சாம்சங் கேலக்ஸி டேப் எஸ் 4

மின்னணு பொருள் சார்ந்த உற்பத்தியில் முன்னிலையில் உள்ள கொரியாவைச் சேர்ந்த சாம்சங் நிறுவனம் இந்தியாவிற்கென புதிய டேப்லெட்டை அறிமுகம் செய்துள்ளது. கேலக்ஸி டேப் எஸ்4 என்ற பெயரில் இது அறிமுகமாகியுள்ளது.

சாம்சங் நிறுவனத்தின் பிரத்யேக தயாரிப்பான ஸ்டைலஸ் பென் எஸ்ஸை பயன்படுத்த முடியும். தொடு திரை வசதியோடு இந்த டேப்லெட் வந்திருந்தாலும், இதை லேப் டாப் போல பயன்படுத்த விரும்புபவர்களுக்கு ஏற்ப புத்தக வடிவிலான கீ-போர்டையும் உருவாக்கி உள்ளனர்.

இதில் 10.5 அங்குல அமோலெட் தொடு திரை உள்ளது. பல வேலைகளை திறம்பட செய்யும் வகையில் இது உருவாக்கப்பட்டுள்ளது. இதன் விலை ரூ.57,900 ஆகும். இது கருப்பு மற்றும் கிரே வண்ணத்தில் விற்பனைக்கு வந்துள்ளது. சாம்சங் ஆன்லைன் ஷாப்பில் இதை வாங்க முடியும்.

அறிமுக சலுகையாக ஹெச்.டி.எப்.சி. கார்டு மூலம் இந்த டேப்லெட்டை வாங்குவோருக்கு ரூ.5 ஆயிரம் கேஷ் பேக் ஆபர் அளிப்பதாக நிறுவனம் தெரிவித்துள்ளது. அத்துடன் ஜியோ கேஷ்பேக் ரூ. 2,750க்கு வழங்கப்படும் என தெரிவிக்கப்பட்டுள்ளது.

ஜியோ நிறுவனத்தின் ரூ.198 மற்றும் ரூ.299 திட்டங்களை தேர்ந்தெடுப்போருக்கு இந்த சலுகை அளிக்கப்படும் என தெரிவிக்கப்பட்டுள்ளது. அத்துடன் கீ-போர்டு புக் கவர் சலுகை விலையில் ரூ. 7,499க்கு அளிப்பதாக சாம்சங் தெரிவித்துள்ளது.

இதை டெஸ்க்டாப் போன்று பயன்படுத்த முடியும். ஆண்ட்ராய்டு செயலி உள்ளது. மைக்ரோசாப்ட் ஆபிஸ் சூட் உள்ளது. இதில் ஆண்ட்ராய்டு 8.1 ஓரியோ உள்ளது.

ஆக்டோ கோர் குவால்காம் ஸ்னாப்டிராகன் 835 எஸ்.ஓ.சி. மற்றும் 4 ஜி.பி. ரேம் உள்ளது. இதில் 13 மெகா பிக்ஸெல் ஆட்டோ போகஸ் கேமராவும் உள்ளது. அதேபோல முன்பகுதியில் 8 மெகா பிக்ஸெல் கேமரா உள்ளது.

இதில் 64 ஜி.பி. நினைவகம் உள்ளது. இதை விரிவாக்கம் செய்ய எஸ்.டி. கார்டு வசதியும் உள்ளது.

இது தவிர ஆக்ஸிலரோ மீட்டர், கம்பாஸ், கைராஸ்கோப், ஹால் சென்சார், ஐரிஸ் சென்சார், பிராக்ஸிமிடி சென்சார் ஆகியன உள்ளன.

இதில் 7300 எம்.ஏ.ஹெச். பேட்டரி உள்ளது. இது விரைவாக சார்ஜ் செய்ய வழி வகுக்கிறது.

இது பலருக்கும் உபயோகமாக இருக்கும்.