உயிர்களுக்கு ஆபத்தை விளைவிக்கும் செல்போன் டவர் கதிர்வீச்சு: ஆய்வு நடத்த ம.பி. அரசு முடிவு

மத்தியப்பிரதேச மாநிலத்தில் உள்ள அனைத்து செல்போன் டவர்களிலும் வெளியாகும் கதிர்வீச்சு குறித்து ஆய்வு நடத்தப்படும் என்று அம்மாநில நகர்ப்புற நிர்வாகத்துறை மந்திரி கைலாஷ் விஜயவர்கியா கூறியுள்ளார்.

அம்மாநில சட்டப்பேரவையில் காங்கிரஸ் உறுப்பினர் ஆரிப் அக்வீல் இது குறித்து கேள்வி எழுப்பினார். இவ்விவாதத்தில் கலந்துகொண்டு அவர் பேசியதாவது;

"செல்போன் டவர்களில் வெளியாகும் கதிர்வீச்சு காரணமாக உயிரை பறிக்கும் புற்றுநோய், நினைவாற்றல் இழப்பு மற்றும் மூளையில் கட்டி ஆகியவை மக்களை பாதிப்பதாக கூறினார். எனவே மக்கள் கூடும் இடங்களான சந்தைப்பகுதி, பொது இடங்கள் மற்றும் மக்கள் நெருக்கம் அதிகம் மிகுந்த பகுதிகளில் செல்போன் டவர்களை நிறுவ அனுமதிக்கக்கூடாது" என்று பேசினார்.

இதற்கு பதிலளித்து பேசிய மந்திரி விஜயவர்கியா கூறுகையில், இதுவரை நடத்தப்பட்டுள்ள ஆய்வுகளில் செல்போன் டவர்களில் வெளியாகும் கதிர்வீச்சால் உயிரினங்களுக்கு ஆபத்தில்லை என்று நிரூபிப்பதாகவே அமைந்துள்ளது. இந்த விவகாரத்தில் உள்ள முக்கியத்துவத்தை நானும் உணர்ந்துள்ளேன். எனவே இது குறித்து பல்வேறு நூல்களை ஆராய்ந்ததில் கதிர்வீச்சின் வீரியம் அதிகமாக இருக்கும் போது தான் உயிர்களுக்கு ஆபத்து நேரும் என்று தெரிய வந்ததாக கூறினார்.

தொலைத்தொடர்பு ஒழுங்குமுறை ஆணையமான (டிராய்) இதுவரை நடத்திய சீரற்ற சோதனையில், கவலை கொள்ளும் வகையில் கதிர்வீச்சு வெளியாகவில்லை என்பது தெரியவந்துள்ளதாக கூறிய அவர், எனினும் மாநிலத்தில் உள்ள அனைத்து செல்போன் டவர்களிலும் இதற்கான ஆய்வு நடத்த டிராயை அரசு கேட்டுக்கொண்டுள்ளதாக கூறியது குறிப்பிடத்தக்கது.
-maalaimalar

அரசாங்கம் எந்தவித மாயைக்கும் பணியாமல் , நடுநிலையாக இந்த ஆய்வை செய்து இதற்கு ஒரு தெளிவான வழிமுறையை கொண்டுவரவேண்டும்.


மனிதர்களே (தக்க உபகரணங்கள் இல்லாமல்) வாழுவதற்கு கடினமான மத்தியகிழக்கு நாடுகளில் நம்ம ஊரில் இருந்து அழிந்துவிட்ட மைனாக்கள் , சிட்டுக்குருவிகளை இங்குள்ள புல்வெளிகளில் பார்க்கும் போது இதில் எதோ மிகபெரிய சதி உள்ளது என்றே தோணுகிறது.

அடுத்த தலைமுறைக்கு நாம் எதுவும் செய்யாவிட்டாலும் பரவாயில்லை , நமது பாட்டன் முப்பாட்டன் நமக்கு வைத்துவிட்டு போன இயற்கையை மட்டுமாவது அப்படியே விட்டுவைக்க வேண்டும்  

ராஜா wrote:அரசாங்கம் எந்தவித மாயைக்கும் பணியாமல் , நடுநிலையாக இந்த ஆய்வை செய்து இதற்கு ஒரு தெளிவான வழிமுறையை கொண்டுவரவேண்டும்.


மனிதர்களே (தக்க உபகரணங்கள் இல்லாமல்) வாழுவதற்கு கடினமான மத்தியகிழக்கு நாடுகளில் நம்ம ஊரில் இருந்து அழிந்துவிட்ட மைனாக்கள் , சிட்டுக்குருவிகளை இங்குள்ள புல்வெளிகளில் பார்க்கும் போது இதில் எதோ மிகபெரிய சதி உள்ளது என்றே தோணுகிறது.

அடுத்த தலைமுறைக்கு நாம் எதுவும் செய்யாவிட்டாலும் பரவாயில்லை , நமது பாட்டன் முப்பாட்டன் நமக்கு வைத்துவிட்டு போன இயற்கையை மட்டுமாவது அப்படியே விட்டுவைக்க வேண்டும்  

மேற்கோள் செய்த பதிவு: 1109234