கல்லூரியில் படிக்கும்போது ''16 வயதில், என்னை காதலித்த இளைஞர் - நடிகை பூஜா

செல்வமூர்த்தி · 07/06/2014

சென்னை,

''எனக்கு 16 வயது ஆகும்போது, கல்லூரியில் படித்துக் கொண்டிருந்தேன். அப்போது, என்னை முதன்முதலாக ஒரு இளைஞர் காதலித்தார்’’ என்று நடிகை பூஜா கூறினார்.

சினிமா படவிழா

’நான் கடவுள்’ புகழ் பூஜா கதாநாயகியாக நடித்திருக்கும் புதிய படம், கடவுள் பாதி மிருகம் பாதி.’ புதுமுகம் ராஜ் கதாநாயகனாக நடித்து, டைரக்டு செய்து தயாரித்துள்ள படம் இது. இந்த படத்தின் பாடல்கள் வெளியீட்டு விழா, சென்னை சத்யம் தியேட்டரில் இன்று காலை நடந்தது. பாடல்களை, தமிழ் திரைப்பட தயாரிப்பாளர்கள் சங்க செயலாளர் கே.ஈ.ஞானவேல்ராஜா வெளியிட்டார்.

விழாவில், நடிகை பூஜா கலந்து கொண்டு பேசினார். அவர் பேசியதாவது:-

16 வயதில்...

''எனக்கு 16 வயது ஆகும்போது, பெங்களூரில் உள்ள ஒரு பெண்கள் கல்லூரியில் படித்துக் கொண்டிருந்தேன். இப்போது எத்தனை வயது ஆகிறது? என்று கேட்காதீர்கள். இந்த படத்தின் கதாநாயகன்-டைரக்டர் ராஜ் அப்போது அங்குள்ள ஆண்கள் கல்லூரியில் படித்துக் கொண்டிருந்தான். (அப்படித்தானேடா? என்று ராஜை பார்த்து கேட்கிறார்.)

கல்லூரிகளுக்கு இடையேயான கலை நிகழ்ச்சிக்காக, அந்த ஆண்கள் கல்லூரிக்கு நான் சென்றிருந்தேன். அப்போது, என்னை ராஜ் பார்த்து இருக்கிறான். எனக்கு தெரியாது. என்னை அவன் விரும்பி இருக்கிறான். அதை காதல் என்பதை விட, பருவ வயதுக்கே உரிய மோகம் என்று சொல்லலாம். அதன்பிறகு எங்களுக்குள் அறிமுகம் நிகழ்ந்து பழக ஆரம்பித்தோம். என்னை விரும்புவதாக அவன் சொல்ல வந்தபோது, ''போடா’’ என்று திட்டி அனுப்பினேன்.

மீண்டும் சந்திப்பு

ரொம்ப வருடங்களுக்கு அப்புறம் சமீபத்தில் ராஜ் என்னை சந்தித்தான். ''நான் ஒரு படம் தயாரிக்கிறேன். எனக்கு நீ ஒரு உதவி செய்ய வேண்டும்’’ என்று கேட்டான். ''பணம் கேட்காதே. என்னிடம் பைசா கிடையாது’’ என்று சொன்னேன். ''பணம் தேவையில்லை. ஒரு கதாபாத்திரத்தில் நீ நடித்தால் போதும்’’ என்றான். அப்படி நடித்ததுதான் இந்த படம்.’’
இவ்வாறு பேசிய பூஜா, மேடையில் நின்று கொண்டிருந்த ராஜை நோக்கி, முத்தங்களை காற்றில் பறக்க விட்டார்.

விழாவில் தயாரிப்பாளர்கள் சங்க செயலாளர் ஞானவேல்ராஜா, கதாநாயகன் ராஜ், இன்னொரு கதாநாயகன் அபிஷேக், இசையமைப்பாளர் ராகுல்ராஜ், பின்னணி பாடகர்கள் உன்னி கிருஷ்ணன், விஜய் ஜேசுதாஸ், பாடல் ஆசிரியர் கருணாகரன், டான்ஸ் மாஸ்டர் காயத்ரி ரகுராம் ஆகியோரும் பேசினார்கள்.

கல்லூரியில் படிக்கும்போது ''16 வயதில், என்னை காதலித்த இளைஞர் - நடிகை பூஜா

கல்லூரியில் படிக்கும்போது ''16 வயதில், என்னை காதலித்த இளைஞர் - நடிகை பூஜா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக