ஊழலின் தந்தையே தி.மு.க-தான்

**சிவா** · **சிவா** Tue Sep 18, 2018 5:20 pm

First topic message reminder :

ஊழலின் தந்தையே தி.மு.க-தான்!' - ஆர்ப்பாட்டம் குறித்து தளவாய் சுந்தரம் கிண்டல்

தமிழக முதல்வர் மீதோ, மற்றவர்கள் மீதோ ஊழல் புகாரே இல்லாத நிலையில், ஊழல் செய்ததாக தி.மு.க-வினர் ஆர்ப்பாட்டம் நடத்துகிறார்கள். ஊழலின் தந்தையாக விளங்குவது தி.மு.க என தமிழக அரசின் டெல்லி சிறப்புப் பிரதிநிதி தளவாய் சுந்தரம் கூறினார்.

தமிழக அரசின் டெல்லி சிறப்புப் பிரதிநிதி தளவாய் சுந்தரம், இன்று நாகர்கோவிலில் செய்தியாளர்களிடம் பேசுகையில், "தமிழக முதல்வர் மீதோ, மற்றவர்கள் மீதோ ஊழல் புகாரே இல்லாத நிலையில், ஊழல் செய்ததாக தி.மு.க-வினர் ஆர்ப்பாட்டம் நடத்துகிறார்கள்.

ஊழலின் தந்தையாக விளங்குவது தி.மு.க. ஒரு தடவை ஊழலுக்காகவும், மற்றொரு முறை தீவிரவாதிகளுக்கு ஆதரவாக இருந்ததாகவும் தி.மு.க ஆட்சி டிஸ்மிஸ் செய்யப்பட்டது. நாகர்கோவிலில் போராட்டம் நடத்தும் தி.மு.க-வின் சுரேஷ்ராஜன் மீது அளவுக்கு அதிகமாக சொத்து சேர்த்ததாக வழக்கு உள்ளது. ஒரு மாதத்துக்கு உள்ளாக, வங்கி மூலம் ரூ.16 கோடி செலுத்த நீதிமன்றம் உத்தரவு போட்டுள்ளது. தமிழகத்தில் ஊழலுக்கு வித்திட்டது தி.மு.க என்பதை மறந்துவிட்டு ஆர்ப்பாட்டம் நடத்துகிறார்கள்.

நெடுஞ்சாலையில் முக்கிய டெண்டர்கள், ஒரு நபர் டெண்டராக தி.மு.க ஆட்சியில் ராமலிங்கத்துக்குக் கொடுக்கப்பட்டது. அதுபோலத்தான் இப்போது கொடுக்கப்பட்டுள்ளது. அதைப் புதிதாகக் கண்டுபிடித்ததாகக் கூறி மக்களை ஏமாற்றும் விதமாக ஆர்ப்பாட்டம் நடத்துகிறார்கள். அ.தி.மு.க ஆட்சி நேர்மையான முறையில் நடைபெற்றுக்கொண்டிருக்கிறது" என்றார்.

SK · SK Tue Sep 18, 2018 6:36 pm

அவர்கள் மீது ஒரு சொத்து குவிப்பு வழக்கும் என் மீது ஒரு பதிவு குவிப்பு வழக்கும் போடுங்கள் ஐயா

நான் முதலமைச்சர் ஆனதும் அந்த வழக்கை பெங்களூரு தனி நீதி மன்றத்திற்கு அல்லது நம்ம தல இருக்கும் மலேசிய தனி நீதி மன்றத்திற்கு மாற்றிவிடுங்கள் மக்கள் பணத்தில் ஒருமுறை மலேசியா சுற்றி பார்க்கலாம்

**T.N.Balasubramanian** · **T.N.Balasubramanian** Tue Sep 18, 2018 6:46 pm

2G விசாரணையின் போது, தயாளு அம்மாளுக்கு அல்ஜிமர், டிமென்ஷியா
என்றெல்லாம் சொன்னார்களே .இப்போது சரியாகி விட்டது போலுள்ளதே,
என்னென்ன சிகிச்சை எடுத்து கொண்டார்கள் என்று தெரிந்தால்.
மருத்துவ உலகத்திற்கு நன்மையாக இருக்கும்.

ரமணியன்

SK · SK Tue Sep 18, 2018 6:47 pm

T.N.Balasubramanian wrote:2G விசாரணையின் போது, தயாளு அம்மாளுக்கு அல்ஜிமர், டிமென்ஷியா
என்றெல்லாம் சொன்னார்களே .இப்போது சரியாகி விட்டது போலுள்ளதே,
என்னென்ன சிகிச்சை எடுத்து கொண்டார்கள் என்று மருத்துவ உலகத்திற்கு
நன்மையாக இருக்கும்.

ரமணியன்

மேற்கோள் செய்த பதிவு: 1278063

வழக்கு விசாரணைக்கு வந்தால் மட்டுமே வரும் வியாதி அது

சிவனாசான் · சிவனாசான் Tue Sep 18, 2018 8:18 pm

அப்படியா>< என வாய்பிளக்கவேண்டாம். கலைஞர் கருணாநிதி யின் குடும்ப சொத்தை கேட்டால் மயக்கமே வருது. எப்படி சம்பாதித்தார் >>>>௨௫௪ ஆவணங்களை பட்டியல் இட்டு யூடியூபில் ஒரு அன்பர் மூச்சார விட்டு வாசித்தார் கேட்டு பிர்மித்துபோனேன்.

Sponsored content · Sponsored content

ஊழலின் தந்தையே தி.மு.க-தான்

ஊழலின் தந்தையே தி.மு.க-தான்

Re: ஊழலின் தந்தையே தி.மு.க-தான்

Re: ஊழலின் தந்தையே தி.மு.க-தான்

Re: ஊழலின் தந்தையே தி.மு.க-தான்

Re: ஊழலின் தந்தையே தி.மு.க-தான்

Re: ஊழலின் தந்தையே தி.மு.க-தான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக