ஆரோவில்லில் மூங்கில் தினம்

**ayyasamy ram** · **ayyasamy ram** Tue Sep 18, 2018 5:26 pm

-
புதுச்சேரி:
சர்வதேச நகரமான ஆரோவில்லில், மூங்கில் ஆராய்ச்சி
மையத்தின் சார்பில், மூங்கில் தினம் கொண்டாடப்பட்டது.

உலக மூங்கில் தினம், ஒவ்வொரு ஆண்டும் செப்டம்பர்
மாதம் 18ம் தேதி உலகளவில் கொண்டாடப்படுகிறது.

மூங்கில் உற்பத்தியில் சீனா முதலிடத்திலும்,
இந்தியா இரண்டாவது இடத்திலும் உள்ளன.
மூங்கில் வளர்ப்பில் நம் நாட்டு மக்கள் ஆர்வம் காட்டுவதில்லை.

ஆனால், புதுச்சேரி அருகேயுள்ள சர்வதேச நகரமான
ஆரோவில்லில், அமைந்துள்ள (பேம் அவுஸ்) மூங்கில் ஆராய்ச்சி
மையத்தில், மூங்கில் வளர்ப்பது, மூங்கில் மூலம்
குழந்தைகளுக்கான சைக்கிள், இசை பொருட்கள், சோப்பு
உள்ளிட்ட பொருட்கள் தயாரிக்கப்பட்டு வருகிறது.

இது மட்டுமின்றி, மூங்கில் வளர்ப்பது குறித்து பயிற்சி
வகுப்புகளும் நடத்தப்பட்டு வருகிறது.

இந்த மூங்கில் ஆராய்ச்சி மையத்தில், மூங்கில்
தினத்தையொட்டி, கண்காட்சிக்கு நேற்று ஏற்பாடு
செய்யப்பட்டிருந்தது.

கண்காட்சியில், மூங்கில் பொருட்களால் தயாரிக்கப்பட்ட
நாற்காலி, சைக்கிள், இசை பொருட்கள் உள்ளிட்டவை
வைக்கப்பட்டிருந்தன.

இந்த கண்காட்சியை ஏராளமான வெளிநாட்டு சுற்றுலா
பயணிகளும், உள்ளூர் சுற்றுலா பயணிகளும் பார்வையிட்டனர்.
ஏற்பாடுகளை மூங்கில் ஆராய்ச்சி மைய இயக்குநர்
பாலசுந்தரம் மற்றும் ஊழியர்கள் செய்திருந்தனர்.
-
-----------------------------
தினமலர்
படம் - விகடன்

**ayyasamy ram** · **ayyasamy ram** Tue Sep 18, 2018 5:41 pm

பச்சை தங்கம்
------------
மூங்கிலை இன்று உலகம் பச்சை தங்கம் என்று அழைக்கிறது.
அந்த அளவிற்கு மதிப்பு மிக்க பொருளாக உலகளவில் பரவி
வருகிறது.

இந்திய காடுகளில் 12.8 சதவீதம் மூங்கில் வளர்க்கப்படுகிறது.
தமிழ்நாட்டில் காலம்காலமாக மக்கள் பல்வேறு பயன்பாட்டிற்கு
உட்படுத்தி வருகின்றனர். வலுவாகவும், நீண்டநாட்கள்
கெட்டுபோகாமலும் இருப்பதால் இதற்கு தனி இடம் உண்டு.

குடிசை வீடுகள் கட்டுவதிலிருந்து கட்டிடம் கட்டும் தொழிலுக்கு
சாரம் அமைக்கவும், கைவினைப்பொருட்கள் செய்யவும்
பயன்படுகிறது.
-
----------------
தினகரன்

ஆரோவில்லில் மூங்கில் தினம்

ஆரோவில்லில் மூங்கில் தினம்

Re: ஆரோவில்லில் மூங்கில் தினம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக