணி 49.2 ஓவரில் 205 ரன்களுக்கு ஆல் அவுட்டானது.

அயர்லாந்து தரப்பில் ஆன்ட்ரி போத்தா அதிகபட்சமாக 3 விக்கெட் வீழ்த்தினார்.

விக்கெட் மடமட:

சுலப இலக்கை விரட்டிய அயர்லாந்து அணி, வங்கதேச பந்துவீச்சில் ஆட்டம் கண்டது. துவக்கத்தில் ஸ்டர்லிங்(9), போர்டர்பீல்டு(20) ஏமாற்றினர். அஷ்ரபுல் சுழலில் ஜாய்ஸ்(16), ஆன்ட்ரூ ஒயிட்(10) சிக்கினர். நியால் ஓ பிரையன்(38), கெவின் ஓ பிரையன்(37) ஓரளவுக்கு போராடினர். ஷபியுல் இஸ்லாம் வேகத்தில் "டெயிலெண்டர்கள்' நடையை கட்ட, அயர்லாந்து அணி 45 ஓவரில் 178 ரன்களுக்கு ஆல் அவுட்டாகி தோல்வி அடைந்தது. இதன் மூலம் வங்கதேச அணி இம்முறை, தனது முதல் வெற்றியை பதிவு செய்தது.

வங்கதேச வீரர் ஷபியுல் இஸ்லாம் அதிபட்சமாக 4 விக்கெட் வீழ்த்தினார். ஆட்ட நாயகன் விருதை தமிம் இக்பால் வென்றார்.

பழிதீர்த்தது வங்கதேசம்

நேற்றைய போட்டியில் வெற்றி கண்ட வங்கதேச அணி, கடந்த 2007ல் நடந்த உலக கோப்பை தொடரில் அயர்லாந்திடம் கண்ட தோல்விக்கு பழிதீர்த்துக் கொண்டது. இதன்மூலம் உலக கோப்பை அரங்கில் இரண்டு முறை மோதிய வங்கதேசம்-அயர்லாந்து அணிகள், தலா ஒரு போட்டியில் வெற்றி கண்டன.

ஸ்கோர் போர்டு

வங்கதேசம்

தமிம் (கே)போர்டர்பீல்டு (ப)போத்தா 44(43)
இம்ருல் (ஸ்டெம்)நியால் (ப)மூனே 12(12)
ஜுனாய்டு -ரன் அவுட்-(ஜாய்ஸ்) 3(8)
முஷ்பிகுர் (கே)ஒயிட் (ப)டாக்ரெல் 36(66)
சாகிப் (கே)+(ப)போத்தா 16(20)
ரகிபுல் -ரன் அவுட்-(ஒயிட்) 38(69)
அஷ்ரபுல் (கே)ஒயிட் (ப)டாக்ரெல் 1(6)
நயீம் (கே)டாக்ரெல் (ப)ஜான்ஸ்டன் 29(38)
ஷபியுல் எல்.பி.டபிள்யு.,(ப)போத்தா 2(17)
அப்துர் (ப)ஜான்ஸ்டன் 11(16)
ருபெல் -அவுட் இல்லை- 2(2)

உதிரிகள் 11

மொத்தம் (49.2 ஓவரில், "ஆல்-அவுட்') 205
விக்கெட் வீழ்ச்சி: 1-53(இம்ருல்), 2-61(ஜுனாய்டு), 3-68(தமிம்), 4-86(சாகிப்), 5-147(முஷ்பிகுர்), 6-151(அஷ்ரபுல்), 7-159(ரகிபுல்), 8-170(ஷபியுல்), 9-193(அப்துர்), 10-205(நயீம்).
பந்துவீச்சு: ரான்கின் 9-0-62-0, ஜான்ஸ்டன் 8.2-0-40-2, மூனே 7-0-25-1, போத்தா 9-1-32-3, டாக்ரெல் 10-2-23-2, ஸ்டிர்லிங் 4-0-13-0, கெவின் 2-0-8-0.

அயர்லாந்து

போர்டர்பீல்டு (கே)ரகிபுல் (ப)சாகிப் 20(30)
ஸ்டிர்லிங் (ஸ்டெம்)முஷ்பிகுர் (ப)அப்துர் 9(10)
ஜாய்ஸ் (கே)+(ப)அஷ்ரபுல் 16(35)
நியால் (கே)தமிம் (ப)சாகிப் 38(52)
ஒயிட் (ப)அஷ்ரபுல் 10(27)
கெவின் (கே)சப்-சுக்ரவாதி (ப)ஷபியுல் 37(40)
போத்தா (ப)ஷபியுல் 22(36)
மூனே (ப)நயீம் 0(9)
ஜான்ஸ்டன் எல்.பி.டபிள்யு.,(ப)ஷபியுல் 6(6)
டாக்ரெல் -அவுட் இல்லை- 4(12)
ரான்கின் (கே)ஜுனாய்டு (ப)ஷபியுல் 3(13)
உதிரிகள் 13

மொத்தம் (45 ஓவரில், "ஆல்-அவுட்') 178
விக்கெட் வீழ்ச்சி: 1-23(ஸ்டிர்லிங்), 2-36(போர்டர்பீல்டு), 3-75(ஜாய்ஸ்), 4-93(ஒயிட்), 5-110(நியால்), 6-151(கெவின்), 7-164(மூனே), 8-168(போத்தா), 9-171(ஜான்ஸ்டன்), 10-178(ரான்கின்).
பந்துவீச்சு: ஷபியுல் 8-1-21-4, அப்துர் 8-0-30-1, நயீம் 9-1-36-1, சாகிப் 8-0-28-2, அஷ்ரபுல் 9-0-42-2, ருபெல் 3-0-12-0.