நாளை 9 நிமிட லைட் ஆஃப்; மின் தொடரமைப்பில் இப்படியொரு சிக்கல்- எப்படி சமாளிப்பார்கள்?

**T.N.Balasubramanian** · **T.N.Balasubramanian** Sat Apr 04, 2020 8:44 pm

பிரதமர் மோடி கேட்டுக் கொண்டபடி 9 நிமிடங்கள் அனைத்து விளக்குகளையும் அணைப்பதால் மின் தொடரமைப்பில் பிரச்சினை ஏற்படாமல் இருக்க மின்வாரியத் துறை அதிகாரிகள் உஷார் நிலையில் இருக்க அறிவுறுத்தப்பட்டு உள்ளனர்.

நாளை 9 நிமிட லைட் ஆஃப்; மின் தொடரமைப்பில் இப்படியொரு சிக்கல்- எப்படி சமாளிப்பார்கள்? Samayam-tamil

பவர் கிரிட்டில் எழும் சிக்கல்
நாடு முழுவதும் 21 நாட்கள் ஊரடங்கு அமலில் இருக்கிறது. இதன்மூலம் கொரோனா வைரஸ் மேலும் பரவாமல் இருக்க நடவடிக்கை எடுக்கப்பட்டு வருகிறது. இதில் அனைவரின் பங்களிப்பையும் உறுதிப்படுத்தும் வண்ணம் நாளை(ஏப்ரல் 5) இரவு 9 மணிக்கு 9 நிமிடங்கள் வீட்டில் உள்ள அனைத்து விளக்குகளையும் அணைத்து விட்டு டார்ச் லைட், அகல் விளக்கு அல்லது மொபைல் லைட் அடிக்குமாறு பிரதமர் மோடி கேட்டுக் கொண்டார்.

இது ஒட்டுமொத்த மின் தொடரமைப்பில் பிரச்சினை ஏற்படுத்துமா என்று அச்சம் ஏற்பட்டுள்ளது. இதற்கான முன்னெச்சரிக்கை நடவடிக்கைகள் எடுக்கும் வகையில் மின்சாரத்துறை அதிகாரிகள் உஷார்படுத்தப்பட்டு உள்ளனர். நம் நாட்டில் மின்சாரம் உற்பத்தி செய்யப்பட்டு விநியோகம் செய்யப்படும் போது குறிப்பிட்ட அதிர்வெண்களுக்குள் GRID எனப்படும் மின் தொடரமைப்பு பராமரிக்கப்படுகிறது.

அதாவது 49.95 ஹெர்ட்ஸில் இருந்து 50.05 ஹெர்ட்ஸ் வரை பராமரித்து வருகின்றனர். இதனை CERC எனப்படும் மத்திய மின்சார ஒழுங்குமுறை ஆணையம் மேற்பார்வை செய்து வருகிறது. இந்தியாவின் மின்சாரத் தேவை பெரிய அளவில் அதிகாரித்தாலோ அல்லது குறைந்தாலோ மேற்சொன்ன அதிர்வெண்களில் மாற்றம் ஏற்படும். இதன் விளைவாக மின் உற்பத்தி மற்றும் விநியோகம் கடுமையாகப் பாதிக்கப்படும்.
இந்நிலையில் பிரதமர் மோடி கேட்டுக் கொண்ட படி அனைத்து இந்தியர்களும் தங்கள் வீட்டின் மின் விளக்குகளை அணைத்தால் மின்சாரத் தேவை பெருமளவு குறையும். இதன்மூலம் அதிர்வெண்களில் மாற்றம் ஏற்பட்டு மின் தொடரமைப்பு முடங்கும் நிலை ஏற்படலாம். இதுதொடர்பாக பி.ஜி.சி.ஐ.எல்(PGCIL) மற்றும் லோட் டிஸ்பேச்சர் அதிகாரிகளுடன் மத்திய எரிசக்தி துறை அமைச்சர் ஆலோசனை நடத்தியுள்ளதாக அரசு தரப்பு தகவல்கள் தெரிவிக்கின்றன.

இதில் ஏப்ரல் 5ஆம் தேதி அன்று எடுக்க வேண்டிய முன்னெச்சரிக்கை நடவடிக்கைகள் குறித்து மாநில மின்வாரியங்களுடன் ஆலோசனை நடத்த அறிவுறுத்தப்பட்டு உள்ளது. இந்த விவகாரத்தில் மத்திய அரசின் கீழ் செயல்பட்டு வரும் பவர் சிஸ்டம் ஆபரேஷன் கார்ப்பரேஷனும்(POSOCO) உஷாராக இருக்க அறிவுறுத்தப்பட்டுள்ளது. அதாவது 5 மண்டல லோட் டிஸ்பேட்ச் சென்டர் மற்றும் என்.எல்.டி.சி(NLDC) ஆகியவற்றுடன் இணைந்து திட்டமிடுமாறு வலியுறுத்தப்பட்டுள்ளது.

எனவே நாட்டின் ஒட்டுமொத்த மின்சாரத் தேவை திடீரென குறைந்தாலும் அதிர்வெண்களில் பாதிப்பு ஏற்படாமல் சரிசெய்து கொள்ளலாம் என்று கூறப்படுகிறது. இந்த லைட் ஆஃப் சமயத்தில் நிலக்கரி மூலம் இயங்கும் மின் நிலையங்கள் தொடர்ந்து இயங்கும் என்று மின்துறை பொறியாளர்கள் கூறுகின்றனர். அதேசமயம் எரிவாயு மூலம் இயங்கும் மின் நிலையங்கள், நீர் மின் நிலையங்கள் சிறிது நேரத்திற்கு முன்பாக நிறுத்தப்படக்கூடும்.

9 நிமிடங்கள் கழித்து மீண்டும் உற்பத்தி திறனை அதிகரித்துக் கொள்ளலாம். கோவிட்-19 பாதிப்பு காரணமாக நாட்டின் பல்வேறு தொழிற்சாலைகள், நிறுவனங்கள் மூடப்பட்டுள்ளன. இதனால் ஒட்டுமொத்த மின்சாரத் தேவை 20 சதவீதம் குறைந்துள்ளது. இதற்கேற்ப அதிர்வெண்களை நிலைப்படுத்தி மின் தொடரமைப்பு பாதிக்கப்படாமல் நடவடிக்கை எடுக்கப்பட்டு வருகிறது.

இந்த சூழலில் ஏப்ரல் 5ஆம் தேதி ஏற்படப் போகும் மின்சாரத் தேவை சரிவு எந்தவிதத்திலும் பாதிப்பை ஏற்படுத்தாது. அந்த சூழலை எளிதில் கையாண்டு விடலாம் என்றும் தெரிவித்துள்ளனர். கடந்த ஏப்ரல் 2, 2020 நிலவரப்படி இந்தியாவின் ஒட்டுமொத்த மின்சாரத் தேவை 1,25,817 மில்லியன் யூனிட். கடந்த 2019ஆம் ஆண்டு இதே காலக்கட்டத்தில் மின்சாரத் தேவை 1,68,326 மில்லியன் யூனிட்டாக இருந்தது குறிப்பிடத்தக்கது.

நன்றி சமயம்

ரமணியன்

**krishnaamma** · **krishnaamma** Sat Apr 04, 2020 9:37 pm

ம்ம்....அருமையான விளக்கம் ஐயா ! புன்னகை

.......... சூப்பருங்க

நாளை 9 நிமிட லைட் ஆஃப்; மின் தொடரமைப்பில் இப்படியொரு சிக்கல்- எப்படி சமாளிப்பார்கள்?

நாளை 9 நிமிட லைட் ஆஃப்; மின் தொடரமைப்பில் இப்படியொரு சிக்கல்- எப்படி சமாளிப்பார்கள்?

Re: நாளை 9 நிமிட லைட் ஆஃப்; மின் தொடரமைப்பில் இப்படியொரு சிக்கல்- எப்படி சமாளிப்பார்கள்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக