சுத்தி... சுத்தி... ஜெயிச்சீங்க!

**krishnaamma** · **krishnaamma** Wed Sep 11, 2013 9:01 pm

First topic message reminder :

சுத்தி... சுத்தி... ஜெயிச்சீங்க! - Page 2 Zk6l

ஆண்களால் மட்டுமே செய்யப்பட்டுக் கொண்டிருக்கும் மோட்டார் பம்புகளுக்கு காயில் சுற்றுவது, ரீ வைண்டிங் செய்வது போன்ற கடினமான வேலைகளை மிக நேர்த்தியாக படு சுத்தமாக செய்து அதகளம் செய்து வருகிறார் ஜெயசீலா, கோவை.

பாப்பநாயக்கன்பாளையம் பழையூர் மாரியம்மன் கோயிலுக்கு அருகில் கணவர் தேவதாஸ் நடத்தி வரும் ஒர்க்ஷாப்பில் மிக்சி, கிரைண்டர், மோட்டார் பம்புகளுக்க ரீ வைண்டிங் மற்றும் ரிப்பேர் வேலை பார்க்கிறார்.

நீங்க எப்படி இந்த தொழிலுக்குள் நுழைந்தீர்கள்?

குமரி மாவட்டத்தில் தள்ளாத்தி என்ற சின்ன கிராமம்தான் என்னுடையது. படிப்பு எட்டாங்கிளாஸ். எங்க திருமணத்துக்கு முன்னால இவர் கிரைண்டர் தொழில் பண்ணிக்கொண்டிருந்தார். அதில் ஏகப்பட்ட நட்டம். பிறகு ஒரு சிறிய இடத்தை வாடகை பிடித்து சின்ன சின்ன ரீ வைண்டிங் வேலைகளை செய்ய ஆரம்பித்தார். தினமும் இவருக்கு சாப்பாடு எடுத்து போவேன். இவர் செய்யும் வேலைகளை உன்னிப்பாக கவனிப்பேன். சில சமயம் என்னை விட்டு விட்டு வெளியே செல்லும்போது நானே காயில் கட்டுவதும், ரீவைண்டிங் செய்வதுமாக வேலைகளை மெள்ள பழக ஆரம்பித்தேன். இவர் படும் அல்லாட்டாங்களை பார்த்து மெதுவாக இவரிடம் நானும் உங்களுக்கு உதவியாக இந்த வேலைகளை செய்கிறேன்னு சொன்னேன்.

அவரோ, இதெல்லாம் கரண்ட் சம்பந்தப்பட்ட நுணுக்கமான உள்வேலை. டெஸ்டிங். அது இது என ஆண்களையே பெண்டை நிமிர்த்திவிடும். பேசமா இரு அனுப் பிட்டார். ஆனாலும் என் ஆர்வம் தணியலை. அவர் செய்யும் வேலைகளை உன்னிப்பாக கவனிக்க ஆரம்பித்தேன். சின்னச் சின்ன வேலைகளை செய்து காண்பித்தேன்.

உங்க மனைவியின் தொழில் ஆர்வம் பற்றி சொல்ல முடியுமா? என்று கணவர் தேவதாசிடம் கேட்டோம்.
சரியான கிராமத்து பொண்ணுங்க இவ. இன்னிக்கு பாத்தீங்கன்னா இந்த தொழில்ல பரபலமாயிட்டாங்க. சும்மா பெருமைக்காக சொல்லலைங்க. அவங்க என்னை விட நல்லாவே ரீவைண்டிங் பண்றாங்க. இப்ப நான் ஆர்டர் எடுக்க மட்டும் தான் வெளியே போறேன். நான் இன்னொரு ஆர்டர் எடுத்துவருவதற்குள் முதலில் வந்த மோட்டார் ரெடியாகிவிடும். இது வரை யாரும் இவங்க வேலையில் எந்தகுறையும் சொன்னதில்லை. மாறாக இவங்களால பழுது நீக்கப்பட்ட மோட்டார் ரொம்ப நாளைக்கு நல்லா உழைக்குதுன்னு பாராட்டுறாங்க என்று நெகிழ்ச்சியடன் பேசிக் கொண்டே போன கணவரை. ஆசுவாசப்படுத்தி விட்டு ஜெயசீலா தொடர்ந்தார்.

மற்றவங்க பாராட்டுகளை விட எங்க சம்பந்தியம்மா என்னுடைய வேலைகளை பார்த்துட்டு நான் உங்க சம்பந்தின்னு சொல்றதுக்கே பெருமையா இருக்கு. எங்களால இது மாதிரி செய்ய முடியலேன்னு ஆதங்கமா இருக்குன்னு சொன்னது தான் பெருமையா இருந்தது. எந்தவொரு பெண்ணானாலும் சரி, அவங்க படிச்சுருக்காங்களோ, இல்லையோ ஏதாவது ஒரு தொழிலை நல்லா கத்துகிட்டு கைவசம் வச்சுக்கணும். எப்பவும் அது நிச்சயமாக கைகொடுக்கும் என்று முடித்தார். தன் கையிலிருந்த மோட்டாரின் காயில் கம்பிகளில் இருந்த சிக்கல்களை பிரித்துகொண்டே.

17/02/2013

krishnaamma wrote:
ராஜு சரவணன் wrote:
மதுமிதா wrote:
ராஜு சரவணன் wrote:பெண்களால் எல்லாம் முடியும்

நான் இருக்கும் சென்னை குடியிருப்பு அருகில் ஒரு கடையில் பெண் ஒருவர் அவர் கணவருக்கு உதவியாக தினமும் காயில் சுத்துவதை பார்த்திருக்கிறேன்.
பாலா யென் இவ்வளவு கோபமா இருக்காரு?

அவங்க அத்தை ஈகரைக்கு வரவே இல்லை என்று தான்
யாரு அது ராஜு, எனக்கு சுத்தமாய் புரியலை..............

புகைப்படத்தில் இருப்பவரைத் தெரிகிறதா அம்மா நான் அப்படித்தான் தெரிந்துகொண்டேன்

இந்த பதிவைத் துவங்கியவர் நன்றி கூறியுள்ளார் செம்மொழியான் பாண்டியன்

**krishnaamma** · **krishnaamma** Thu Sep 12, 2013 2:34 pm

செம்மொழியான் பாண்டியன் wrote:
krishnaamma wrote:
ராஜு சரவணன் wrote:
மதுமிதா wrote:
ராஜு சரவணன் wrote:பெண்களால் எல்லாம் முடியும்

நான் இருக்கும் சென்னை குடியிருப்பு அருகில் ஒரு கடையில் பெண் ஒருவர் அவர் கணவருக்கு உதவியாக தினமும் காயில் சுத்துவதை பார்த்திருக்கிறேன்.
பாலா யென் இவ்வளவு கோபமா இருக்காரு?

அவங்க அத்தை ஈகரைக்கு வரவே இல்லை என்று தான்
யாரு அது ராஜு, எனக்கு சுத்தமாய் புரியலை..............
புகைப்படத்தில் இருப்பவரைத் தெரிகிறதா அம்மா நான் அப்படித்தான் தெரிந்துகொண்டேன்

ஓ........ஓகே ஓகே..புரிந்துவிட்டது புன்னகை

நன்றி பாண்டியன் புன்னகை

**T.N.Balasubramanian** · **T.N.Balasubramanian** Thu Sep 12, 2013 4:49 pm

செப்புக்கம்பி சுற்றும் அவருடைய மனைவி அவருக்கு கிடைத்த தங்கக்கம்பி.

ரமணியன்.

**மதுமிதா** · **மதுமிதா** Thu Sep 12, 2013 7:39 pm

ராஜு சரவணன் wrote:
மதுமிதா wrote:
ராஜு சரவணன் wrote:பெண்களால் எல்லாம் முடியும்

நான் இருக்கும் சென்னை குடியிருப்பு அருகில் ஒரு கடையில் பெண் ஒருவர் அவர் கணவருக்கு உதவியாக தினமும் காயில் சுத்துவதை பார்த்திருக்கிறேன்.
பாலா யென் இவ்வளவு கோபமா இருக்காரு?

அவங்க அத்தை ஈகரைக்கு வரவே இல்லை என்று தான்

அதன் வந்துட்டேன் ல சிரிக்க சொல்லலாமே புன்னகை