குறள் அந்தாதி

**M.Jagadeesan** · **M.Jagadeesan** Wed Jun 03, 2015 8:39 pm

First topic message reminder :

அன்பு நண்பர்களே !

யாப்பு அறிந்தவர்கள் எழுதிப் பழகவும் , அறிந்துகொள்ள விரும்புவோரை ஊக்கப்படுத்தவும் , குறள் அந்தாதி என்னும் இத்திரியைத் தொடங்குகிறேன் .

" அந்தாதி " என்றால் என்னவென்று அனைவருக்கும் தெரியும் . முதல் பாடலின் கடைசி சொல்லை , அடுத்த பாடலின் தொடக்கமாக வைத்துப் பாடுவதுதான் அந்தாதி ஆகும் . யாப்பிலக்கணத்தில் தவறு இருந்தால் தெரிந்தவர்கள் திருத்தலாம் . இதனால் அனைவரும் குறள் யாப்பதில் பயிற்சி பெறமுடியும் என்று நம்புகிறேன் .

"சித்திரமும் கைப்பழக்கம் , செந்தமிழும் நாப்பழக்கம் " என்றாள் ஔவைப் பாட்டி . எழுத எழுதப் பிழைகள் குறையும் . பிழைகள் குறையக் குறையக் கவிதை மெருகேறும் . முடிவில் கவிதை நம் வசப்படும் .

குறள் வெண்பாவின் இலக்கணம் .
===================================
குறள் வெண்பாவில் வெண்சீர் வெண்டளை, இயற்சீர் வெண்டளை ஆகியவை பயின்று வரலாம் . ஈற்றுச்சீர் நாள் ,மலர் , காசு , பிறப்பு ஆகிய வாய்பாட்டில் எதாவது ஒன்றில் முடியவேண்டும் .

காய்முன் நேர் வருவது வெண்சீர் வெண்டளையாகும் . விளமுன் நேரும் , மாமுன் நிரையும் வருவது இயற்சீர் வெண்டளையாகும் . வெண்பாவில் கனிச்சீர் வரக்கூடாது . எதுகை மோனை பெற்று வருவது குறள் வெண்பாவுக்கு அழகூட்டும் .

இப்பொழுது ஒரு குறளைப் பார்ப்போம் .

துன்பங்கள் ஆயிரம் சூழ்ந்துதான் வந்தாலும்
இன்புற் றிருக்கப் பழகு .

இக்குறள் " பழகு " என்ற சொல்லில் முடிந்துள்ளது . எனவே அடுத்த குறள் " பழகு " என்ற சொல்லில் தொடங்கவேண்டும் .

பழகக் குளிரும் ; விலக எரிக்கும்
அழகிய காதல் நெருப்பு .

இனித் தொடர்ந்து எழுதுவோம் .

அடுத்த குறள் " நெருப்பு " என்ற சொல்லில் தொடங்கவேண்டும் . முயன்று பாருங்களேன் !

**M.Jagadeesan** · **M.Jagadeesan** Fri Oct 30, 2015 6:30 am

குறள்கண்ட செம்மொழி எம்மொழி இம்மொழியைத்
தாய்மொழியாக் கொண்டதெம் பேறு.

இக்குறட்பாவில் எதுகை நயம் அமையப் பெறவில்லை . இவ்வாறு திருக்குறளிலும் பல குறட்பாக்கள் உள்ளன.

( எ . கா )
======
மனத்தது மாசாக மாண்டார் நீ ராடி
மறைந்தொழுகு மாந்தர் பலர் . ( கூடா ஒழுக்கம் -278 )

**M.Jagadeesan** · **M.Jagadeesan** Fri Oct 30, 2015 11:55 am

பேறுபெற்றார் தாய்த்தமிழ் பெற்றார் திருக்குறளும்
வேறுயார் பெற்றாரிப் பேறு .

**M.Jagadeesan** · **M.Jagadeesan** Fri Oct 30, 2015 12:07 pm

பேறுகளுள் எல்லாம் பெறர்கரிதே மக்களாம்
வேறெதுவும் உண்டோ இணை.

பொருள் : பேறுகளுள் தலைசிறந்தது குழந்தைப் பேறு ஆகும் . அதற்கு இணையான பேறு இவ்வுலகத்தில் எதுவும் இல்லை .

**M.Jagadeesan** · **M.Jagadeesan** Sat Oct 31, 2015 11:00 am

இணையிலா ஈகம் இயற்றியும் ஈழத்
தணையில் அழிவை அறி.

**M.Jagadeesan** · **M.Jagadeesan** Sun Nov 01, 2015 11:20 am

அறியாதார் கண்ணும் உளதாம் அறிந்தார்க்கு
அச்சாணி அன்னதோர் சொல்.

**M.Jagadeesan** · **M.Jagadeesan** Sun Nov 01, 2015 11:23 am

'சொல்'லென்றார், சொல்லதே சொன்னவர் யாரெனச்
சொல்லிற்றே சொல்லினொலிப் பால்.

**M.Jagadeesan** · **M.Jagadeesan** Sun Nov 01, 2015 11:25 am

பாலுக்கு ஏங்கும் குழந்தை குறளின்முப்
பாலுக்கு ஏங்குகிறேன் நான்.

**Dr.S.Soundarapandian** · **Dr.S.Soundarapandian** Sun Nov 01, 2015 12:58 pm

**M.Jagadeesan** · **M.Jagadeesan** Sun Nov 15, 2015 6:21 pm

நானென தென்னும் நனிதன் முனைப்பதூஉம்
போனதற வென்றே பொலி.

**பழ.முத்துராமலிங்கம்** · 27/09/2015

M.Jagadeesan wrote:நானென தென்னும் நனிதன் முனைப்பதூஉம்
போனதற வென்றே பொலி.

மேற்கோள் செய்த பதிவு: 1174925
குறள் அந்தாதி - Page 2 103459460

Sponsored content · Sponsored content

குறள் அந்தாதி

குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

Re: குறள் அந்தாதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக