வட்டி விகிதம் மேலும் குறைய வாய்ப்பு

நாட்டின் பணவீக்கம் தொடர்ந்து குறையும் பட்சத்தில்
ரிசர்வ் வங்கி (ஆர்பிஐ) வழங்கும் கடன்களுக்கான
வட்டி விகிதத்தையும் குறைக்க வாய்ப்புள்ளது என்று
ஆர்பிஐ கவர்னர் ரகுராம் ராஜன் தெரிவித்தார்.

ரிசர்வ் வங்கியிடமிருந்து குறுகிய கால அடிப்படையில்
வங்கிகள் பெறும் கடன் தொகைக்கான வட்டி விகிதத்தை
(ரெபோ ரேட்) 0.25 சதவீதம் குறைப்பதாக ரிசர்வ் வங்கி
கடந்த வாரம் அறிவித்தது.

இதையடுத்து வங்கிகளுக்கு வழங்கப்படும் கடனுக்கான
வட்டி விகிதம் 6.5 சதவீதமாகக் குறைந்தது. இது கடந்த
ஐந்து ஆண்டுகளில் இல்லாத அளவு குறைந்த வட்டி
விகிதமாகும்.

இதன் மூலம் வாகனக் கடன், வீட்டுக் கடன்
உள்ளிட்டவற்றுக்கான வட்டி விகிதம் குறையும் என
எதிர்பார்க்கப்படுகிறது. அதற்குத் தகுந்தாற்போல்,
கடன்களுக்கான வட்டி விகித்ததை 0.25 முதல் 0.50 சத
வீதம் வரை குறைப்பதாக பல்வேறு வங்கிகள்
அறிவித்துள்ளன.

இந்நிலையில், அமெரிக்காவின் வாஷிங்டன் நகரில்
நடைபெற்ற பன்னாட்டு நிதியம் (ஐஎம்எஃப்) மற்றும் உலக
வங்கிக் கூட்டத்தில் பங்கேற்ற ரகுராம் ராஜன் இது
தொடர்பாக கூறியதாவது:

இந்தியாவின் பணவீக்கம் தற்போது குறைந்துள்ளது.
இந்த நிலை தொடர்ந்து நீடிக்கும்பட்சத்தில், வங்கிகளுக்கான
வட்டி விகிதம் மேலும் குறைய வாய்ப்புள்ளது. பண
வீக்கத்தின் அடிப்படையிலேயே அத்தகைய மாற்றங்கள்
உருவாகும்.

இந்த ஆண்டு பருவமழை கணிசமாக பெய்வதற்கான
சாத்தியக்கூறுகள் இருப்பதாகத் தெரிகிறது. பருவமழை
பொழிவுக்கும், விலைவாசி உயர்வுக்கும் தொடர்பு
இருப்பதை மக்கள் உணர்வதில்லை.

ஒருவேளை தொடர்ந்து மூன்றாவது முûறாக இந்த
ஆண்டும் பருவமழை பொய்த்தால், விலைவாசி உயர்வுக்கு
அது காரணமாக அமையும் என்றார் ரகுராம் ராஜன்.

நாட்டின் சில்லறைப் பணவீக்கம் மார்ச் மாதத்தில்
4.83 சதவீதமாகக் குறைந்தது குறிப்பிடத்தக்கது. இது, கடந்த
ஆறு மாதங்களில் காணப்படாத குறைந்தபட்ச அளவு என
மத்திய அரசின் புள்ளிவிவரத்தில் தெரிவிக்கப்பட்டுள்ளது.

இதனிடையே, சர்வதேச அளவில் வேகமான பொருளாதார
வளர்ச்சியை இந்தியா அடைந்தாலும், அதன் தாக்கம்
தெற்காசியாவைத் தாண்டி பிரதிபலிக்காது என்று பன்னாட்டு
நிதியத்தின் (ஆசியா - பசிபிக் நாடுகள்) துணை இயக்குநர்
மார்க்கஸ் ரோட்லெளர் தெரிவித்தார்.

இந்தியாவின் பொருளாதார வளர்ச்சி, அதன் அண்டை
நாடுகளுக்கு பயனளித்து வருவதை உணர முடிகிறது
என்றும் அவர் தெரிவித்தார்.
-
-----------------------------
தினமணி