இணையான சம்பளம் - நடிகை ஷபனா ஆஸ்மி

-
” திரைப்படத் துறையில் ஆண் நடிகரை விடக் குறைவான சம்பளமே
பெண் நடிகைகளுக்கு வழங்கப்பட்டு வருகிறது. நடிகைகள் எதிர்
கொள்ளும் இந்தச் சமமற்ற நிலைக்கு முடிவுகட்ட சூப்பர் ஸ்டார்கள்
உள்ளிட்ட ஆண் நடிகர்கள் இந்தப் பாலின வேற்றுமையை எதிர்க்க
முன் வர வேண்டும்.

பெண்களுக்கு ஆதரவானப் படங்கள் அதிகமாக வெளிவருவதற்கு
ஊக்கமளிக்க வேண்டும்.

உழைப்புக்குச் சம்பளம் ஆண் – பெண் பாகுபாடு உலகின் எல்லா
நாடுகளிலும் உண்டு. திரைப்படத் துறையிலும் அப்படித்தான்.
திரைப்பட நாயகனின் மதிப்புதான் திரையரங்கில் பணமாகக்
கொட்டுகிறது என்னும் கருத்து திரைத்துறையில் இன்றும் தொடர்கிறது.

சினிமாவில் கதாநாயகனின் பெயரைக் காட்டிய பிறகே கதாநாயகியின்
பெயரைக் காட்டுகின்றனர். இதுவே வழக்கமாகத் தொடர்கிறது.

ஆனால் நடிகர் ஷாருக்கான் இதற்கு மாறுபட்டுச் சிந்திப்பது பாராட்டத்த
க்கது. சக நடிகையாகிய தீபிகா படுகோனின் பெயர் திரையில் தன்
பெயருக்கு முன் வருவதை ஷாருக்கான் மகிழ்ச்சியுடன் ஏற்கிறார்.

பெரிய நடிகைகள் சிறு கதாபாத்திரத்தில் நடிக்க முன் வருவது
போன்று சூப்பர் ஸ்டார்கள் உள்ளிட்ட நடிகர்களும் தேவையென்றால்
பெண் கதாபாத்திரங்களுக்கு முக்கியத்துவம் தரப்படுகிற படங்களில்
நடிப்பதற்கு முன் வர வேண்டும்.

இளம் தலைமுறை இதற்கு முன்னுதாரணமாக விளங்க வேண்டும்”.
-
--------------------------

– இந்தி திரைப்பட நடிகை ஷபனா ஆஸ்மி

– தங்க சங்கரபாண்டியன்

மகளிர் மணி