மாதவிடாய்..!! - Mano Red

Mano Red · Mano Red Mon 27 Apr 2015 - 12:00

அவளின்
உடலியல் செயல் பற்றி
வெளிப்படையாக பேசுவதை,
அருவருப்பாகவும்
அவமானமாகவும்
இன்னும் பார்க்கிறது
கூன் விழுந்த வளர்ந்த சமூகம்..!!

தீட்டுப் பட்டவள் அவளென
சாமி அறையிலிருந்து
சமையலறை வரை
செல்லக்கூடாது,
ஊறுகாயைத் தொடக்கூடாது,
என்று தள்ளி ஒதுக்கி
சீரழிக்கிறது அறிவாளி சமூகம்..!!

சமுதாய பூச்சாண்டிகளே
பயம் காட்டியது போதும்..!!
அவளைச் சுற்றி கட்டப்படும்
கட்டுக்கதைகளும்,
கற்பனைகளும்
பெண்ணை இன்னும்
புண்ணாய் ஆக்குகின்றன.!!

அகத்தின் செயலுக்கு
புறத்தில் குறை கூறும்
இந்த சமூகத்தின்
குருட்டு கண்களுக்கு
விளக்கெண்ணெய் விட்டு
வெளிச்சம் தரவேண்டும்..!!

தீட்டு உடலில் அல்ல
இச்சமூகத்தில் தான்,
நேரடியாகவோ
மறைமுகமாகவோ
பெண்ணின் மீது
இன்னும் ஆதிக்கம்
தொடர்ந்து கொண்டே இருக்கிறது..!!

ஒரு பெண்
தான் பூப்பெய்தும்போதே
அவளுக்கு
அளிக்கப்படும் முதல்
அறிவுரை,
அப்பாவிடம் கூட
மாதவிடாய் பற்றி
பேசக்கூடாது என்பதே...!!

பேசக் கூடாத
விசயமல்ல
மாதவிடாய்..!!
பெண்களின் உலகத்தை
ஒவ்வொரு ஆண்களும்
புரிந்துகொள்ள வேண்டிய
கடமை இருக்கிறது..!!

**T.N.Balasubramanian** · **T.N.Balasubramanian** Mon 27 Apr 2015 - 16:51

கவிதை இயற்றுவதில்
ரொம்ப தூரம்
முன்னேறி விட்டீர்கள் ,மனோ !

வாழ்த்துக்கள்

ரமணியன்

Mano Red · Mano Red Mon 27 Apr 2015 - 16:54

T.N.Balasubramanian wrote:கவிதை இயற்றுவதில்
ரொம்ப தூரம்
முன்னேறி விட்டீர்கள் ,மனோ !

வாழ்த்துக்கள்

ரமணியன்

மேற்கோள் செய்த பதிவு: 1133268

மிக்க நன்றி ரமணியன் சார்.....அனுபவம் வாய்ந்த உங்களின் பாராட்டு என்னால் சுமக்க முடியுமா தெரியவில்லை ... மாதவிடாய்..!! - Mano Red 1571444738

ChitraGanesan · ChitraGanesan Mon 27 Apr 2015 - 19:39

நல்ல கவிதை

**ayyasamy ram** · **ayyasamy ram** Tue 28 Apr 2015 - 0:21

**krishnaamma** · **krishnaamma** Tue 28 Apr 2015 - 0:29

நல்லா இருக்கு மனோ புன்னகை

.என்றாலும் ஒன்றை இங்கு சொல்ல கடமைப்பட்டிருக்கிறேன்................அந்த நாட்களில் ஏற்படும் 'உதிரப்போக்கால்' உடம்பு ஓய்வுக்கு ஏங்கும் அதனால் தனியாக இருக்க சொல்வார்கள் ....மேலும் அதிக கிருமிகள் இருக்கும் என்பதால் தனியாக இருக்க சொல்வார்கள்........ புன்னகை

......இப்போ அதெல்லாம் இல்லை புன்னகை

Mano Red · Mano Red Tue 28 Apr 2015 - 2:10

சரியான காரணம் இதுதானே கிருஷ்ணம்மா...ஆனால் இதையும் தாண்டி சமூகம் செயல்படுகிறது ..ஒதுக்குகிறது ..
pls search it by Google
Come and see blood on my skirt

**விமந்தனி** · **விமந்தனி** Tue 28 Apr 2015 - 2:21

தீட்டு உடலில் அல்ல
இச்சமூகத்தில் தான்,
நேரடியாகவோ
மறைமுகமாகவோ
பெண்ணின் மீது
இன்னும் ஆதிக்கம்
தொடர்ந்து கொண்டே இருக்கிறது..!!

அருமையான வரிகள். ஆனாலும் மனோ... அந்த காலம் போல இப்போதெல்லாம், நீங்க ஆதங்கப்படுகிற அளவுக்கெல்லாம் பெண்களை யாரும் ஒதுக்கி வைப்பதில்லை. அதுவுமில்லாமல் ஓய்வு அவசியம் தேவை என்பதை யாரும் மறுப்பதிற்கில்லை. மேலும் இன்றைய கால கட்டத்தில் சிறு பெண்களுக்கே ஓய்வெடுக்கவும் நேரமில்லை.

**krishnaamma** · **krishnaamma** Tue 28 Apr 2015 - 2:23

Mano Red wrote:சரியான காரணம் இதுதானே கிருஷ்ணம்மா...ஆனால் இதையும் தாண்டி சமூகம் செயல்படுகிறது ..ஒதுக்குகிறது ..
pls search it by Google
Come and see blood on my skirt

மேற்கோள் செய்த பதிவு: 1133348

ம்... நிஜம் தான் சோகம்

................. அழுகை

**M.M.SENTHIL** · **M.M.SENTHIL** Tue 28 Apr 2015 - 15:17

மாத விடாய் - தீட்டல்ல
எனினும் தள்ளித்தான் வைக்கிறோம்
அன்று முதல் இன்று வரை!!

ஓய்வு தேவைதான்
ஒப்புக் கொள்ளலாம்,
அதுவும் வீட்டின் ஒரு ஓரத்தில்
எனும்போதுதான்,
உதிரப்போக்கின் வலியைவிட
கூடுதல் வலி மனதிற்கு!

Sponsored content · Sponsored content

மாதவிடாய்..!! - Mano Red

மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

Re: மாதவிடாய்..!! - Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக