போலீஸ் இன்ஸ்பெக்டர் வீட்டில் திருட்டு

சென்னை : இரவு ரோந்து சென்ற மகளிர் போலீஸ் இன்ஸ்பெக்டர் வீட்டில் புகுந்து கொள்ளையடித்தவரை போலீசார் தேடி வருகின்றனர். சென்னை, வடபழனி மகளிர் போலீஸ் இன்ஸ்பெக்டராக பணிபுரிந்து வருபவர் மீனாகுமாரி. இவர் விருகம்பாக்கம் நடேசன் நகர் இரண்டாவது தெருவில் வசித்து வருகிறார். மீனாகுமாரி நேற்று முன்தினம் இரவு வடபழனி பகுதியில் ரோந்துப் பணியில் ஈடுபட்டிருந்தார். வீட்டில் மகள் ஐஸ்வர்யா(19) மட்டும் தனியே இருந்தார். அக்கம் பக்கம் வீடுகளில் உள்ளவர்கள் வெளியூர் சென்றிருந்தனர். இதனால், இரவு ரோந்துப் பணிக்கு இடையே அவ்வப்போது தன் வீட்டையும் பார்த்துச் செல்ல மீனாகுமாரி முடிவு செய்திருந்தார். ரோந்தின் போது கோடம்பாக்கம் பாளையக்காரன் தெருவில் அலமேலு என்பவரின் வீட்டில் திருடு போயிருந்தது. இது பற்றி தகவல் அறிந்த மீனாகுமாரி அங்கு சென்று வீட்டை சோதனையிட்டார். வீட்டின் முன் பக்க பூட்டும், பீரோவும் உடைக்கப்பட்டு அதில் இருந்த ஐந்து சவரன் நகை மற்றும் பணம் திருடு போயிருந்தது தெரிய வந்தது.


ரேகை நிபுணர்களை வரவழைத்து அங்கிருந்த தடயங்களை மீனாகுமாரி சேகரித்தார். அப்போதுதான் அவருக்கு வீட்டில் மகள் தனியே இருந்த ஞாபகம் வந்தது. வீட்டிற்கு சென்றபோது, பூட்டிச் சென்ற வீடு திறந்து கிடந்தது. உள்ளே சென்று பார்த்தபோது, அறை யில் தனியே ஐஸ்வர்யா உட்கார்ந்து கொண்டு அம்மா, அம்மா என்று அழுது கொண்டி ருந்தார். என்னவோ ஏதோவென்று பயந்து போன மீனாகுமாரி மகளிடம் என்னவென்று கேட்டார்.


அப்போதுதான் இன்ஸ்பெக்டருக்கு வீட்டினுள் மர்ம நபர் நுழைந்து 20,000 ரூபாய் மதிப் புள்ள மொபைல் போன், ஆறு சவரன் நகை, 20,000 ரூபாய் ரொக்கம் ஆகியவற்றை திருடிச் சென்றிருந்தது தெரிய வந்தது. ஐஸ்வர்யா அணிந்திருந்த நகைகள் ஏதும் திருடப்பட வில்லை.இது குறித்து இன்ஸ்பெக்டர் மீனாகுமாரியிடம் கேட்ட போது "என் மகன் விக்னேஷ்(22) விஷுவல் கம்யூனிகேஷன் படிப்பதால் அவன் வெளியூர், வெளிநாடு என்று சென்று விடுவான். மகள் மட்டுமே தனியே இருப்பாள். அதனாலேயே முடிந்தவரை நான் இரவுப் பணியை தவிர்த்து வந்தேன்.


இரவு ரோந்து சென்றாலும் இரண்டு மூன்று முறை வீட்டு பக்கம் வந்து பார்ப்பேன். அப்படி வந்து பார்த்த போதுதான் என் வீட்டிலேயே திருடு போனது தெரியவந்தது. என் வீட்டிலேயே திருட்டு சம்பவம் நடந்தது எனக்கு அதிர்ச்சியை அளிக்கிறது என்றார்.