ரயில்வே இணையமைச்சர் சுரேஷ் சி. அங்கடி மறைவு

-
புது தில்லி:
மறைந்த ரயில்வே இணையமைச்சர் சுரேஷ் சி. அங்கடிக்கு
அஞ்சலி செலுத்தும் வகையில், தில்லியில் உள்ள அரசு
கட்டடங்களில் இன்று தேசியக் கொடி அரைக் கம்பத்தில்
பறக்கவிடப்பட்டது.

ரயில்வே இணையமைச்சர் சுரேஷ் சி.அங்கடி, புது தில்லியில்
உள்ள அகில இந்திய மருத்துவ அறிவியில் பல்கலைக்கழகத்தில்
(எய்ம்ஸ்) செப்டம்பர் 23ம் தேதி உயிரிழந்தார்.

மறைந்த தலைவருக்கு மரியாதை செலுத்தும் வகையில்,
தில்லியில் வழக்கமாக தேசியக் கொடி பறக்கும் கட்டடங்களில்,
தேசியக் கொடி செப்டம்பர் 24ம் தேதி (இன்று) அரைக்கம்பத்தில்
பறக்கவிடப்பட்டது.

மேலும், இறுதிசடங்கு நடைபெறும் இடத்திலும் அன்றைய தினம்
தேசியக் கொடி அரைக்கம்பத்தில் பறக்கும். இறுதி சடங்கு
நடைபெறும், நாள், நேரம், இடம் ஆகியவை பின்னர் தெரிவிக்கப்படும்
என்று மத்திய அரசு தெரிவித்துள்ளது.

தினமணி

4 எம்.பி.க்கள், 6 எம்எல்ஏக்கள் உயிரிழப்பு

கொரோனா வைரஸ் பாதிப்பால் இந்தியாவில் இதுவரை
4 எம்.பி.க்கள், 6 எம்எல்ஏக்கள் உயிரிழந்துள்ளனர்.

சுரேஷ் அங்காடிக்கு முன்னதாக, ஏற்கெனவே கர்நாடகா
மாநிலத்தைச் சேர்ந்த மாநிலங்களவை உறுப்பினர்
அசோக் கஸ்தி (55) கடந்த 17ஆம் தேதி உயிரிழந்தார்.

அவருக்கு முன்னதாக வைரஸ் பாதிப்புக்கு சிகிச்சை பெற்று
வந்த திருப்பதி தொகுதி எம்.பி துர்கா பிசாத் (66) சென்னை
மருத்துவமனையில் உயிரிழந்தார்.

கன்னியாகுமரி தொகுதி காங்கிரஸ் எம்.பி வசந்தகுமார்,
கொரோனா வைரஸ் பாதிப்புக்கு சிகிச்சை பெற்று வந்த
நிலையில், கடந்த மாதம் 28ஆம் தேதி உயிரிழந்தார்.

டெல்லி ராணுவ மருத்துவமனையில் கொரோனா வைரஸ்
சிகிச்சைக்கு பெற்று வந்த இந்திய குடியரசு முன்னாள்
தலைவர் பிரணாப் முகர்ஜி கடந்த மாதம் 31ஆம் தேதி
உயிரிழந்தார்.

மத்திய பிரதேச மாநிலத்தில் ஒரு சட்டமன்ற உறுப்பினர்,
மேற்கு வங்க மாநிலத்தில் இரு சட்டமன்ற உறுப்பினர்கள்,
உத்தர பிரதேசத்தில் இரு அமைச்சர்கள், தமிழ்நாட்டில்
திமுக சட்டமன்ற உறுப்பினர் ஜே. அன்பழகன் ஆகியோர்
கொரோனா வைரஸ் பாதிப்பால் உயிரிழந்தனர்.

இந்தியாவில் செப்டம்பர் 23ஆம் தேதி இரவு 9.45 மணி
நிலவரப்படி, கொரோனா வைரஸால் பாதிக்கப்பட்டவர்களின்
எண்ணிக்கை, 56 லட்சத்து 46 ஆயிரத்து 10 ஆக உள்ளது என்று
ஜான்ஸ் ஹாப்கின்ஸ் பல்கலைக்கழகம் சேகரித்து வெளியிடும்
தரவுகளில் கூறப்பட்டுள்ளது.

உலக அளவில் வைரஸ் பாதிப்பு 3 கோடியே 16 லட்சத்து
73 ஆயிரத்தை கடந்த நிலையில், அமெரிக்காவில் 69 லட்சத்து
2 ஆயிரத்து 930 பேர் வைரஸால் பாதிக்கப்பட்டுள்ளனர்.

வைரஸ் உயிரிழப்புகள், 2 லட்சத்து ஓராயிரத்து 120 பேர் என
அமெரிக்காவிலும், 1 லட்சத்து 38 ஆயிரத்து 105 பேர் என
பிரேஸிலிலும், 90 ஆயிரத்து 20 பேர் என இந்தியாவிலும்
பதிவாகியுள்ளது.

பிபிசி தமிழ் ஃபேஸ்புக்
பிபிசி தமிழ் ட்விட்டர்