ஜனாதிபதியின் பென்ஸ் கார் ரிப்பேர்...அம்பாசடருக்கே மாறினார் பிரணாப்

முரளிராஜா · முரளிராஜா Sun Aug 26, 2012 12:39 pm

டெல்லி: குடியரசுத் தலைவருக்காக கடந்த பிரதீபா பாட்டீல் பதவிக்காலத்தில் வாங்கப்பட்ட மிகவும் ஆடம்பரமான பென்ஸ் கார் பழுதடைந்திருக்கிறதாம். இதையடுத்து குடியரசுத் தலைவர் பிரணாப் முகர்ஜி மாற்றுக் காரைப் பயன்படுத்தி வருகிறார். அதாது அவருக்கு மிகவும் பிடித்தமான அம்பாசடர் காருக்கே அவர் மாறியுள்ளார்.

கடந்த பிரதீபா பாட்டீல் பதவிக்காலத்தின்போது இந்த பென்ஸ் கார் வாங்கப்பட்டது. மிகவும் ஆடம்பரமான இந்தக் கார் பெரும் பொருட்செலவில் பல்வேறு வசதிகளுடன் கூடியதாகும். இந்தக் காரில்தான் வலம் வந்து கொண்டிருந்தார் பிரதீபா பாட்டீல்.
இந்த நிலையில் இந்தக் கார் சில மாதங்களுக்கு முன்பு பழுதடைந்து விட்டது. என்ஜின் அடிக்கடி பிரச்சினை கொடுத்து வந்தது. இதையடுத்து கார் பயன்படுத்தப்படாமல் இருக்கிறது. இந்த நிலையில் தற்போது குடியரசுத் தலைவர் பிரணாப் முகர்ஜி, மாற்றுக் காராக வாங்கப்பட்டுள்ள அம்பாசடர் காரைப் பயன்படுத்த ஆரம்பித்திருக்கிறார். இந்தக் காரின் விலை ரூ. 10 லட்சமாகும்.

தற்போது ரிப்பேராகிப் போன பென்ஸ் காரை ஓரம் கட்டி வைத்துள்ளனராம். அதில் என்ன ரிப்பேர் என்று அதைத் தயாரித்த மெர்சிடிஸ் நிறுவனத்துக்கே தெரியவில்லையாம்.

இதில் விசேஷம் என்னவென்றால் பிரணாப் முகர்ஜிக்கு ஆடம்பரக் கார்களையே பிடிக்காது. அவருக்குப் பிடித்த ஒரே கார் மேற்கு வங்கத்தில் பிறந்த அம்பாசடர் கார்தான். கடந்த 2004ம் ஆண்டு பிரணாபுக்கு ஒரு போர்டுஐகான் காரை அவரது மகன் வாங்கிக் கொடுத்தபோதும் கூட அதை அவர் பயன்படுத்தியதே இல்லை, அவரது அலுவலக ஊழியர்கள்தான் அதில் ஏறி போய் வந்தனர் என்பது குறிப்பிடத்தக்கது.

தற்போது தனக்குப் பிடித்த அம்பாசடரே மீண்டும் தன்னைத் தேடி வந்து விட்டதால் பெரும் குஷியாக உள்ளாராம் பிரணாப் முகர்ஜி.

நன்றி ஒன் இந்தியா

**கே. பாலா** · **கே. பாலா** Sun Aug 26, 2012 12:46 pm

என்ன ரிப்பேர் என்று அதைத் தயாரித்த மெர்சிடிஸ் நிறுவனத்துக்கே தெரியவில்லையாம்.

எங்க ஊரு "ஆண்டவர் மெக்கானிக் " நல்லா சரிபன்னுவர் அனுப்பட்டுங்களா ???? நக்கல் நாயகம்

யினியவன் · யினியவன் Sun Aug 26, 2012 12:51 pm

மெர்சிடிசுக்கு தெரியவில்லை என்பது கதை. ஜோடிக்கப் பட்ட கதையாக தோணுது.

இதை சரி செய்ய இயலவில்லைன்னு சொல்லி இதை மிகக் குறைந்த விலைக்கு ஏலத்தில் ஒரு அரசியல்வாதி எடுத்து சொகுசாக சுற்றி வருவார் பாருங்க.

விநாயகாசெந்தில் · 09/05/2012

ஜனாதிபதியோட காரையே சரி பண்ண முடியலன்னா ,நம்ம போல சாமானியர்கள் நிலைமை சோகம்

**பிரசன்னா** · **பிரசன்னா** Sun Aug 26, 2012 5:03 pm

மெர்சிடிசுக்கு தெரியவில்லை என்பது கதை. ஜோடிக்கப் பட்ட கதையாக தோணுது.

அவருக்கு அம்பாசடர் கார் தான் ராசி....

**தமிழ்நேசன்1981** · 21/11/2010

பிரணாப்தான் இனிமேல் உலகம் சுற்றும் கிழவர் ஆகிவிட்டாரே...அவருக்கு எதுக்கு ஆடம்பர கார்.. அதாங்க..! வெளிநாட்டு சுற்றுப்பயணத்தைதான் சொல்றேன்... வெளிநாடு சுற்றுதுதானே ஜனாதிபதிகளின் வேலையாயிருக்கிறது... சிரி