கவிழ்க்கப்பட்ட கப்பலில் இருந்து 100 டன் இந்திய வெள்ளி நாணயங்கள் மீட்பு

**சிவா** · **சிவா** Wed Apr 22, 2015 1:15 am

இரண்டாம் உலக போரின்போது, தெற்கு அட்லாண்டிக் கடலில் கவிழ்க்கப்பட்ட சரக்கு கப்பலில் இருந்து 100 டன் எடையுள்ள ஒரு ரூபாய் இந்திய வெள்ளி நாணயங்கள் மீட்கப்பட்டுள்ளன. எஸ்.எஸ்.சிட்டி என்ற அந்த சரக்கு கப்பலில் இந்த நாணயங்கள் ஏற்றப்பட்டு, இரண்டாம் உலக போரில் ஈடுபட்டிருந்த இங்கிலாந்து படைகளுக்கு நிதி உதவி செய்யும் நோக்கத்தில் அனுப்பிவைக்கப்பட்டன. 1942–ம் ஆண்டு அக்டோபர் மாதத்தில் மும்பையில் இருந்து 296 பேருடன் இக்கப்பல், இங்கிலாந்துக்கு புறப்பட்டது.

ஆனால், தெற்கு அட்லாண்டிக் கடலில், ஜெர்மன் நீர்மூழ்கி கப்பல், அந்த சரக்கு கப்பலை கவிழ்த்தது. இந்த செய்தி, அப்போதே வெளியான போதிலும், கப்பலின் சேதபாகங்கள் எதுவும் கண்டுபிடிக்கப்படாமலே இருந்தது. இந்நிலையில், ஆழ்கடல் மீட்புப்பணியில் நிபுணத்துவம் பெற்ற ஒரு கம்பெனியை கப்பல் மீட்புப்பணிக்கு இங்கிலாந்து அரசு ஒப்பந்தம் செய்தது. அந்நிறுவன ஆட்கள், 5 ஆயிரத்து 150 மீட்டர் ஆழத்தில் கிடந்த டன் கணக்கிலான ஒரு ரூபாய் இந்திய வெள்ளி நாணயங்களை மீட்டு வந்தனர். இந்த ஆழம், உலக சாதனை ஆழமாக கருதப்படுகிறது. ஒப்பந்தப்படி, நாணயங்களில் ஒரு பகுதி, அந்நிறுவனத்துக்கே அளிக்கப்பட்டது. அவற்றின் தற்போதைய மதிப்பு, பல கோடி ரூபாய் இருக்கும்.

**சிவா** · **சிவா** Wed Apr 22, 2015 1:15 am

‘பேர்ல் ஹார்பர்’ தாக்குதலில் பலியான வீரர்கள்; அமெரிக்கா முக்கிய முடிவு

கடந்த 1941–ம் ஆண்டு, பேர்ல் ஹார்பரில், அமெரிக்காவின் ஒக்லஹோமா கப்பல், ஜப்பானிய குண்டு வீச்சுத் தாக்குதலில் தகர்க்கப்பட்டது. அதில், கப்பலில் இருந்த 429 அமெரிக்க மாலுமிகளும், கடற்படை வீரர்களும் பலியானார்கள். இத்தனை ஆண்டுகளில், அவர்களில் 35 பேரின் உடல்கள் மட்டுமே அடையாளம் காணப்பட்டுள்ளன. மற்றவர்களின் உடல்கள், அடையாளம் தெரியாதவர்களாகவே புதைக்கப்பட்டன.

இந்நிலையில், தடய அறிவியல், மரபணு பரிசோதனை, தொழில்நுட்பம் போன்றவற்றில் ஏற்பட்டுள்ள அபரிமிதமான முன்னேற்றத்தின் காரணமாக, பேர்ல் ஹார்பர் சம்பவத்தில் பலியான வீரர்களின் அடையாளத்தை கண்டறிய முடியும் என்று அமெரிக்க ராணுவ தலைமையமான ‘பென்டகன்’ கருதுகிறது. பலியான வீரர்களின் சிதைந்த உடல் பாகங்களை தோண்டி எடுத்து ஆய்வு செய்ய முடிவு செய்துள்ளது. இன்னும் 3 வாரங்களில் தொடங்கும் இப்பணி, 5 ஆண்டுகள் நீடிக்கும்.

கவிழ்க்கப்பட்ட கப்பலில் இருந்து 100 டன் இந்திய வெள்ளி நாணயங்கள் மீட்பு

கவிழ்க்கப்பட்ட கப்பலில் இருந்து 100 டன் இந்திய வெள்ளி நாணயங்கள் மீட்பு

Re: கவிழ்க்கப்பட்ட கப்பலில் இருந்து 100 டன் இந்திய வெள்ளி நாணயங்கள் மீட்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக