டாஸ்மாக்' கடையை மூடணும்! : 7 வயது சிறுவன் போராட்டம்

**ayyasamy ram** · **ayyasamy ram** Thu Apr 20, 2017 4:25 am

படூர்:
படூரில், புதிதாக திறக்கப்பட்டுள்ள, 'டாஸ்மாக்' மதுக்
கடையை மூடக்கோரி, அப்பகுதியைச் சேர்ந்த, 7 வயது
சிறுவன், மதுக் கடை அருகே, படிக்கும் போராட்டத்தில்
ஈடுபட்டான்.

காஞ்சிபுரம் மாவட்டம், திருப்போரூர் ஒன்றியத்தில்,
மாநில நெடுஞ்சாலைகளில் செயல்பட்ட, டாஸ்மாக்
கடைகள், நீதிமன்ற உத்தரவின் படி மூடப்பட்டதால்,
ஒன்றியத்தின் பல பகுதிகளில் புதிதாக மதுக் கடைகள்
அமைக்கப்படுகின்றன.

அடித்து உடைப்பு :
அவற்றில், கேளம்பாக்கம் அடுத்த படூர் கிராமத்தில்,
துலுக்காணத்தம்மன் கோவில் தெருவில், 15ம் தேதி
புதிய மதுக் கடை திறக்கப்பட்டது. இதற்கு எதிர்ப்பு
தெரிவித்த பகுதிவாசிகள், அன்றிரவே அக்கடையில்
உள்ள மது பாட்டில்களை அடித்து, உடைத்து
போராட்டத்தில் ஈடுபட்டனர்.

இதனால், அப்பகுதியைச் சேர்ந்த, 60 பெண்கள் உட்பட,
132 பேர் மீது கேளம்பாக்கம் போலீசார் வழக்கு பதிவு
செய்து, ஒன்பது பேரை கைது செய்து, சிறையில்
அடைத்தனர்.

இந்நிலையில், படூர், சிவன் கோவில் தெருவை சேர்ந்த
ஆனந்தன் என்பவரின் மகன் ஆகாஷ், 7, என்ற சிறுவன்,
மதுக் கடையை மூடக்கோரி நேற்று போராட்டத்தில்
ஈடுபட்டான்.

இரண்டாம் வகுப்பு முடித்து, 3ம் வகுப்பிற்கு செல்லும்
அச்சிறுவன், பள்ளி சீருடையில், தன் புத்தக பையை
எடுத்துக்கொண்டு, பிரதான சாலையிலிருந்து, 3 கி.மீ.,
நடந்து சென்றான்.

நாசமாகின்றன : மதுக் கடைக்கு அருகே சென்று,
அப்பகுதியில் அமர்ந்து படிக்கும் போராட்டத்தில் ஈடுபட
முயன்றான். அதுகுறித்து அறிந்த, கேளம்பாக்கம்
போலீசார் மற்றும் வருவாய் துறையினர், சிறுவனை
வழி மறித்து, பேச்சு நடத்தி, திருப்பி அனுப்பினர்.

அங்கிருந்து நகர்ந்த அச்சிறுவன், சிறிது தொலைவு
சென்றதும், மீண்டும் தரையில் அமர்ந்து, புத்தகத்தை
எடுத்து படிக்க ஆரம்பித்தான்.

அப்போது, அச்சிறுவன், ''எங்கு வேண்டுமானாலும் மதுக்
கடைகளை திறக்கின்றனர். ஆனால், என்னை மட்டும்,
இங்கு அமர்ந்து படிக்கக்கூடாது என்கின்றனர்.

''மதுக் கடைகளால் பல குடும்பங்கள் நாசமாகின்றன.
அதனால் தான் இக்கடையை மூடக்கோரி போராட்டத்தில்
ஈடுபட்டு உள்ளேன்,'' என்றான்.

பின், மீண்டும் அப்பகுதிக்கு வந்த போலீசார், சிறுவனை
சமாதானப்படுத்தி வீட்டுக்கு அனுப்பினர். சிறுவனின்
போராட்டத்தால், 12:00 மணிக்கு திறக்க வேண்டிய
மதுபானக் கடை, 3:00 மணி வரை திறக்கப்படவில்லை.
-
----------------------------
தினமலர்

rajirani · rajirani Thu Apr 20, 2017 12:28 pm

ஐயா

மாணவனுக்கு வாழ்த்துக்கள்,

மாணவன் கூறியதுபோல் நல்லது நடப்பது என்பது வெகு நாட்கள் ஆகிறது, மிகவும் சிரமம் பட வேண்டி உள்ளது, ஆனால் கெட்டது நடப்பது என்பது வெகு விரைவில் நடக்கிறது.

மாணவனின் போராட்டத்திற்கு பிறகு கடையை மூடியிருந்தால் பரவாயில்லை. தாமதமாக திறந்தார்கள் என்று கவலை யோடு சொல்கிறார்கள். ஆனால் பல குடும்பங்கள் வீணாவது யாருக்கும் தெரிவதில்லை.

என்றுதான், யார் வந்துதான் இந்த கடைகளை மூடுவார்களோ? நடக்குமா? அப்படி நடந்தால் மிகவும் அருமையாக இருக்கும். விடியுமா??

ராஜி

**krishnaamma** · **krishnaamma** Thu Apr 20, 2017 1:03 pm

rajirani wrote:ஐயா

மாணவனுக்கு வாழ்த்துக்கள்,

மாணவன் கூறியதுபோல் நல்லது நடப்பது என்பது வெகு நாட்கள் ஆகிறது, மிகவும் சிரமம் பட வேண்டி உள்ளது, ஆனால் கெட்டது நடப்பது என்பது வெகு விரைவில் நடக்கிறது.

மாணவனின் போராட்டத்திற்கு பிறகு கடையை மூடியிருந்தால் பரவாயில்லை. தாமதமாக திறந்தார்கள் என்று கவலை யோடு சொல்கிறார்கள். ஆனால் பல குடும்பங்கள் வீணாவது யாருக்கும் தெரிவதில்லை.

என்றுதான், யார் வந்துதான் இந்த கடைகளை மூடுவார்களோ? நடக்குமா? அப்படி நடந்தால் மிகவும் அருமையாக இருக்கும். விடியுமா??

ராஜி

மேற்கோள் செய்த பதிவு: 1239472

சரியாக சொன்னீர்கள் ராஜி..எனக்கு என்ன ஆச்சர்யம் என்றால், எல்லா பெண்களும் சாராயம் வேண்டாம் , கடை கள் திறக்கக் கூடாது என்கிறார்கள் என்று டிவி இல் காட்டுகிறார்கள்.ஆனால் ஆண்கள் வரிசை இல் ஒழுங்காக (!? ) நின்று சாராயம் வாங்குகிறார்கள்........ அநியாயம்

இந்தப் பெண்கள் ஏன் தங்கள் வீட்டு ஆண்களை குடித்துவிட்டு வராதே என்றோ, அல்லது குடித்தால் உனக்கு வீட்டில் இடம் இல்ல என்று அவர்களிடமோ சண்டை போட மாட்டேன் என்கிறார்கள்? அநியாயம்

.ஆனால் டிவி சேனலுக்கு முன் கத்துகிறார்கள்???????