ஏர்ஏசியா முறைகேடு : சிதம்பரம், அஜித்சிங் மீது சிபிஐ வழக்கு

**ayyasamy ram** · **ayyasamy ram** Thu May 31, 2018 9:26 am

புதுடில்லி :
முந்தைய காங்கிரஸ் ஆட்சியின் போது ஏர்ஏசியா விமான நிறுவனம்,
வெளிநாடுகளுக்கு இயக்க உரிமம் வழங்குவதில் முறைகேடு
நடைபெற்றுள்ளதாக சிபிஐ வழக்கு தொடர்ந்துள்ளது.

ஏர்ஏசியா இந்தியா நிறுவனத்தின் மூத்த அதிகாரிகள் சிலர் மீது
சிபிஐ நேற்று வழக்கு தொடர்ந்திருந்தது. இந்நிலையில் வெளிநாட்டு
உரிமம் பெறுவதற்காக முன்னாள் மத்திய அமைச்சர்களுக்கு
ரூ.34 கோடி வரை லஞ்சம் கொடுக்கப்பட்டுள்ளதாகவும், ஏர்ஏசியா
முன்னாள் சிஇஓ மூலம் இந்த லஞ்சம் அளிக்கப்பட்டுள்ளதாகவும்
சிபிஐ தாக்கல் செய்துள்ள குற்றப்பத்திரிக்கையில்
குறிப்பிடப்பட்டுள்ளது.

ஏர்ஏசியா முறைகே வழக்கில் ஏர்ஏசியா மூத்த அதிகாரிகளைத்
தொடர்ந்து முன்னாள் மத்திய அமைச்சர்கள் சிதம்பரம் மற்றும்
அஜித்சிங் ஆகியோரின் பெயர்களும் சேர்க்கப்பட்டுள்ளன.

சர்வதேச உரிமம் பெறுவதற்கு அமைச்சரவையில் ஒப்புதல்
பெறுவதற்காக இந்த லஞ்சம் தரப்பட்டுள்ளது. இதற்கான இமெயில்
பரிமாற்றங்களும் கண்டறியப்பட்டுள்ளது என சிபிஐ
தெரிவித்துள்ளது.

2014 லோக்சபா தேர்தல் அறிவிக்கப்பட்ட பிறகு இந்த லஞ்சப்
பணம் அளிக்கப்பட்டுள்ளது. இந்த முறைகேட்டில் முன்னாள் மத்திய
நிதி அமைச்சர் சிதம்பரம் மற்றும் விமான போக்குவரத்து துறை
அமைச்சர் அஜித் சிங் ஆகியோருக்கு தொடர்பு உள்ளது என
குறிப்பிடப்பட்டுள்ளது.
-
----------------------------------------
தினமலர்

**T.N.Balasubramanian** · **T.N.Balasubramanian** Thu May 31, 2018 12:47 pm

பலவித ஓட்டை சட்டங்கள் வைத்துக்கொண்டு
குத்துதே குடையுதே என்றால் என்ன செய்வது.

இதில் வேடிக்கை பார்த்தீர்களா? நுணுக்கமாக கவனித்தால்,
சில அரசியல்வாதிகள் சட்ட வல்லுனர்கள், பல பட்டய கணக்காளர் உதவியுடன்
மக்கள் வரிப்பணத்தை /அரசு கஜானாவை கபளீகரம் செய்கிறார்கள்.
பல நாடுகளில் தீவுகள் பல இவர்கள் பெயரில்.

நாம் வாய்மூடி மௌனிகளாய் சோகம்

ரமணியன்

ஏர்ஏசியா முறைகேடு : சிதம்பரம், அஜித்சிங் மீது சிபிஐ வழக்கு

ஏர்ஏசியா முறைகேடு : சிதம்பரம், அஜித்சிங் மீது சிபிஐ வழக்கு

Re: ஏர்ஏசியா முறைகேடு : சிதம்பரம், அஜித்சிங் மீது சிபிஐ வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக