நீங்களும் அழகு பெற...

முகம் :

அப்பிள், ஒரேஞ்சு மற்றும் வாழப் பழம் சம அளவு எடுத்து, கூழ் போன்று அரைத்துக் கொள்ள வேண்டும். இதை முகம் மற்றும் கழுத்துப் பகுதிகளில் தடவி, பதினைந்து நிமிடத்தின் பின்னர் கழுவினால், முகம் பளிச்சென்று இருக்கும்.

கண்கள் :

கண்ணைச் சுற்றி உள்ள கருவளையம் நீங்க வெள்ளரிக்காய் ஜூஸை பஞ்சில் நனைத்து கண்கள் மீது தினமும் போட்டு வரவும்.

உதடு :

உதடு வசீகரமாக இருக்க முட்டையின் வெண்கரு, பாதாம் பவுடர், பால் இம்மூன்றையும் கலந்து உதட்டில் தடவி அது காய்ந்ததும் சுடுநீரில் கழுவி எடுக்க வேண்டும். உதட்டில் தேங்காய் எண்ணெய் தடவி வந்தால் உதடு மினுமினுப்பாக இருக்கும்.

கரும்புள்ளி மறைய :

முகப்பருவால் ஏற்படும் கரும்புள்ளி மறைய சாதிக்காயை அரைத்துப் போடவும்.

முகப்பரு நீங்க :

பூண்டு அல்லது கருந்துளசியை அரைத்துப் பூசி வந்தால் நாளடைவில் பருக்கள் மறையும்.

வெண்மையான பல் :

இரவு நேரத்தில் பச்சை கரட்டை மென்று தின்றால் பல் உறுதியடைவதுடன், பல் வெண்மை பெறும்.

கை :

பாத்திரம் தேய்ப்பதால் ஏற்படும் கை வெடிப்புகளுக்கு உருளைக்கிழங்கை வேகவைத்து மசித்து, கைகளில் தேய்த்து வந்தால் கைகள் மிருதுவாக இருக்கும்.

நகம் :

நகங்களில் சிதைவு ஏற்படாமலும், வெண்மையாகவும் இருக்க, சூரியகாந்தி எண்ணெயை கை கால் நகங்களில் தடவி வர வேண்டும்.

பாதம் :

பாதத்தில் உள்ள வெடிப்பு நீங்க விளக்கெண்னெய் ஒரு ஸ்பூன், பன்னீர் இரண்டு ஸ்பூன், எலுமிச்சம் சாறு ஒரு ஸ்பூன் மூன்றையும் கலந்து வெந் நீரில் கால்களை பத்து நிமிடம் ஊறவிட்டு, பின்பு இக்கலவையை பூசி வர வெடிப்புகள் நீங்கி பாதங்கள் அழகாக மாறும்.