அக் ஷய திருதியை: ரூ.10 ஆயிரம் கோடிக்கு தங்க நகை விற்பனை

**ayyasamy ram** · **ayyasamy ram** Thu Apr 19, 2018 11:28 am

-

அக் ஷய திருதியைக்கு, பலரும் தங்கம் வாங்கியதால், தமிழக நகை
கடைகளில், நேற்று ஒரே நாளில் மட்டும், 10 ஆயிரம் கோடி ரூபாய்
மதிப்பிலான, 30 ஆயிரம் கிலோ, தங்க ஆபரணங்கள் விற்பனையாகி
உள்ளன.

நாட்டில், தங்கம் பயன்பாட்டில், தமிழகம் முன்னணி மாநிலமாக
திகழ்கிறது. அக் ஷய திருதியைக்கு, தங்கம் வாங்கினால், செல்வம்
பெருகும் என்ற நம்பிக்கையால், பலரும், தங்கம் வாங்க ஆர்வம்
காட்டுகின்றனர்.

இதனால், 2017 அக் ஷய திருதியைக்கு, தமிழகத்தில், 8,000 கோடி
ரூபாய் மதிப்பிலான, 25 ஆயிரம் கிலோ தங்க ஆபரணங்கள்
விற்பனையாகின.

2017ம் ஆண்டு அக் ஷய திருதியையை விட, நேற்று, தங்கம் விற்பனை,
20 சதவீதம் அதிகரித்துள்ளது. அதன்படி, நேற்று ஒரே நாளில் மட்டும்,
30 ஆயிரம் கிலோ தங்க ஆபரணங்கள் விற்பனையாகின.

ஒரு கிலோ தங்கம் விலை, 32 லட்ச ரூபாயாக உள்ளது. இதனால்,
நேற்று விற்பனையான தங்கத்தின் மதிப்பு, 9,600 கோடி ரூபாய் என
மதிப்பிடப்பட்டுள்ளது.

ரூ.1,712 உயர்வு :

கடந்த, 2017 ஏப்., 28ல், அக் ஷய திருதியை வந்தது. அன்று,
சென்னையில், 22 காரட் ஆபரண தங்கம், 1 கிராம், 2,778 ரூபாய்க்கும்;
1சவரன், 22 ஆயிரத்து, 224 ரூபாய்க்கும் விற்பனையானது. நேற்று,
1 கிராம் தங்கம் விலை, 2,992 ரூபாய்; 1 சவரன், 23 ஆயிரத்து,
936 ரூபாயாக இருந்தது.

இதையடுத்து, ஓராண்டில், தங்கம் விலை கிராமுக்கு, 214 ரூபாயும்;
சவரனுக்கு, 1,712 ரூபாயும் அதிகரித்துள்ளது. அதை பொருட்
படுத்தாமல், பலரும் நேற்று தங்கம் வாங்கியுள்ளனர்.
-
----------------------------------------------------------
-நமது நிருபர்-
தினமலர்