நகைச்சுவை நடிகர் செல்வகுமார் விபத்தில் பலி

**ayyasamy ram** · **ayyasamy ram** Sat 12 Mar 2016 - 17:57

-
பிரபல நகைச்சுவை நடிகர் செல்வகுமார்.
இவர் ரமணா, அந்நியன், அலெக்ஸ் பாண்டியன், பூலோகம்
உள்பட 200-க்கும் மேற்பட்ட படங்களில் நடித்து இருக்கிறார்.

வடிவேலுவுடன் இணைந்து நடித்த நகைச்சுவை காட்சிகள்
ரசிகர்கள் மத்தியில் பிரபலம்.
தற்போது சூர்யாவுடன் 'சிங்கம்-3' படத்தில் நடித்து வந்தார்.

சென்னை தியாகராயநகர் சீனிவாச தெருவில் உள்ள அடுக்கு
மாடி குடியிருப்பில் உள்ள வீட்டில் வசித்தார்.

நேற்று இரவு செல்வகுமார் தனது ஸ்கூட்டரில் அதே
பகுதியில் உள்ள பர்கிட் ரோட்டில் சென்றுகொண்டு இருந்தார்.
ஸ்கூட்டரின் பின்னால் இன்னொரு நகைச்சுவை நடிகரான
கோவை செந்தில் உட்கார்ந்து இருந்தார்.

திடீரென்று அந்த ஸ்கூட்டரின் பிரேக் வயர் அறுந்தது.
இதனால் வண்டியை நிறுத்த முடியாமல் தடுமாறினார்.

ஸ்கூட்டரோடு செல்வகுமார் கீழே விழுந்தார். இதில் அவரது
தலையில் பலத்த அடிபட்டது. ரத்தம் கொட்டியது. உடனடியாக
அவரை ராயப்பேட்டையில் உள்ள அரசு ஆஸ்பத்திரிக்கு கொண்டு
சென்றனர். ஆனால் வழியிலேயே செல்வகுமார் மரணம்
அடைந்தார்.

அவருக்கு வயது 58. கோவை செந்தில் பலத்த காயத்துடன்
ஆஸ்பத்திரியில் சிகிச்சை பெற்று வருகிறார்.
-
-------------------

**M.Jagadeesan** · **M.Jagadeesan** Sat 12 Mar 2016 - 18:06

ஹெல்மெட் போட்டிருந்தால் பிழைத்திருப்பார் .

**T.N.Balasubramanian** · **T.N.Balasubramanian** Sat 12 Mar 2016 - 18:27

பாவம் நல்ல நகைச்சுவையாளர்

அவர் பிரிவால் வாடும் குடும்பத்திற்கு ஆழ்ந்த அனுதாபங்கள்

ரமணியன்

Sponsored content · Sponsored content

நகைச்சுவை நடிகர் செல்வகுமார் விபத்தில் பலி

நகைச்சுவை நடிகர் செல்வகுமார் விபத்தில் பலி

Re: நகைச்சுவை நடிகர் செல்வகுமார் விபத்தில் பலி

Re: நகைச்சுவை நடிகர் செல்வகுமார் விபத்தில் பலி

Re: நகைச்சுவை நடிகர் செல்வகுமார் விபத்தில் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக