த்ரிஷா திருமணத்தை தடுப்பது யார்?

-

-
அஜித்தின் “என்னை அறிந்தால்’ படத்தில் நடிக்க
ரொம்பவே ஆசைப்பட்டாராம் த்ரிஷா.

ஆனால் படத்தில் இயக்குநர் கவுதம் மேனன் தவிர
மீது அத்தனை பேருக்குமே அதில் விருப்பம்
இல்லாமலிருந்ததாம். பெரும் முயற்சிக்குப் பிறகு
எப்படியோ அனைவரையும் கன்வீன்ஸ் செய்தார்
கவுதம். ஆனால் ஒரு மாத அவகாசத்தோடு.

அதன்படி த்ரிஷாவைத் தொடர்பு கொண்ட கவுதம்,
“எப்படியாவது நீங்க பழைய மாதிரி ஸ்ட்ரைக்கிங்கான
லுக்குடன் வந்தாலொழிய இந்தப் படத்தில் இருக்கும்
யூத்ஃபுல் கேரக்டருக்கு நானே நினைச்சாலும் உங்களை
உள்ளே கொண்டு வர முடியாது’ என்றாராம்.
-
அதற்கப்புறம் மின்னலாக செயல்பட்டார் த்ரிஷா.
கேரளாவில் ஆயுர்வேத சிகிச்சைக்கு சென்று கரெக்டாக
கவுதம் சொன்ன கெடு தேதிக்குள் திரும்பி வந்தார்.
அதுவும் புத்தம் புது மின்னலாக! அற்புதமாக ஒரு
போட்டோ ஷூட்டும் எடுக்கப்பட்டது.

அதற்கப்புறம்தான் உதட்டைப் பிதுக்கியவர்கள் எல்லாம்.
அதே உதடு குளிர “அடடே என்ன அழகு’ என்றனராம்.
அதனால் இந்தப் படத்தில் த்ரிஷாவுக்கு தனி பாடல்
காட்சியே வைக்கப் பட்டிருக்கிறதாம்.
-
இந்த நேரத்தில்தான் த்ரிஷாவின் கல்யாணச் செய்தி
வெளியே கசிந்துள்ளது. “ஏம்மா… படம் ரெடியாகி முடியுற
கட்டத்துல இருக்கு பொங்கலுக்கு படத்தை கொண்டு வர
ஓடிக்கிட்டு இருக்கோம். இந்த நேரத்துல இந்த அறிவிப்பு
வந்தா, நல்லா இருக்குமா?

யூத்ஃபுல் கேரக்டர் வேற’ என்று “என்னை அறிந்தால்’
யூனிட்டில் இருந்து அட்வைஸ் வர அதன் காரணமாகவே
அடக்கி வாசிக்கிறாராம் த்ரிஷா.

ஆனால் எந்த நேரத்திலும் பகிரங்க அறிவிப்பு வரலாம்
என்றும் தெரிகிறது. லெட்ஸ் வெயிட் அண்ட் சீ!
-
——————————————
– உடும்பன், நிஷாந்த் – குமுதம்