விவேகானந்தர் மண்டபம் திருவள்ளுவர் சிலைக்கு பாலம்: தமிழ் ஆர்வலர்கள் கோரிக்கை

**பழ.முத்துராமலிங்கம்** · 27/09/2015

தினகரன்
Wednesday, 30 Dec, 8.54 பம்

விவேகானந்தர் மண்டபம் திருவள்ளுவர் சிலைக்கு பாலம்: தமிழ் ஆர்வலர்கள் கோரிக்கை
கன்னியாகுமரி: சவர்வதேச சுற்றுலாத்தலமான கன்னியாகுமரிக்கு தினமும் உள்நாட்டு மற்றும் வெளிநாட்டு சுற்றுலா பயணிகள் ஆயிரக்கணக்கானோர் வந்து செல்கின்றனர். இங்கு வரும் சுற்றுலா பயணிகள் பூம்புகார் கப்பல் போக்குவரத்து கழக படகு சேவை மூலம் கடலின் நடுவே உள்ள விவேகானந்தர் மண்டபம், திருவள்ளுவர் சிலையை பார்த்து ரசிக்கின்றனர்.

கடந்த சில ஆண்டுகளாக கடல் நீர் மட்டம் குறைவு என காரணம் காட்டி, ஆண்டில் பகுதி நாட்கள் திருவள்ளுவர் சிலைக்கு படகு சேவை ரத்து செய்யப்படுகிறது. இதனால் பூம்புகார் கப்பல் போக்குவரத்து கழகத்தில் விவேகானந்தர் மண்டபம், திருவள்ளுவர் சிலையை காண கட்டணம் செலுத்தி செல்லும் சுற்றுலா பயணிகள் விவேகானந்தர் மண்டபத்தை மட்டும் பார்த்துவிட்டு ஏமாற்றத்துடன் திரும்பும் நிலை ஏற்படுகிறது.

எனவே திருவள்ளுவர் சிலையை சுற்றுலா பயணிகள் தினமும் பார்க்கும் வகையில், விவேகானந்தர் மண்டபத்தில் இருந்து திருவள்ளுவர் சிலைக்கு பாலம் அமைக்க வேண்டும். திருவள்ளுவர் சிலை திறக்கப்பட்ட போது, அங்கு திருக்குறள், திருவள்ளுவர் சம்பந்தமான புத்தகங்கள் மற்றும் தமிழ் புத்தகங்கள் விற்பனை செய்யப்பட்டு வந்தது.

இது தற்போது நிறுத்தப்பட்டுள்ளதாக தெரிகிறது. புத்தகங்களை தொடர்ந்து விற்பனை செய்ய வேண்டும். திருவள்ளுவர் சிலையை பார்வையிட செல்லும் சுற்றுலா பயணிகளுக்கு குடிநீர், கழிப்பிட வசதிகள் முறையாக செய்து கொடுக்க வேண்டும் என தமிழ் ஆர்வலர்களும், சமூக ஆர்வலர்களும் கோரிக்கை விடுத்துள்ளனர்.

ஜன. 1ல் திருவள்ளுவர் சிலைக்கு மலர் தூவி மரியாதை கன்னியாகுமரி கடல் நடுவே கடந்த திமுக ஆட்சியின் போது 133 அடி உயர திருள்ளுவர் சிலை அமைக்க அடிக்கல் நாட்டப்பட்டது. இதன் பணிகள் நிறைவடைந்து, கடந்த 2000 ஜன. 1ம் தேதி திமுக தலைவர் கருணாநிதி திறந்து வைத்தார். சிலை அமைத்து வரும் ஜன. 1ம் தேதியுடன் 16 ஆண்டுகள் நிறைவடைகிறது.

அன்று திமுக அகஸ்தீஸ்வரம் ஒன்றிய தெற்கு சார்பிலும், கன்னியாகுமரி வரலாற்று பண்பாட்டு மையம், தமிழ் அமைப்புகள், தமிழ் ஆர்வலர்கள் படகில் சென்று திருவள்ளுவர் சிலைக்கு மலர் தூவி மரியாதை செலுத்துகின்றனர்.

விவேகானந்தர் மண்டபம் திருவள்ளுவர் சிலைக்கு பாலம்: தமிழ் ஆர்வலர்கள் கோரிக்கை

விவேகானந்தர் மண்டபம் திருவள்ளுவர் சிலைக்கு பாலம்: தமிழ் ஆர்வலர்கள் கோரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக