காதலனை கைப்பிடிக்க அறுவை சிகிச்சை மூலம் முகத்தை மாற்றிய பெண்

தண்டாயுதபாணி · 24/10/2009

மும்பை, ஜன.11-

டெல்லியை
சேர்ந்தவர் சீமா (வயது 25). (பெயர் மாற்றப்பட்டுள்ளது). இவர் ஒரு வாலிபரை
காதலித்தார். இருவரும் பணக்கார குடும்பத்தை சேர்ந்தவர்கள். உயிருக்குயிராக
காதலித்த இவர்கள் திருமணம் செய்ய விரும்பினர்.

அவர்களின்
திருமணத்துக்கு ஜாதி ஒரு தடையாக இருந்தது. சீமா காதலித்த வாலிபர் உயர்
ஜாதியை சேர்ந்தவர். இவர்களின் 2 குடும்பங்களுக்கு இடையே கடந்த 20
ஆண்டுகளாக தீராத பகை இருந்து வருகிறது.

இருந்தாலும்,
அந்த வாலிபரை திருமணம் செய்து கொள்வதில் சீமா உறுதியாக இருந்தார். அதன்படி
இருவரும் திருமணம் செய்து கொண்டனர். ஆனால் சீமா காதலரின் குடும்பத்தினர்
தன்னை மருமகளாக ஏற்றுக்கொள்ள வேண்டும் என விரும்பினர்.

அதற்காக
முகமாற்று அறுவை சிகிச்சை செய்து கொள்ள விரும்பினார். எனவே தனது காதல்
கணவருடன் மும்பை வந்தார். அவர்கள் முகமாற்று அறுவை சிகிச்சை நிபுணர் மோகன்
தாமசை சந்தித்தனர்.

அவர்
சீமாவின் மனநிலையை அறிய மனோதத்துவ நிபுணரிடம் அனுப்பி வைத்தார். ஏனெனில்
சீமா திகைக்க வைக்கும் அழகான பெண்ணாக இருந்தார். அவரிடம் ஏன் முக அழகை
மாற்றிக்கொள்ள விரும்புகிறீர்கள் என மனோதத்துவ நிபுணர் கேட்டார். அதற்கு
அவர் தன்னை கணவரின் குடும்பத்தினர் ஏற்றுக்கொண்டு திருமணத்தை அங்கீகரிக்க
வேண்டும் என கூறினார்.

அதை
ஏற்றுக்கொண்ட மோகன்தாமஸ் சீமாவுக்கு முகமாற்று அறுவை சிகிச்சை செய்தார்.
மூக்கு, தாடை, நெற்றி, கன்னம் ஆகிய பகுதிகளில் 2 தடவை ஆபரேசன் செய்து
முகத்தை மாற்றினார். இந்த ஆபரேஷன் சுமார் 4 மணி நேரம் நடந்தது.

இச்சம்பவம் குறித்து முகமாற்று அறுவை சிகிச்சை நிபுணர் மோகன்தாமஸ் கூறியதாவது:-

சீமா
நினைத்தால் அறுவை சிகிச்சை மூலம் மீண்டும் தனது முகத்தை பழைய நிலைக்கு
மாற்றிக்கொள்ள முடியும். நியூயார்க்கில் பணிபுரிந்து இருக்கிறேன்.

எனது
25 ஆண்டு கால தொழிலில் சட்டத்தில் இருந்து தப்பிக்கவே பலர் முகமாற்று
அறுவை சிகிச்சை செய்துள்ளனர். ஆனால் சட்டப்படி காதலரின் குடும்பத்தினர்
தன்னை ஏற்றுக்கொள்ள வேண்டும் என்பதற்காக சீமா இந்த ஆபரேசனை
மேற்கொண்டுள்ளார்.

**சிவா** · **சிவா** Mon 11 Jan 2010 - 17:49

இப்படியும் சில காதல் பைத்தியங்கள்!!! எல்லாம் பணத்திமிர்!!!

அப்புகுட்டி · அப்புகுட்டி Mon 11 Jan 2010 - 17:58

சிவா wrote:இப்படியும் சில காதல் பைத்தியங்கள்!!! எல்லாம் பணத்திமிர்!!!

மதிப்பிற்குரிய அண்ணா பணத்திமிறாக இருந்தாலும் உள்நோக்கம் வரவேற்க்கத்தக்கது இல்லையா வாழ்வில் வெற்றி பெறட்டும் உங்கள் மூலம் அவர்களுக்கு வாழ்த்து தெரிவிக்கிறேன் நன்றி வணக்கம்

இந்த பதிவைத் துவங்கியவர் நன்றி கூறியுள்ளார் அப்புகுட்டி