சீனாவின் புதிய வரைபடம் வெளியீடு; கடும் அதிர்ச்சியில் இந்தியா

**சிவா** · **சிவா** Sun 29 Jun 2014 - 3:15

சீனாவின் புதிய வரைபடம் வெளியீடு; கடும் அதிர்ச்சியில் இந்தியா

புதுடில்லி; இந்தியாவிற்குட்பட்ட அருணாசல பிரதேசத்தை தங்களின் கட்டுப்பாட்டுக்குள் இருப்பது போல் உருவாக்கப்பட்ட வரைபடத்தை சீனா மீண்டும் வெளியிட்டுள்ளது. இது இந்தியாவை கடும் அதிர்ச்சிக்குள்ளாக்கியிருக்கிறது.

இது தொடர்பாக மத்திய வெளியுறவு துறை செய்தித்தொடர்பாளர் அக்பரூதீன் கடும் அதிருப்தியை தெரிவித்துள்ளார். அருணாசல் பிரதேசம் இந்தியாவிற்குட்பட்டது. இது சீனாவின் அங்கம் அல்ல என்பது சீனாவுக்கு நன்று தெரியும் இருந்தும், இவ்வாறான வரைபடம் குறித்து சீனாவின் கவனத்திற்கு கொண்டு சென்றுள்ளோம். வரை படத்தினால் உண்மையை மறைத்து விட முடியாது என்பதை சீனா உணர வேண்டும் என்றும் கூறியுள்ளார். இது தொடர்பாக பிரேசிலில் பிரதமர் நரேந்திரமோடி, சீன அதிபரை சந்திக்கும் நேரத்தில் பேசுவார். இவ்வாறு அவர் கூறியுள்ளார்.

நமது துணை ஜனாதிபதி அன்சாரி தற்போது சீனாவில் சுற்றுப்பயணம் மேற்கொண்டுள்ள நிலையில், இந்த வரைபடம் வெளியிடப்பட்டிருப்பது குறிப்பிடதக்கது.

**ayyasamy ram** · **ayyasamy ram** Sun 29 Jun 2014 - 12:25

சீனாவின் புதிய வரைபடம் வெளியீடு; கடும் அதிர்ச்சியில் இந்தியா HbgrPBknQgSLi7kzov6n+7

-
சீன ராணுவ வீரர்கள் கடந்த வாரம் அருணாசலப்
பிரதேசத்தின் சக்லகாம் பகுதியில் சுமார் 20 கி.மீ.
தொலைவுக்கு ஊடுருவி அங்கு இரண்டு நாள்கள்
தங்கி சென்றது தெரிய வந்துள்ளது.
இந்திய ராணுவத்துடன் மோதல் போக்கை தொடரும்
விதமாக சீனா இந்த ஊடுருவலை நிகழ்த்தியுள்ளது.
-
இச்செய்தி 22-8-13 தினமணியில் பிரசுரமானது...
-
அப்போதைய, புதுதில்லியில் உள்ள ராணுவத் தலைமையகமும்,
வெளியுறவுத் துறை அமைச்சகமும் சீன ஊடுருவல்
சம்பவத்தைப் பெரிதுபடுத்தாமல் விட்டதன் விளைவே
சீனா, இந்திய பகுதிகளை தனது எல்லைகளாக
காண்பித்துள்ளது
-
இப்போதைய அரசு கவனமுடன் செயல்பட வேண்டும்...
-