விழித்திருக்கும் நித்திரை

**Aathira** · **Aathira** Fri Sep 26, 2014 8:44 pm

நினைப்பும் மறப்புமற்று
சமநிலையில் இருக்கும்
சாத்தியமுமற்ற
ஒரு பின்னிரவின்
கருமையில்
விழித்திருக்கிறது
நித்திரை

கனவுகளற்ற விழிகளின்
அசைவில்
அசைவற்று கிடக்கிற
அதனை
தட்டி உசுப்புகிறேன்
உறங்க வைக்க

பத்து
ஒன்பது
எட்டு
ஏழு
ஆறு
ஐந்து

பின்வரிசையில்
எண்ணிக் கொண்டிருக்கிறேன்

முண்டியடித்து
முன்வரிசையில்
இடம்பிடிக்கின்றன
அடுக்கடுக்காக…

அர்த்தமான
அர்த்தமற்ற
அற்பமான
அழகான
அத்தனையும்

ஓவீயம் - அன்பு நண்பர் ஓவியர் மாரி ஆனந்த்

(அவ்வப்போது அழகான ஓவியங்களைக் கொடுத்து என் கிறுக்கல்களை அழகாக்குகின்றீர்கள். நன்றி மாரி ஆன்ந்த்.)

**தமிழ்நேசன்1981** · 21/11/2010

நித்திரை வராத முன்னிரவில்
முத்திரை பதிக்கின்ற
முத்தான கவிதை..

அருமையான கவிதைக்கும்..கவிதாயினி ஆதிரா அக்காவிற்கும் அன்பான வாழ்த்துக்கள். அன்பு மலர்

யினியவன் · யினியவன் Fri Sep 26, 2014 8:57 pm

அம்மாடி பின்னிட்டாங்க ஆதிரா - சூப்பருங்க

**Aathira** · **Aathira** Fri Sep 26, 2014 9:01 pm

தமிழ்நேசன்1981 wrote:நித்திரை வராத முன்னிரவில்
முத்திரை பதிக்கின்ற
முத்தான கவிதை..

அருமையான கவிதைக்கும்..கவிதாயினி ஆதிரா அக்காவிற்கும் அன்பான வாழ்த்துக்கள்.

மேற்கோள் செய்த பதிவு: 1091116

கவிதையால் வாழ்த்திய அன்புக்கு நன்றி தமிழ் நேசன் அன்பு மலர்